Miss Chloe: 12

這天放學後我還有很多要做，要批改功課，又要準備明天的教材。埋頭苦幹一番才驚覺已經八時半，身邊的同事都走了，只剩下我自己在冷冷清清的教員室內。是的，還只是開學之初，其他老師應該也不會太忙。可憐是我新手上路，什麼也要由零開始去準備、適應，當然要多花點時間。
 
但奇怪的是，Kelvin還沒有找我。或許他忘了吧？那算吧，時間也不早，我也差不多時候要回家吃飯了，因為忙得沒吃午餐的緣故，我很餓又有點頭暈。我徐徐地收拾好手袋便走到門口旁邊把關燈。就在那一剎那，有人把門推開了，便踏入了門口。
 
「啊…」這突如其來把我嚇得後退一步，更差點失足。在昏暗的燈光下，此時那人上前一把把我捉緊，他一手扶著我的腰，一手捉住我的手。那人正正是Kelvin。
 
「Miss Ko，你冇事嗎？」他說。他的手還沒有放開。與他接觸著，我的心跳得很快，滿面通紅。但我知道我不可以做出越軌的行為。我便鬆開了他緊握的臂彎，並再開了一點燈。
 
「冇事啊。唔該。做咩咁夜仲未走嘅？」我故作振定地問。
 




「係啊，嚟緊又有泳賽啊，所以啱啱要練水。本身都諗你都可能走咗。但都過嚟睇吓會唔會見到你。」他說。可能是在密封又昏暗的環境下，只有我跟他，他好像也顯得有點緊張、害羞，又好像有點迴避我的眼神。
 
「啊，呢啲就係我想借俾你嘅書啊。你可以拎去睇，有咩唔識再問我。」我答。
 
「好啊，唔該。你係咪都放工喇，不如一齊走？」
 
「好啊。你係咪都搭巴士呀？」我說。
 
他點點頭。就這樣，我們便一起走往巴士站等車。這時天已黑、夜已深，等車的人也不多。
 




「係呢，你幾時開始學游水架？」為了化解尷尬的氣氛，我找了點話題。
 
「我好細個就學嚕，應該係由幾歲開始，爸爸媽媽就帶我游水，記得每次游完水出嚟，附近都有雪糕車，每次游完水，我總係好期待食雪糕．」他笑著說，露出他整齊潔白的牙齒，展現著很陽光、很燦爛的笑容。
 
「哈哈。原來你係因為想食雪糕而鍾意游水？」我說。
 
「都唔可以咁講嘅。我係真係鍾意游水，鍾意追求速度嘅快感，同埋可以挑戰自己。不停為自己訂新嘅目標，如果真係達到，就會好有滿足感。」他微笑著笑。
 
「同埋，每次游水就會諗起爸爸，當年係佢教識我游水，依家佢已經唔喺度，所以藉住游水，我總係覺得同爸爸嘅距離好接近，亦好希望做出好成績，佢會喺天上見到。」他若有所思地說。
 




「嗯，冇錯。我相信你爸爸會睇到你嘅努力架。實不相瞞，其實我細個嘅時候都係泳隊架，仲係隊長黎添。」為了緩和氣氛，我也開始說說自己的事。
 
「吓，真係架？睇唔出喎。」他睜大眼，露出難以置信的表情，然後又上下打量我。
 
「errr…係真架。不過上咗中學就冇參加嚕。你知道啦，青春期，身體變化好大，我怕羞就再冇參加嚕。」
 
　　「明嘅、明嘅。」然後他露出有點壞壞的笑容。
 
　　「係喎，月尾有水運會喎，有師生接力賽，不如你一齊參加，同我一組吖。」他突然說。
 
　　「um…好耐冇游喇喎。等我諗諗，遲啲再答覆你啦。」我虛應著。其實我不是太想參加的。
 
　　「那好吧。」