《又一城。生存戰》: 第十三章《潛入》

『我依家會寫低你地入到去應該要點做，應該唔會太難嘅，拎住啦啊bi。』CT把筆記紙交給他。
 
『唔好唔見。』CT再次提醒他。

  『得啦得啦，你好煩啊。』啊bi回答。

  『我地食少少野先跟住就出發。三十分鐘時間，無得say no。』我落下命令。

  分配完食物後啊bi就被CT拉到一旁教他怎麼樣拿取密碼，看來他也很緊張這次的行動，不過其實所有人也是，如果我們失敗了我也不知道我們能否再繼續生存下去。現在難得有空閒時間當然是跟啊欣聊天的好時機，我也不能控制自己不去找她。





  『啊欣。』我坐了在她身旁。

  『嗯？』她問到。

  『無，啱啱真係多得妳阻止我，如果唔係我可能依家已經死咗啦。』

  『你太客氣啦，我地係一隊人呢咁嘛，我點會比你有事喎，嘿嘿。』總覺得這番話有種似曾相識的感覺。

  『係呢，估唔到妳殺喪屍都幾勁㗎喎，唔通妳受過訓練嘅？』我笑著問她。





  『我都唔知呀，真係好似我受過訓練咁，我可以知道佢地下一步想點，即使係人都一樣。但係我明明由細到大我都無參加過任何關於武術嘅活動，可能真係與生俱來呱，嘿嘿。你會唔會覺得我好怪啊？』

  『點會呢？我反而覺得妳好特別同⋯好靚。』

  『多謝喎，不過你都唔差哎，嘿嘿。你啱啱咪話多謝我嘅，你可唔可以…』她凝視著我手中的朱古力說。

  『攞去啦傻女。』我把朱古力交給她。

  『邊個係你條女啊？』





  『咪妳囉。』我摸一摸她的頭說。

  『做我條仔要好聽話㗎喎，你係咪想做先。』

  『怕妳咩？做咪做囉。』

  她沒有回答只報以一個微笑給我，我是成功了嗎？還是我成功當兵了？想著想著就已經過了三十分鐘，又是時候拼命了。

  『啊bi係時候走啦，啊欣妳守住呢度啦，留CT自己一個係度唔係咁好，行啦啊bi。』我叫他們。

  『吓？唔好啦，我要同你地一齊去呀。』啊欣在抱怨。

  『但係留CT一個係度。。。』

  『無問題喎，我識照顧自己，佢咁想去咪比佢去囉。』CT回答。





  『況且你地無咗我唔掂咖，無我保護你地任務一定失敗。』啊欣補充。

  『但係。。。』

  『但咩係喎，求下你比我去啦。』她十指緊扣的求我。

  『咁。。。』我開始動搖了。她突然走到我耳邊細聲說。

  『做我男朋友要聽我話，嘿嘿。』好吧我認輸了。

  『係啦係啦，咁行得未啊？』

  『得啦！嘿嘿。』她像小孩一興奮的跳起，真的是容易滿足。





  我們又再次走通往超市的路，也很快的到達了地下。從高處看下去發現目的地前佈滿喪屍，不能硬闖，需要用方法引屍群才行。因為啊bi需要拿密碼而我不能令啊欣冒險，這項任務當然是我做了。

  『你地兩個匿係隔離部lift到，我去引走啲屍群，一陣我落完去之後會跑返出呢，喪屍應該會追住我，到時你地要把握時機落去開門。我撇甩佢地後會返反呢，敲門時我會敲三下，每次相隔兩秒，你地記實啦，OK？』

  『但係。。。』怎麼了？擔心我嗎？我不自禁的自hi。

  『做我女朋友要聽我話，乖啦。』我細細聲的在她耳邊說。說罷我頭也不回的走了，此一刻我覺得自己很有型，卻忽視了此舉的危險性。

  我一邊大聲的叫喊一邊走到中央室的位置，成功引來大量屍群，我也隨即走上地下，啊欣及啊bi亦準備好行動。我拼命的跑，衝上了二樓，身後的喪屍也愈來愈多，前方也有不少在迎接我，我到現在才知道我已經走投無路了。

  『大撚獲。。。』我需要冷靜，我跟自己説。環顧四週唯一的出路是。。。沒有。我真的就這樣死了？我看到地下那層的喪屍幾乎已完全走到去我這層了。

  『咪住！』地下那層沒有喪屍，換句話說只要我能到達地下時我便安全了。但扶手電梯已被感染者堵塞了，唯一的選擇就是直接跳下去。可能我會受重傷，但為了生存和啊欣，就算死我也願意。跨過扶手欄杆後我一躍而下，

  『咔！』是骨裂的聲音嗎？我又不是醫生我怎會知，我只知道我的左腳很痛，但我最後也成功走到中央室那裹，喪屍仍然在二樓尋找我的蹤影，看來喪屍化的人智商也降低了不少。





  『敲。。。敲。。。敲』我用暗語敲門。

  『啊亮！』開門的是啊欣，她興奮的抱著我。

  『我應承過妳我會返呢，我又點會咁無口齒呢？』我說。

  突然我的頭產生了一陣痛楚。。。

時間：10:45 AM，距離遊戲結束尚餘72小時05分鐘。

生存人數：1920
成員名單：
肥波（不明）
啊富（不明）




啊怡（死亡）
啊輝（死亡）
周杰倫（健在）
文（死亡）
武（健在）
雙（死亡）
全（死亡）
啊欣（健在）
啊bi(健在)
CT(健在)

喪屍品種：
感染者
狂暴者
自爆牛