第三章

唔知大家有無睇過 Paranormal Activity. 印象中到而家為止應該做過 4,5套。我地當時睇個套係日本人做既,故事發生在東京的,我都唔記得係第幾集了。套戲好唔好睇見人見志啦,我自己就幾鐘意呢類第一身賴係 DV 拍攝既戲。因為自己都鐘意拎住部機四圍影。

我同 Misa 坐係正中既位置,坐低後各自放低可樂,而爆谷就照平時一樣由 Misa 拿著。其實套戲都幾恐怖,氣氛恐怖之餘仲會失驚無神彈 d 野出黎嚇一嚇你。我唔驚之餘仲幾開心,可能因為 Misa 太 驚,佢直情挨住我黎坐,膊頭貼膊頭,我一路望著螢幕,鼻上傳來她身上淡淡的香水味,頓時覺得睇咩戲跟本唔重要。在我伸手取爆谷之際,全場女生都發出一聲驚呼,當然 Misa 也不例外,她突然雙手一齊捉住我,隱約感覺到她右邊的胸部緊緊壓住我的左臂。如果有人問我當年最好睇既係邊套戲,我可以好肯定咁話你知係 Paranormal Activity! 我覺得直情應該攞埋奧斯卡最佳電影,雖然我唔係好記得故事情節。(記憶中當年得獎電影好似係 Hurt Locker,呢套真心好睇。)

由於左手被 Misa 捉住,我只好用右手來取爆谷。其實我真係唔小心,唔係有意的。將爆谷盒撞跌,爆谷就倒瀉了在她的裙上面。

「啊,sorry 呀,有冇整親你?」我抱歉的在 Misa 耳邊說。



「唔緊要,我冇事呀,不過有人冇得食。」可愛的她在我耳邊輕聲說,呵氣若蘭。

「我幫你執返。」Misa 開始鬆開我的手臂,擺明就係暗示我可以幫她清理大腿上的爆谷。我即時行動,左手往她的大腿上移動,檢起爆谷來。因為 Misa 仍然挨著我坐,我左手伸過去的時候,手臂有意無意的碰到她的胸部,起初我都有刻意挪開,但我發覺 Misa 跟本沒有在意,只是留意著螢幕,還有意無意的挨近我多一點。既然人家都唔介意,我堂堂男子漢梗係唔可以顯得小家,左手就來來回回不斷的清理裙上的爆谷。因為倒瀉了不少,有一些留在敏感部位的還未清理,我心存僥倖的示意 Misa 移一移開雙腿,本來已經移開雙腿的她突然停止動作,挨近我耳邊帶點淘氣的說:「呢度我自己執得喇。你掛住執都冇睇過戲,套戲好好睇架,你快 d 睇啦。」本來以為可以達陣得分加深彼此關係,點知球證突然吹罰,好彩戲院夠黑,否則她一定問我點解突然間一臉哀傷。

雖然我成套戲都冇咩點睇,但個種滿足感比一次過睇完魔戒三部曲更甚。今晚係第一次碰到 Misa 的胸部,雖然只是手臂。亦係我第一次觸碰到她的大腿,那怕只是撿爆谷。這些微細的身體接觸,一般都只是情侶間的親暱行為,如今竟然出現在我們身上,我心裡不禁想這會否是一種暗示,暗示我們可以進一步發展成為情侶。阿一,你要比心機,勇往直前,絕不放棄!

「阿一?如果你趕時間不如自己走先,唔洗送我喇,一出地鐵站就係屋苑範圍,我 ok 呀。」

「唔係呀,sorry, 我諗緊野之嘛,所以行快左。」原來我心裡想的跟身體一樣誠實,心裡正在想著勇往直前,步伐自然的加快,不知不覺間將 Misa 拋離了 5個身位。



「諗緊套戲?應該唔係,你成晚掛住幫我執爆谷,都冇認真睇戲。」Misa 似笑非笑的說。

「嗱,好喇,唔好再笑我喇,話你知呀,我惡起上黎連我自己都驚呀。有冇見過沙煲貢大個拳頭呀?」我作狀舉起拳頭。

Misa 笑著避開。雖然我地兩個加埋都差不多成六十歲,但只得我倆的時候,我地就好似大細路一樣,隨意的談天說地,開一些無聊的玩笑,好似將所有面具包袱都放低一樣,完全的無添加,感覺就像星期六的下午聽著 Jason Mraz, 非常舒服。
已有 0 人追稿