輸了你贏了世界如何: (下) 恨錯難返
「但係，你有無唸過，其實我真係需要d咩？」
婉晴的問題讓黑夜變得更沉寂，讓我變得更慚愧。近年，我專注工作，不但旅行，連二人世界的時間也少之又少。我一直以為理所當然的事，其實原來只是婉晴無限量的體諒。
「你知唔知，伯母最近扭傷腰，世伯身體又唔好，我又...」
「你點呀？做咩事呀？」
「無事啦，我諗你都唔記得星期六係咩日子架啦。」
「Er...」
「或者，我地都要好商量下，星期六喺我地約定既地方等。如果你都係唔記得，就證明你心裏已經無我的位置，我地既緣分亦到此為止。」
「婉晴呀。」
「仲有，呢幾日我會搬去同世伯伯母住，幫你照顧佢地，你自己小心d啦。」
就這樣，婉晴暫時搬走了。究竟，星期六是甚麼特別日子呢？
婉晴的生日？不是，她下個月才生日。
拍拖紀念日？更加不是，上個星期才給媽媽罵我沒記性，不體貼。
相識紀念日？好像是和拍拖紀念日同一日的。
那麼，究竟是甚麼日子？時間越來越少，還有不足兩日就到星期六。這時，電腦響起了通知聲。
「你有一封新電郵。」打開郵件，正在想又是哪個客戶。
「連凱同學：
不經不覺， 貴同學經已畢業十年。本校將於本月二十三日(星期六)，舉行第五十六屆舊生聚會，地點為本校禮堂，期望同學屆時能抽空出席。
雅思中學舊生會謹啟」
原來，不經不覺已經畢業十年。回望中學時期，婉晴和我每天出雙入對。基本上，除了上廁所，我們所有時刻都在一起。我打球的時候，她會在場邊觀看；她比賽時，我會在台下為她打氣
且慢，十年？舊生聚會？我記得了！
「晴晴，我記得啦！」
「下？記得d咩？」
「星期六係我地畢業十年既日子，亦係我地開時間襄既日子。」
「算你喇，仲記得。」
「梗係喇，我咁聰明。」
「懶醒喇你，如果唔係學校封email，你又點會記得！」
「咁你幾時番嚟啫？我好掛住你呀！」
「肉麻！睇下你星期六既表現先喇！」
「Maggie，幫我取消哂星期六所有既appointment。另外，幫我book長島酒店既扒房，我有好重要既約會。」
今次，我一定要令你回心轉意！
星期六我一早醒過來，好好裝扮自己。坦白說，今天比第一次約會還要緊張多了。
突然，電話響起了。
「連凱，今次大鑊啦！美國股市突然大瀉，香港應該都會跟住跌，宜家老闆話要開緊急會議。」
「但係...」
「唔好但係喇，無論你有咩約會，點都唔夠公事重要！」
「Er...」
「老闆話如果邊個唔番，星期一就唔使番工。仲有，你咪想升做受薪股東既？之前聽老闆提起，佢都睇好你。如果你今次處理得好，我諗你升職既機會一定好大！」
我努力了這麼久，為的就是這個機會。但是，婉晴怎麼辦？
不要緊，聚會下午才開始，只要我趕及聚會前到達便可，最多夜晚再花心機氹她。結果，我做了人生中最錯的決定。
回到公司後，我把手機放在工作桌。然後，就趕去開緊急會議。
過了不知多久的時間，緊急會議終於開完。可是，接下來卻是更多的工作和挑戰。客戶的聯絡、跟進，一個接一個，做過不停。
「凱，今次你做得好好！下次嘅董事會，我會提議升你為受薪股東。」
「多謝老闆！」
「夜喇，快d番屋企休息，星期一仲有好多嘢要跟進。」
看見窗外，太陽也快下山。工作總算完成，努力終於有回報。
「大穫！」
我忽然想起我和婉晴的約定，看見電話十多個未接來電和口訊，我心知不妙。
待我趕到學校時，聚會早已完結，但卻看不見婉晴的身影。走到埋下時間襄的草地，發現我們的時間襄已比人挖起。
一定是婉晴，我把她的時間襄拿來看。
「希望文婉晴一直和連凱一起，每分每刻都在一起！」
然後，旁邊有一段新加的文字。
「凱，你還是沒有來，看來我們的緣分也到此為止了！」
這時，媽媽打來了。
「凱，你又做錯左d咩？婉晴而家執緊行李，話要去唔知咩咩納，你快d番嚟啦！」
「媽，你幫我截住佢，我而家即刻趕番嚟。」
這是我人生第一次，無視交通規則，超速，衝紅燈。因為我知道，如果今次氹不回婉晴，那以後也不用再氹了。
趕到樓下，婉晴也帶著行李出來。
「婉晴，唔好走呀！對唔住呀！我以後一定會抽多d時間陪你。」
「唔洗啦。係喎，都未恭喜你，終於可以升做受薪股東，願望終於達成。」
「唔係架！我既願望係同你永遠一齊！」
「由你選擇番公司既一刻，其實你的心已經作出左選擇。」
「唔好走喇！我會改架！我真係會改架！」
「其實我早幾個月收到維也納樂團既取錄，我都想同你商量，但你又一直都好忙。咁啱果時世伯伯母身體又唔好，所以我先拒絕左佢地。但既然而家世伯伯母身體無事，咁我都可以放心去維也納。」
「我好需要你架，唔好走喇！」
「其實，我已經俾左好多次機會你，只係你一直都無好好珍惜。」
「今次我一定會改嫁！」
「但你有無諗過我？係我最需要你既時候，你又係邊？我其實只係好簡單想你陪下我，點解咁簡單既要求都咁難？」
「對唔住。」
「既然你選擇左工作，我亦唔阻你。」
「凱，我要走啦。以後，你要好好照顧自己。」
「唔好呀！婉晴，唔好走呀！」
最後，我順利升為受薪股東。但是，婉晴卻離開了。
站在這間過千呎的新屋，全屋只有我一人，更顯得冷清孤寂。
真的很可笑，三十不到的我，手持數個單位、十多架名車、銀行戶口不知幾多個零。可是，卻又如何？沒有你的世界，再也沒有溫暖，沒有意義。