《又一城。生存戰》: 第二十一章《缺口》
『啊亮？』在我眼前的啊欣用疑惑的眼神看著我，我又再次回到了現實。老實說不停的時間穿越確實令我感到疲憊，我也開始分不清究竟自己在幻覺中還是在現實世界。
『無野，只係突然間諗返起啲野啫。』我跟她說。
『諗起啲咩啊？』
『其實。。。妳記唔記得第一次見我係幾時？』我需要驗證一些東西。
『咪前晚你暈低咗果日囉，做咩咁問嘅？』果然跟我想像中一樣，看來我們都失去了一些記憶，特別是五年前的事。那場生存遊戲有很多秘密，我也可以肯定我曾有參加過那場遊戲。但啊哥像在隱瞞著一些事情，至於他的用意我也不能猜測到。現在可以做的就是希望幻覺可以更頻密的出現，令我記起更多。
『想考下妳記性啫。』我隨便找了個藉口敷衍她。
『低能！』她笑著罵我還輕輕的打了我一下，真希望她能一直對我這樣。
『有乜低能得過有人鐘意個低能仔喎？』我也不甘示弱，向她反駁。
『你試下講多次？』她把右手向後拉，做出拉弓的姿勢，氣勢逼人。因為在之前已經領教過她的厲害，我也迅速的投了降。
『哼，算你啦。以後唔好再駁嘴啦，知道未？』
『知道啦大人。』我刻意裝成下人來逗她開心。
『嘿嘿。』沒錯，只要她開心我也會開心。
『話時話周杰倫究竟最後點？我暈暈地果陣好似隱約聽到佢啲慘叫聲喎。』我很好奇他的結局是到低是如何。
『我見佢咁衰偷襲你咪教訓下佢囉，嘿嘿。』她露出個奸笑的樣子。
『妳唔好話我知妳殺咗佢喎。』我不能想像到啊欣殺人的情影，不過即使她真的殺了周杰倫我也沒有什麼意見，畢竟他本來就該死的。啊欣示意我把耳朵靠近她，而我照做了。
『我。。。閹咗佢，嘿嘿。你想唔想試下？』我立刻摸一摸蛋蛋的位置，即使只是聽到也覺得很痛。
『唔。。。唔想。』我也開始覺得啊欣她愈來愈變態而感到恐懼。
『咁你以後要聽話啦，嘿嘿。』她一個邊捏著我的臉蛋一邊説。在她面前我顯得像個弱不襟風的男子，但我卻很樂意繼續下去。愛情總是能徹底的改變一個人，而且從來沒有人能倖免。
『喂你地拍完拖未啊？拍完就過呢啦，我地有啲野要傾。』CT忍不住叫我們，我們也立即前去，畢竟工作要緊。
『依家情況就係咁。』啊哥把指揮官一事再次跟我們説。
『而我地要搵嘅人叫肥波，真名我唔知，佢高我一個頭到，略肥，短頭髮，著白色T－Shirt同黑色長褲，皮鞋。最重要嘅係佢條頸後面有個紋身，憑呢一點已經可以好易認到佢。』我跟他們說。現在已經不能理會太多，時間也愈來愈少，所以能找到肥波才算吧。
『CT你同啊bi再加埋我隊人分工合作，兩個人負責睇住個閉路電視，兩個就睇返前幾日嘅錄影帶，睇下見唔見佢。』阿哥在吩咐著。
『收到。』CT點頭回應。
『我會自己去揾一樓至四樓，五至七就由阿亮同阿欣負責。』阿哥說。
『無問題。』我回答了他。
『各位我地時間無多啦，得返五十個鐘。至於係生係死，就睇你地自己啦。大家加油！』阿哥嘗試鼓勵我們，可是事情卻沒有這麼順利，在短短十五秒後我們便遭受到沈重的打擊。
『啲閉路電視。。。無晒。』CT說道。『似乎係有人刻意整壞佢地，仲要係岩岩先爛。而且，啲錄影帶都俾人刪晒。。。』
『屌！』阿bi憤怒的大叫著。在前一分鐘還戰意高昂的我們到現在和敗家犬已沒有分別。
『咁睇呢結論就只有一個，係我地七個之中，有一個。。。就係指揮官！』阿哥說道。
鏡頭也再次回到了那間黑暗的房間。
『點解會咁嫁？』站著的人表示不解。
『係因為寄生體嘅關係。』坐著的人説道。
『請繼續。』
『喪屍其實係由寄生體演變出呢。寄生體通過體液進入人類身體，之後寄生體會攻擊人嘅大腦，慢慢咁吞食佢，最後寄生體就會自製一個腦袋。不過寄生體嘅腦袋相比起人腦就簡單得多，所以喪屍全部都係弱智嘅，佢地唯一識做嘅就係食同行路。雖然寄生體攻擊力強，但係防守力實在太低，佢地唔似人類識製造白血球防禦自己。所以佢同其他病毒一樣都係怕紫外光，咁就可以解釋到佢地日頭同夜晚點解會有咁大分別。一到夜晚寄生體會即刻變強，但係同時會暴露更多弱點，驚水就係其中一個。宿主一但接觸到水後寄生體就會死亡，同時亦令宿主死亡。但係你依家睇到嘅係一個特別例子。宿主受感染後被裝上新嘅大腦，但係大腦仲未完全成形，當佢一接觸到水後寄生體被殺死，大腦只完成一半，有一半嘅腦仲係人類嘅腦，所以佢地雖然都係要食野，但係仲保留人性。擁有人類大腦嘅佢地可以話係有智慧嘅喪屍。換句話說呢個情況只會出現係受感染唔過一個鐘嘅人身上。』
『明白。咁有無辦法令寄生體唔怕水？』
『K博士已經著手研究緊。』
『非常好，咁仲有冇咩要報告？』
『四號已經完成戰鬥測試，結果非常好，只需三秒時間就完成任務。佢依家可以隨時上場。至於三號愈來愈奇怪，腦電波亦開始出現異動，完成任務後需要重新接受手術。到最後八號，表現繼續良好，so far so good。』
『唔，你覺得八號可唔可以打贏一號或者二號？』
『一抽二都仲得。』坐著的人胸有成竹的答道。
『哈哈。。。咁你同我叫八號捉到就捉，捉唔到就殺晒佢地兩個。五年前嘅仇。。。我一定要報！』
時間：07:30 AM，距離遊戲結束尚餘50小時40分鐘。
生存人數：749
成員名單：
肥波（不明）
啊富（不明）
啊怡（死亡）
啊輝（死亡）
周杰倫（被閹）
文（死亡）
武（健在）
雙（死亡）
全（死亡）
啊欣（健在）
啊bi（健在）
CT(健在)
啊哥（健在）
啊鋒（不明）
喪屍品種：
感染者
狂暴者
自爆牛
半人半喪