《我炒咗車之後入廠訓咗四年覺》: 防波堤
結衣:chilam!我想上防波堤行吓啊!
我:上防波堤?冇路喎,點樣上去啊?
結衣:你有隻橡皮艇嫁嘛!
我笑笑:吖係喎!唔記得咗添!哈哈…
結衣:正一大頭蝦!
我:哈哈!我係大頭蝦!我係一隻蝦!哈哈哈!
結衣白我一眼:好無聊囉你!
我:有時候唔無聊邊有得笑吖!係咪先?
結衣:哈哈,咁又係…
我地上返去遊艇,將橡皮艇落水之後就揸去一道防波堤。
我慢慢扶起結衣行上堤壩。
結衣:哇!好靚啊…
我:嗯…真係…好靚…要影多啲相!
有隻麻鷹飛咗去堤壩上面。又舉機,再影多幾張。
我地一路影,一路向住盡頭嘅燈塔行去。
結衣:呢度啲石好難行啊…
我:嗯,你小心啲啊!
老實講,呢度啲路真係幾崎嶇嫁。
####################
我跟住chilam一直向住盡頭行。
黃昏嘅天空令到呢度嘅氣氛變得好浪漫。
我掛住欣賞周圍嘅風景,一唔小心爭少少就拗柴!
呼…
呢個時候我諗,如果可能拖住chilam隻手扶住嚟行,就好嚕…
#####################
黃昏嘅天空同長洲嘅海景形成一片好靚嘅風景。
結衣:喂chilam!幫我影張相吖?
我:好啊!
結衣走到冇幾遠嘅地方,喺一塊石頭上面坐低。
一陣海風吹過,將佢嘅秀髮吹得飄逸。
呢個時候嘅結衣猶如天使下凡咁靚。
如果比班男同學見到佢呢個樣,睇怕佢地一定流哂鼻血!
"咔嚓!"
結衣:點啊點啊?
佢好急不及待咁急步走過嚟,結果…
結衣:哎吔!!
佢爭啲差錯腳,喺石堆上面拗柴。
結衣:哇!好彩…
我:小心啲嘛…
結衣:係呢影成點啊?
我:嗱。
我比個相機mon佢睇。
結衣:好靚…
我:喂,咁你都幫我影返張吖?
結衣:吓?點影?
我:好似我幫你影果張啊…你企呢度吖!
結衣:哦。
我行到啱啱結衣坐低果個位,擺好另一種坐姿。
"咔嚓!"
我小心奕奕咁行返結衣果度。
我:點啊?睇過…
結衣:嗱。
我:唔錯吖!有進步喎!
啊!原來已經5點3嗱?!
約好咗班同學5點半喺碼頭等。
我:喂。
結衣:嗯?
我:返去喇。
結衣:哦。
我同結衣小心咁行返去。
啊…啱啱結衣好似爭啲拗柴喎。
我:喂結衣,捉實我。
結衣:啊?
我:我話,捉實我慢慢行,廢事你再拗柴啊。
結衣:吓…哦…
我:呢度,小心。
結衣:喂。
我:嗯?
結衣:唔該哂…