《結婚，從來都唔係兩個人嘅事》: 00

「你願唔願意嫁比我呀﹖」我單膝半跪，拎住介指，情深款款咁同阿晴講。

佢好明顯咁比我感動到痴左線，又喊又笑咁係咁噏頭。

我將隻等於我成個月人工嘅鑽石介指，套咗入她隻左手中指，然後我哋就嚟咗個法式濕吻，咀到啪啪有聲。

喺側邊睇戲嘅花生友，亦都被我哋搞到出哂水......呀唔係，係感動到眼濕濕。

佢哋紛紛恭喜我哋，我哋都好欣然咁接受。





我仲以為，我哋就好似童話中嘅王子同公主一樣，結咗婚就可以快快樂樂咁生活落去。但係搞完結婚先知，結婚，並唔係戀愛嘅墳墓咁簡單，係簡直將你兩條友一腳伸落墳墓，仲要監生咁活埋你哋......