「下一站係,廣明苑。」

一月五日。我永遠不會忘記這一日。

事緣是一個義工無故説我是第三者。
『其實件事係點?』一次街站,我問這個人。
原來你曾經喜歡過這個人。

『你話畀我聽,你同佢有冇一齊過?』
「冇⋯⋯但我係鐘意過佢。」



那到底你為什麼要暪著我?
你為什麼要騙我?

「咁你問嗰陣我已經冇再鐘意佢。」689的語言藝術也出動了。

我需要冷靜一下。

「你而家覺得我點?我係咪背負左你?」冷靜過後,你問我。



『我唔知,我只係覺得......我好似係做咗代替品咁;
不過代替品又點?只要有第一次咁下一次就係代替品啦。』我勉強苦笑。

「其實唔係,我真心唔係咁諗。我真係諗過,你係個好好既人,可以同我一世,但問題係,你而家都信我唔過,一齊黎有乜用?」

『唔會係咁,我仍然絕大多數相信你。』

「我只可以同你講,其實我一直冇將你當係一個替代品,你係我咁多個鍾意過既人對我最好個個,但而家咁我真係冇信心可以同你一世,你根本就唔信我。」

「而且,我根本唔了解你,你亦都唔明我諗緊乜,我覺得我地既距離愈黎愈遠。」



『我承認佢某程度上係打擊咗我對你嘅信任,但係我依然相信緊你。如果我完全唔相信你我根本唔會問你。』我不想,真的不想再吵下去;但是,現實就是現實。

『其實我一路問自己點解咁衝動,不過我相信今次之後我地會更了解大家。可惜依家似乎係你唔信我信你。我諗大家都要諗吓我地嘅前途問題。』

「再咁落去根本對邊面都唔好,」我感覺到我們是時候。「我覺得我地係咁階段仲未適合拍拖,雖然宜家咁先講係對大家都唔好,但係繼續落去都未必好,就算你覺得可以,我都已經唔覺得再可以再落去。我都怕以後再有啲咁既野發生,令你更難受。」

你少有的理性。

「我唔想係我未諗清楚就繼續,一旦再有咩事影響我地兩個都唔好。」

我默不作聲。

「所以算啦。」



眼淚漸漸流出來。

「如果我相信個兩個人真係有緣既話,我相信個兩個人無論點都會再次係埋一齊。最後,我重申由我地開始到而家,我一直都好鍾意你,希望你明白我而家既感受。」

『唯有係咁。』我哭著說。

首先,平時的你,才不會有這麼理性。
其次,這樣的分手經過,實在是有點荒謬。

是有人教你這樣說嗎?

腦海裏即時浮出一個多星期前在總部對Matthew的審判。
軍師。

「叮咚叮噹——下一站,海富中心,金鐘站。」


施政報告正開始宣讀,「委員會」三個字在我耳邊不停迴響著。

我還未忘記在那時與你相遇,與你牽手的時光。在旁聽席上,回憶起青年廣場的那場諮詢會,我們一起恥笑著梁振英的一刻。

一切,早已被完結。

「做咩呀?」來自軍師四人幫之一Martha的問候。大家各手執一本施政報告,在政總天橋互相對望。
她輕輕拍了我的頭兩下,便很快離去。她在港大的莊務繁忙,大概也沒多空閒去與我閒聊吧。

我仍然不想放開你。乘著962,在屯門公路眺望著車外的風景,淚水也不停地流下來。

原來我真的很想念你。

你還好嗎?



打開whatsapp,原來你已把我block掉。

這就是你。