我 , 係咪一個學生時代既贏家 ?: 青梅竹馬篇 Part 16.

「只需要～最迴腸盪氣之時可用你的名字～和我姓氏成就這故事～～～～～～～～」

係搭車途中，家琪雖然挨左落我膊頭休息，但亦Cool住我左手好實，

令我彈動不得，不過唔緊要，最緊要佢覺得舒服就得，

「估唔到個衰婆訓教果陣又幾可愛........」我自言自語

閉起雙眼的她，配上她面上的淡妝，一臉滿足訓係我膊頭，就好似將佢自己，交托比我咁。



而我，又想問返熟睡中既你：「閉起雙眼你最掛念誰？」。

轉眼間，巴士已經到站，曾熟睡中既家琪亦都自然醒左，

因為到站之後，仲要行十幾分鐘路程先到我屋企，沿途亦經過家琪既屋企，

行到某段路，令我諗返起，平安夜果日有一對情侶係呢個暗位打茄輪，

「哼～」我恥笑左一下，打茄輪我未試過咩？



「你笑乜野，做乜笑得咁咸濕:-[ ？」

「無，笑Ｄ衰野黎架姐」

「哦！！即係想對我做埋哂Ｄ衰野啦！我返屋企啦！」

正當家琪另轉身果下，

「想走！？」



「呀！」一聲尖叫

我以公主抱既型式抱住家琪向我屋企既方向跑走[sosad] 

「呀！哈哈哈！呀！停呀！放我落黎呀！哈哈哈」

呢Ｄ咪叫口裹說不，但口裹又卻很誠實嚕，一邊又好開心咁笑，一邊又叫放佢落黎，

咁即係開心定唔開心姐？小姐？

不過，我無放低佢落黎，只係放慢腳步黎行，

「原來你又幾輕架啵」

「你想我肥咩:-[ 」



「肥少少又無乜所謂既，哈哈哈」

「唔準笑呀:-[ ，行快Ｄ啦，未食飯呀？」

「咁我放你落黎啦[sosad] 」

「唔呀！唔制呀！」佢雙腳猛咁踢[sosad] 

「我要你抱住我返去！」

呢個時候，我又再跑過，家琪又開始尖叫[banghead] ，周圍返屋企既路人情侶，什至係馬路上既司機都轉個頭黎望住我地兩個。

終於，返到屋企，因為都幾晏既關係，我老豆老母已經訓哂教，



家姐仲未返黎，我都知咩事。

「你入我房，我去個廁所先。」廢事嘈醒爹娘，所以好細聲咁講。

我去完個廁所之後，好似黑旋風忍者咁，貓步輕俏咁行返入房。

戲肉黎嚕........