《又一城。生存戰》: 第五章《撕殺》
衝進廁所後站在我們面前的是三個男人，各手持一把手槍，這也證實了剛剛發出的聲音確有可能是槍聲。我也不能理會太多，拿起斧頭並向站在早間的人斬去！
『嚓！』斧頭直入心臟，輕鬆擊殺。另一方面肥波手起刀落，切去站在最左面的男人的大動脈，鮮血如噴泉的流出。看來我們的動作實在太快，敵人的完全反應不來，加上近戰的關係，手槍完全起不了作用。
『其實我地係呢…』在最右面的僅存者嘗試說話，但已被肥波投下的切肉刀秒殺掉。這埸三打二的比賽，我們輕鬆獲勝。
『嘩你地係度做乜尻？』啊富在我們後方出現，估唔到佢竟然未死。
『鎖咗門再講。』我示意啊富把門關上。
『屌！你地做咩殺人啊？佢地係呢保護我地咖！』啊怡從一個廁格走出來。
『屌！咁妳又唔早出聲，匿係廁格做乜尻？我以為你被人溶撚咗啦！』肥波答道。
『依家本小姐突然人有三急係咪唔撚得呀！？』啊怡反駁。相方你一言我一語，各執一詞。
『夠啦！嘈撚夠未呀！係咪驚死出面啲喪屍唔知我地係度啊？想死嘅話就自己死出去，唔想嘅話就同我收嗲！依家人就已經殺咗，妳想我地點？』我大喊，全埸亦終於都安靜起來。
『我地依家要團結，你地要知道獨自一人只會死，希望大家為自己條命著想。啊怡妳啱啱話果三個人男人係呢保護我地，可唔可以解釋一下？』我說道。
『就係你地出左去冇幾耐之後有人拍門，我以為係你地返所以就開左門。點知原來係果三個男人。佢地同我講佢地係一個反恐組織，又話今次既遊戲其實係由一個恐怖組織主辦，佢地勾結左政府嘅高層所以得到軍隊使用權同埋生化武器。佢地仲話大概三個月前就知道會有一場遊戲發生所以特登每日都派探員呢又一城。而且遊戲唔單止剩係又一城有，全港所有商埸都進行緊。之後佢地又同我講話會盡力營救每一個生還者，佢地基地就係樓下既《Log－On》。原本佢地已經諗住帶我落去，但係我又唔忍心拋棄你地，所以就叫佢地等埋你地先一齊走，點知你地一入呢就好似喪屍咁見人就殺，真係吹尻漲。』
反恐組織？就算係都唔出奇，因為佢地有槍，再加上依家所有野都已經唔可以用常理解釋，啊怡講的東西可信性亦頗高。
『肥波你覺得點？』
『可信性一半一半，但係我覺得落去睇下又無妨嘅。而且我地唔可以永遠留係廁所裏面。』
『啊富？』
『我都覺得可以落去睇下，加上我地有槍，值得一博。如果係真嘅話我地生存機會會大大增加。』
『咁我地依家食啲野先，照樣係一個鐘後出發，啊怡妳繼續守係度，記住邊個敲門都唔好比佢入，除咗我地之外，否則我地就會為咗安全起見見人就殺。妳亦都可以放心，我地只會行落一層睇下咩情況，絕對唔會拋低妳，大家有冇異議？』我問。
所有人亦輕輕點頭。
『我覺得有一樣野有必要同你地講就係啊輝已經死咗⋯你地好好休息一下啦，準備一粒鐘後出發。』
我順便查看一下那三個男人的屍體及食物數量。那三人除了各持有一把有六發子彈手槍之外並沒有任何特別，也沒有身分證明文件。至於食物方面，我發現數量只足夠供我們食用一天，實在少之有少，看來一陣除了調查《Log－On》之外仲要搵埋野食物。我吃了些肉之後便坐下休息，畢竟在這種環境下體力及精神力的消耗都非常大，不休息的話會很易出現精神錯亂和疲累的感覺。不消一會兒我已經入睡了。
『呤⋯呤⋯』電話預設的鬧鐘把我喚醒過來，一個小時真是過得很快，不過現在那怕是一秒都已經很重要，我們需要分秒必爭，因為五日時間很快過。在出發之前我獨自跟啊怡說，
『啊怡，多謝妳無拋棄我地，我亦都明白我地啱啱實在係衝動咗啲，但係妳要知道我地根本無時間選擇，希望妳會明白。』
『傻啦，係依家人人都要有戒心，有時殺錯良民亦在所難免。而且我地係一Team人呢嘛，我又點會拋棄你地喎。』
『無錯我地係一Team人呢，邊個都唔可以死，我地一定可以成為最後4人。』
『承你貴言！記住一陣間要萬事小心，唔好死。』
『一言為定！』
第一眼看到啊怡時我只覺得她是普通師奶一名以及是毫無戰爭能力的人，但萬萬想不到她竟是個那麼重視團隊的人，真叫我喜出望外。若果她選擇拋棄我們的話我們就會失去極重要的情報。若果《Log－On》真的是安全而我們也成功抵達後的話，她絕對是功不可没。
我把武器平均分給我們三人，各人手持一把手槍，肥波拎菜刀，啊富拎切肉刀而我拎斧頭。我總是覺得斧頭才能給我安全感。
『我地一陣要做三樣野，第一我地要睇下《Log－On》咩環境。第二我地要搵野食，因為我地依家有嘅野食只足夠應付一日。而且我估Food Court果到嘅野食應該已經被人拎走曬，所以一陣間只要每經過一間野食店我地就要入去調查。而最後我地要搵新嘅地方匿埋，呢個廁所唔捱得好耐。』
『除此之外仲有一點你地要留意，依家我地自己都自身難保，所以見到第二啲生還者時我地係唔會去救，呢度4個人已經足夠，希望你地可以記住呢點。臨出發你地有冇咩問題要問？』眾人並沒有意見。
『咁我地出發啦，記住唔好死。』
願主祝福我地，阿們。
當身處逆境時，信仰會是一個絕佳的精神之柱。
時間：2:40 PM，距離遊戲結束尚餘117小時20分鐘。
生存人數：7013
成員名單：
肥波（健在）
啊富（健在）
啊怡（健在）
啊輝（死亡）