我 , 係咪一個學生時代既贏家 ?: 青梅竹馬篇 Part 12.

一個男人，只要係佢真心愛既女人，

就算果個女人係個男人面前除哂衫，一件不留，

個男人，應該係唔會扯旗，好似係.....好似係.....好似係..................，

呢個時候，你又可能會講「個男人不舉架嘛！哈哈哈哈哈..............」

咁我又問返你，你有無試過有呢個例子？



我，叫牛奶傑，今日係12月31號，除夕，夜晚11點45分。

我曾經透過個Mon J過無數既咸片，浪費無數既紙巾，但....一直都未試過親眼望過女性全踝玉體，

但呢次，係我第一次，先再頭到尾開始講起。

話說，我今朝比狗哥兼水貨佬加我老豆嘈撚完之後，

水貨水果句「做足安全措施」，係我腦到無限徘徊，



我....會唔會同家琪................？

我唔敢想像，從來未想像過。

我訓唔返，一直眼光光望住痴滿我隊愛隊車路士既天花版，

杜奧巴同我對視左足足超過３個鐘，巴哥既笑容對住我笑左３個鍾，

係咪叫我去捕捉他？「杜奧巴！很想去捕捉他～」



時間3點半，為左同家琪睇煙花，所以我神咁早出門口同家琪行下街再霸個靚位，

當然有記得帶返隻情侶戒，因為今晚比較凍，所以我著返我最自豪兼最靚仔既裝束。

「還記得櫻花正開還未懂跟你示愛～初春來時彼此.............」 

我電話又響起～係家琪打比我

「喂老婆！點呀老婆！？咩事呀老婆？」

「哎也唔好咁大聲啦，老公豬」

「錫返淡先......啜～」你估得岩，我又啜部電話。

「嘿，死變態！」



「乜錫老婆都叫變態架咩，咁搞老婆叫唔叫變態？」

「夠膽你咪搞！」

「哎唷你覺得我唔夠膽搞#hehe# 」

「唔好講衰野啦，你係邊呀？」

「係你屋企樓下呀衰婆！」

「我而家跳落黎嚕！」

「放心，我一定接實你！頂多比你「澤」死架姐。」



「即係話我肥啦，哼！唔理你」

「梳梳梳，快Ｄ落黎，你老公就黎凍死啦」

「得啦，落緊黎啦！」

自從平安夜果陣，我同家琪溝通既語氣改變左好多，其他人睇我地真係似老夫老妻。

當時，如果我無記錯既話，家琪果日身穿一件白色毛毛嬲，藍色冷衫，

白色長恤衫去到膝頭果Ｄ，再加條灰色褲襪，再加對短靴，

一隻字，靚到核爆。