深缺: 深缺-Part8

就係我上完攝影堂回家途中， 我遇到佢-佳儀。 

我下意識走過去打招呼， 不過我好快就後悔左。 

"喂，佳儀。" 一個簡單嘅開場白。 佳儀慢慢咁抬起頭黎望向我。 

嘩！ 

再望多眼， 原來佳儀面上D粧花晒， 或者應該講， 佢喊到個粧溶晒: 兩行眼淚沿著溶左嘅眼線一路流到面脥; 粉底係眼淚嘅沖擊下變成一撻一撻。好在地鐵都叫做有D人， 如果唔係我以為撞到。。。



 "喂， 佳儀，你無野ar ma?" 嘅然撞到， 而佢亦咁樣， 身為一個男仕絕對有需要問候下佳儀。 

"亞Dick? 嗚吖！" 

我所怕嘅野終於發生， 佳儀喊出黎果個聲浪經已令車廂內八九成人向我地望來。 當然， 除左果D一入地鐵就戴住Earphone, 只會面向智能電話，Ipad 果D"低頭族" 外--佢地只會沉醉係佢地所熱愛嘅網上世界。  

而我都對此時此刻， 一個咁尷尬嘅情境作出反應。 

"不如我陪你去月台坐下。" 就係地鐵埋站同時， 我半扶左佳儀去近車頭張櫈坐低。 



我攞左張紙巾比佢， 好難想像， 好似佳儀咁貪靚嘅女仔出街會唔拎紙巾！？定係佢喊到個腦一片空白， 自己有紙巾都唔記得左？點都好， 我張紙巾已經到左佢手， 而佢都起碼用張紙巾印下面上嘅眼淚。 係個一秒， 我突然諗返起， 好多好多年前一位對我人生中非常重要的一個女仔所講果一句話"細心嘅男仔係會隨身有紙巾"。 

嘻， 我無唔記得。 只不過估唔到會用係十幾年後呢個場合。 

世界上可能好多野估唔到， 或者唔到我地去選擇。 但至少， 我諗我估到佳儀今晚點解會咁。    


 [很多時候， 網上的欺騙來得現實世界的謊言友善得多]