深缺: 深缺-Part1

  我本身係一間trading公司度做Sales, 做左六七年，人工都算可以, 食唔飽餓唔死果隻，係有時老細煩D, 不過勝在工作時間彈性，一時話聲走出去見客就唔駛返公司。都係果句"有數返我話之你日日返屋企訓"我老細成日講。


 講係咁講，我咪又係要交見客果D Schedule, follow up reports果D廢野,仲要交遲一日都鬼殺咁嘈,以前有個師兄都講過＂我寫野咁叻就做左作家la，駛做sell 屎！＂諗深一層，佢講野都不無道理。 


由於係公司做野都有一段日子,而我又係比較無所謂果類人。其他同事對我亦唔錯，有大小gathering一定預理我。同同事之間相處亦頗算融合。 


同部門有兩個同事比較啱傾，安仔:一個斯文•高大•書生形嘅sales assistant, 大約三十歲，結左婚六年到，有兩個女。唔知安仔係咪真係咁怕對住屋企三位女仕，總之所有唔駛返屋企嘅活動佢都一定到。不論係星期一到五Happy hour, 飯局，定係星期六日放假打籃球，war game, 燒野食必定有佢份。佢出現活動嘅次數一定比佢返工日子多，總之逢請必到=_= 




另外一位叫Mimi, 大約26、27 歲，一個長頭髮靚女(有少少似電視台個女主播)爽快，男仔頭性格嘅女同事。雖則我話Mimi男仔頭，但係佢衣著方面真係有一手，所有迷你裙，熱褲，連身,Deep V樣樣齊。呢類型女性係公司只係有一個結果，就係深受男同事喜愛同女同事討厭。工作上，佢同我係Sales team嘅position係一樣，不過就負責另一條team, 就由於要一齊對抗老細嘅關係，大家都叫做friend底。除公事外, 我同Mimi私底下都叫做有兩句, 可以講下心事。