《又一城。生存戰》: 第二十四章《V2》

我們現在身處於中央室內。
 
『CT你搵得返啲錄影帶未？』啊哥問到。

  『仲未，不過已經好近啦，你俾多少少時間我一定得。』

  『咁我地靠晒你啦。』啊哥說。

  『包係我身上。』





  『咁我地等啲喪屍落返呢先再上返去啦。』啊哥對著我跟啊欣說。

  『嗯。』反正剛才經歷過這般緊湊的戰鬥後我不論精神或肉體都感到很疲倦，所以我我便跳上了梳化小睡一會。

  『實驗報告點？』有人在問。今次與上幾次都不同，我看不到任何東西也不能移動，只有聽覺可以用到。

  『我已經將V2寄生體注射入一至七號裡面，佢地嘅血壓同血糖亦即刻急升，咁即係話。。。』一名女子在說。

  『重點唔該。』那男的顯然沒有甚麼耐性等待。





  『首先四號佢好明顯對寄生體過敏，所有皮膚都變晒紅色，器官擴大，同時亦都開始發狂。我建議要即刻停止。。。』

  『同我再注射啲寄生體入去，份量要係之前嘅三倍。』那男人在說道。

  『吓？咁樣佢會。。。』

  『我依家請妳返呢駁嘴定做野啊？下一個！』

  『呼。。。一至二號同五至七號反應嘅係意料中嘅事。佢地成功同V2結合，無論感官，體資，智慧都提升到另一個層次。不過我啱啱發現咗啲好奇怪嘅事，就係一至三號都擁有異於常人嘅白血球，佢地天生有超強嘅抵抗力，所以一般寄生體係無可能係佢地體內生存。不過由我研發嘅V2當然唔同講法。當V2同佢地嘅白血球結合時，竟然產生咗另一種細胞出呢，呢一種細胞有超強嘅回復能力，令一至三號可以話係——不死身。咁當然當受到致命傷或者傷口過大嘅就另計。』





  『哈，好好。請繼續。』他聽到“不死身”這三字之後變到非常興奮。

  『最奇怪嘅就係三號。唔知點解V2係佢身體入面完全無晒反應，但係又唔係死咗。我稱呢種狀態為“沉睡”，我依家仲搵緊方法激發係佢體內嘅V2寄生體。不過直覺話俾我知一旦激發到嘅話，三號嘅潛力無可限量。』

  『勁過晒其餘一至七號？』

  『係。』女人用好肯定的語氣回答。

  『八號嘅進度又點？』

  『已經完成咗近八成，佢嘅身體同V2配合得天衣無縫，一定可以將V2嘅威力發揮到極限。八號應該會係我地最成功嘅生化人。』她邊笑邊說的，似乎她很滿意自己的製成品。

  『咁如果三號同八號打，邊個會贏？』男人問了一個很難的問題。

  『嘿嘿。』女人以微笑作回答，因為這是個問題並沒有答案。





  『哈哈。』男人也跟著她笑了，因為他同時擁有兩件最強大的生化武器。

時間：11:30 AM，距離遊戲結束尚餘46小時40分鐘。

生存人數：500

成員名單：
肥波（不明）
啊富（不明）
啊怡（死亡）
啊輝（死亡）
周杰倫（被閹）
文（死亡）
武（健在）




雙（死亡）
全（死亡）
啊欣（健在）
啊bi（健在）
CT(健在)
啊哥（健在）
啊鋒（健在）

喪屍品種：
感染者
狂暴者
自爆牛
半人半喪
四號





 故事終於呢到一半，而我亦需要時間去諗之後點寫，請大家包容。 
至於一至八號都出晒場，希望大家鐘意啦。各位，我地再會。