我們兩人變成黑衣人後並四處跟蹤別的黑衣人,設法找到他們的總部。最終花了約兩小時後我們終於找到了他們的總部,原來正是《AMC》戲院。偷偷地進入了戲院後我們發現他們正在開會議。
 
『喂後面果兩條友企咁後做咩啊,行上呢啦,開會啦!』其中一名黑衣人講。

  仆街我們被發現了,希望他們不會認得我們的樣子吧。而現場只有一名鬼臉人,他率先説話。

  『一陣十二點果場物資戰我地決定唔參加住,因為我地未準備好亦唔知會有咩人呢爭。而當六點果場時我預料班反恐一定會參加,我亦收到線報話佢地個新基地係地鐵站隔離間《百老匯》,到時我地趁佢地一出呢果陣偷襲佢,一網打撚死佢地,而啊張同啊關會趁機搶物資,收唔收到?』

  『明白!』一眾黑衣人答道。





  『我地五點鐘係度集合,依家解散,願撒旦之王祝福你地!』

  原來他們是邪教徒,怪不得行為會這樣古怪。隨著他們解散,我們也走回超市,我把我們看到的都一一告訴給周杰倫。

  『咁你地有冇咩計劃?』周杰倫問。其實佢都幾廢下,次次都問我們的意見,自己卻毫無主見,要取代他的位置難度並不高,有時間的話我需要慢慢想計策。

  『鷸蚌相爭,漁人得利。我地就係漁人,趁反恐同黑衣人打果陣我地封佢地條後路,令佢地去唔到溜冰場,而物資將會由我們輕鬆取得,簡直係完美。好彩嘅話黑衣人會被全滅,到時我地就係最大嘅贏家!』

  『聽落唔錯,咁你地快啲搵人去準備啦!』





  『無問題,你食著花生等睇好戲啦。』你個仆街淨係識點人做野,遲早你一定會後悔。我走出超市大堂對所有人說,

  『我要你地全部人同我出去,入齊每一間鋪搬曬啲檯同家俱出呢,一定要夠大嘅,唔大唔要,全部同我搬上《百老滙》樓上間《i.t》,五點半前同我搞?佢,有冇問題?』

  『無問題!』一眾人異和同聲的答道,看來這班人也挺團結的。

  『相信你地都知今日開始會有物資戰,而我地一陣一定會打敗黑衣人同反恐,收佢地皮,拆佢地骨,我地會係最終贏家,你地話好唔好啊?』我大聲呼叫。

  『好!!!』一眾人亦激昂的答道。





  士氣是打仗的重要一環,當你身處險境時但若果你有項羽破斧沉舟般的意志的話,即使你面前站著一個巨人你也可以把他擊倒,因為你已經變成巨人了。

  『周杰倫你啲近身保標死晒未?如果未可唔可以比我用?我要佢地同我一齊搶物資。』

  『未,佢地四個個名好易記,分別叫文丶武丶雙丶全,著西裝兼戴黑超嘅就係佢地。』

  『唔刻晒。』

  分派了人手後時間亦差不多十二點,我跟肥波到溜冰場看看情況。

  『隆⋯隆⋯隆⋯』物資在溜冰場上空被直升機掉下來,裝著物資的是一個大箱子。到目前為止還沒有人來拿物資。

  『喂無人喎,不如我地落去攞啦。』肥波說道。

  『睇定啲先,依家落去太快啦。』





  時間再過了十分鐘。

  『喂真係好似無人攞喎,落唔落去?』肥波再次問道。

  『再睇定啲先,唔撚好急住。』總有預感我們下去會被埋伏。

  五分鐘後終於有三人跑到物資旁,他們打開箱子後再拿出三個小箱子,然後立即向後退,但卻太遲了。

  『呯⋯呯⋯呯⋯』埋伏在《EXP》餐廳?的反恐部隊立刻射殺了他們,便迅速拿走了箱子。

  『估唔到反恐咁弱雞,被主持人嚇一嚇就放棄拯救人類,依家仲殺人㖭,簡直係垃圾。不過佢地贏呢場亦係我意料之內,係遊戲早期強大嘅團隊及武器的確佔唔少優勢,但係睇住呢啦,我好快就收你地皮。走啦肥波,我地仲有野做。』我看不起這般懦弱的反恐部隊。

  『肥波一陣你去引啲狅暴者呢,六點正時要去到《百老滙》,果陣應該會好亂,你即刻再跑去溜冰場,OK?做唔做得到?』





  『包係我身上!』

  返回超市後我決定稍作休息,養精蓄銳,準備一會兒的大戰。我再醒來的時候已經是五點了,是時候到《i.t》作準備了,臨出去時周杰倫跟我說,

  『你最好醒醒定定,我已經有唔少人因為幫你搬野而死咗,你都知如果輸咗你嘅下埸會係點。Failure is not an option,你明唔明白?』

  『放心啦,我唔會令你失望。』

  『最好啦,祝你好運。』

  我丶文丶武丶雙丶全丶及十多名超市護衛靜悄悄的走到《i.t》裏頭。我們把家俱慢慢的推出來,待推完的時候時間已經是五時五十分。

  『聴我講,當我一陣嗌推嘅時候你地就用盡全力推晒啲野落樓。推完之後護衛你地即刻走返去超市先,保標同我去溜冰場,有冇問題?』
 
眾人分別都舉起手指頭,我們現在要做的只有等待。一分鐘後黑衣人開始潛入來,他們分別站在《百老?》的兩旁邊,等待反恐的未日。




 
四分鐘過後《百老?》的大門終於被打開,有兩名軍人正在説話,

  『健上校同鋒校尉呢?』

  『健上校已經一早去咗溜冰場準備,而鋒校尉好似帶咗啲人去戲院偷襲黑衣人,希望佢地成功啦。』想不到他們雙方竟然用同一種策略,只不過看來黑衣人成功了,因為他們這次傾巢而出,那個鋒校尉肯定撲了個空。 一行五人的反恐正式踏出了門口。

  『殺呀!』那名鬼面人大喊,一眾的黑衣人也衝進了《百老?》進行瘋狂撕殺。我也隱約看到遠處的肥波正在跑過來,而他身後有著十多隻的狂暴者。是時候了⋯

  『推啊!』這埸仗,只許勝,不許敗。
 
 
時間:6:00 PM,距離遊戲結束尚餘88小時50分鐘。

生存人數:2458





成員名單:
肥波(健在)
啊富(不明)
啊怡(死亡)
啊輝(死亡)
周杰倫(健在)
文(健在)
武(健在)
雙(健在)
全(健在)
 
喪屍品種:
感染者
狂暴者
狂牛?
已有 0 人追稿