[聽者恥笑，說者流淚] 恥笑吧，娶左個港女返屋企: Chapter 13 兄弟 (下)

這個晚上，要是形容詠宜跟平日一反常態的態度，
我只有用「鬼上身」三個字來形容。
 
例如，晚飯過後，我特意打開電腦，在她面前跟一眾兄弟網聚，
詠宜不是一臉不屑的在梳化埋怨著我，而是靜靜地坐著我身旁，
嬌嗲地把頭伏在我的肩膊，就這樣一言不發的過了一個小時，
更弄得我有點抱歉，於是把電腦關掉，跟她聊天。
 
「老婆，做咩事呀？平時你唔係唔鍾意我打機既咩？」
 


她對我報以莞爾一笑，但我竟然覺得有點不慣，
 
「唔係呀，你認真個樣無論工作同打機，我都幾鍾意呀。」
 
天噢，如果是因為可憐我而把我的老婆換掉的話，
我求你把以往的詠宜換回來，我真的很不習慣這個小鳥依人的她。
 
「老婆，你係咪有野想同我講，有咩事兩公婆咪講出黎有商有量。」
 
「真係？」


 
詠宜親了我的臉頰一口，然後有趣的問道，
 
「我可唔可以接返我屋企果隻狗仔beebee返黎住一排，始終我好想親手照顧返佢呀。」
 
我不是討厭小狗，而是我討厭的是最終還是由我來照料，
畢竟詠宜以往在她的家中，BeeBee的起居飲食還是由她的傭人來打理。
 
最重要的是，BeeBee是一頭老虎狗！
說真的，不是我沒有愛心，是我不太愛好經常玩口水的狗狗。


 
「下！」
 
「老公呀！我求下你啦！我會好好咁照顧BeeBee既起居飲食……」
 
最終我還是心軟的答允，本以為她再別無所求，怎料……
 
「仲有一件事呀，老公！」
 
「仲有咩事呢，老婆大人！」
 
詠宜支吾以對的打量著我，
 
「…..你會唔會答應我？」
 


「咁你既訴求係咩？」
 
「你答應左我先……」
 
我斬釘截鐵的回答，
 
「過份既要求一定唔得！」
 
「例如係咩？」
 
「同男仔去街食飯去旅行果啲就一定唔準！同你既好姐妹Kelly落吧更加係禁止！」
 
「無啦?」
 
「下，你仲想有咩?」


 
詠宜歡愉的對我說，
 
「嘻，咁我既要求都唔係好過份姐。」
 
「咁你想我答應你啲咩？」
 
「我Daddy媽咪既屋企因為內牆水管漏水要裝修，我想接埋佢地同埋BeeBee係我地屋企暫住一個月！」
 
聽到這個訴求後，我不禁打從心底的抖震！
 
跟我的岳父岳母相處，對我來說連一頓早茶我也覺得可怕，
更何況，現在要跟他們同住一個月的時間！
 
他們的可怕不在於他們的本身，而是他們對我的態度，語氣什至表情。


 
總括而言，他們認為我不配當他們的女婿，
這個想法尤其是以岳父最為明顯。
 
 
「老婆……呢個訴求呢……」
 
詠宜懇求著我，
 
「老公呀，你知道Daddy媽咪佢地年紀大訓唔到酒店，而且酒店既空氣又唔好又貴。」
 
「…….」
 
「咁你哥哥呢？」
 


「哥哥同佢女朋友住緊，話唔方便。」
 
難道我們的家方便嗎？
 
而且我更相信詠宜的哥哥拒絕的原因，一定是怕了他的父母難相處，
更怕害得他的女朋友從此跟他分手。
 
「身為人子，應該要好好照顧父母！等我同佢傾下！。」
 
「老公呀…….」
 
「唉…..」
 
「最多以後俾你同班兄弟食飯睇波唔洗問準我，但唔準唔返屋企，同埋唔準有女仔！」
 
這個交易，好像不錯！
 
「真係？」
 
「咁……唔好去咁密可以嗎？總之老公你答應就得啦！老公呀！」
 
「唉，一個月姐！應該好快過，而且……老婆你都係想做孝順女姐。」
 
「嘻，老公你真係好。」
 
「咁佢地幾時搬過黎？」
 
「聽日。」
 
「下！」
 
兄弟們，為了跟你們聚會！
我付出的代價其實也不少。
 
老婆跟兄弟間要取捨的話，我只好犠牲我自己。