公主迷魂記 (一個四十歲雞蟲失戀的故事): 第六章 周日床上
倒數開始 - 不是冤家不聚頭
又到咗Happy Friday! 一早同M小姐溝通好, book咗isquare食韓國嘢, 然後睇戲! M小姐仲話如果佢搞得夜, 我就去HMV行吓先, 如果早收, 就陪佢shopping, 正路吖!
18:00
M小姐ping我, 佢話一切順利, 即走!
約好喺lift lobby等..... 我等多一陣, 起身走人! 如常經過M小姐附近, 見到佢大小姐仲喺度摷e樣摷果樣, 好明顯, 佢仲未得啦! 我唯有企喺lobby玩吓手機先.....
終於大小姐珊珊來遲..... 入到lift, 得我哋..... 我急不及待拖住M小姐咀咗一啖, 佢仲好風騷咁話我乜唔驚cctv咩? 我話咀咀濕濕碎啦, 邊有人會理我哋喎!
落咗一層, lift門再次打開..... 來人正是Amy! 大煲! 因為..... E個moment真係好尷尬, 早排上去佢屋企果單嘢, 我一直隱瞞住M小姐, 又唔知Amy佢會點諗, 萬一佢爆响口, 咁咪仆街? 再加上, 兩個女人一早有過牙齒印(其實有邊個冇同Amy有牙齒印呢?) M小姐仲極度好撚憎E個八婆, 坦白講吖, 真係全公司冇乜邊個like佢, 人衰口臭嘅嘢太多太多嗱, 周街都係佢襯家! 最幣嘅就係, M小姐一直以為我同Amy冇來冇往, 又冇乜利益衝突, 唔應該有任何瓜葛嘅! 之但係, 實情我同Amy, 唉, 真係唔想再提.....
部lift有幾大先? 一眼望哂啦! Amy淨係同我一個打招呼, 完全當M小姐透明! 呢D就係叫做報應, M小姐咪一樣當我下面果三丁友透明! 不過, 家陣我立即有個不詳嘅預感!
果然, Amy真係要玩嘢!
Amy瞄咗一瞄我拖M小姐隻手, 然後好姣咁望我.....
"how's the day?"
"good! you?"
"pretty quiet... hey, drink on me?"
小! 妳咪撚玩嘢喎!
"oh! sorry, i have....."
Amy特登瞄一瞄M小姐, 再用好寸嘅語氣講.....
"well well well, got it, may be next time..."
"..."
跟住, 條死八婆繼續玩嘢, 佢爆咗句好金嘅.....
"your taste has changed....."
我聽到O晒咀! 唔撚係嘛? 喺D咁嘅環境, 妳真係要玩到咁大? 我冇望身邊嘅M小姐, 不過feel到佢嘅怒火不斷上升, 好大機會即時爆發第三次世界大戰!
"I mean... your new watch..."
Amy指一指我手上隻錶.....
"Yes, new one..."
"You really like it?"
我頂! 不過, 我知道要保持冷靜!
"Sure! I pick!"
我用好肯定嘅語氣回答! 然後舉起我拖住M小姐果隻手, fing吓手腕隻錶!
我覺得E個動作絕對滿分, 完全技術性擊倒Amy! 當然, Amy又點肯認輸呢? 再瞄一瞄M小姐, 加多幾錢肉緊同我講...
"Drink on me, next time, promise me?"
"Ok..."
同時間, lift門終於再次打門, Amy一個箭步離開, 不過, 回頭拋底一句...
"catch you later, bye!"
我當然冇答佢啦!
Amy已經一支箭咁標咗出大堂..... 而我哋就慢慢行出電梯.....
"Bitch!"
Woo, 嚇咗一跳, 望一望M小姐, 估都估唔到佢會咁大反應, 佢仲一直怒啤Amy嘅背影!
"huh... catch you later... 乜你同佢好friend嘅咩?"
OMG! 大小姐呀, 人哋借我過橋玩妳, 咪以為我同佢有一手啦, 錯就錯在三個人同一部lift!
離開大厦lobby, M小姐勁黑面, 跟住一直發晒小姐脾氣, 重覆Amy講嘅每一句! 突然, 大小姐話冇mood唔去食飯! 轉過頭自己行咗去的士站, 話要一個人返屋企!
天呀! 我可以講得D乜呢? 唔通好似D八公八婆一齊數臭Amy? 定係E家帶埋M小姐落鵝頸橋打小人? 結果..... 好無奈咁目送M小姐絕塵而去! 唉..... 我漫無目的咁喺四圍游..... 真係越諗越慶, Amy呢條死八婆駛唔駛玩到咁大呀? 我呢舖一定會同妳計! 但係, 我又唔明點解M小姐忽然間EQ咁低呢? 駛唔駛嬲到唔食飯, 自己一個走咗去呢? 好在佢頭先喺部lift入面, 冇好似以前咁發作, 真係諗起都一額汗!
諗諗吓都係番上office, 留喺自己間房, 等M小姐落咗的士之後先至call佢..... 話唔定, 佢嬲完會回心轉意呢.....
一路行番去lift lobby, 望住部手機, 好期待M小姐online, 甚至whatsapp我..... 一條友入咗部lift, 正想㩒..... 突然一個黑影, 有人衝咗入嚟! 定個神一望, 竟然係Tammy! 佢望我眼, 我望佢眼, ..... 我心入面又嘆咗一聲!
"咦, 老細, 乜唔係佳人有約咩?"
"唉, 唔好提..."
"What's matter?"
"..."
我搖搖頭, 指指部電話, 做個好無奈嘅表情..... Tammy擘大眼望住我! 唉, 算啦, 妳明唔明都冇所謂.....
十分鐘後, 我一直望住枱面上嘅手機, M小姐仲未online..... 正想直接打電話比佢嘅時候, Tammy敲門.....
"老細, 仲等乜?"
我苦笑咗一聲.....
"妳, 做乜仲未走? Friday night喎?"
"快啦..."
"哦..."
"如果冇嘢須要我, 咁, 我出番去先嗱..."
"Hmm... 冇... by the way, thanks!"
Tammy對我微笑, 之後就轉身行番出房.....
電話未能接通! 唔係嘛, M小姐連電話都熄埋, 咁絕?
又過咗差唔多半粒鐘, M小姐一直都冇在線..... 我除咗望住我部手機之外, 就係間唔中望吓出面嘅Tammy, 我發覺佢根本冇做過嘢! 應該係咁話, 佢都係一直喺度玩手機, 其實佢可以放工鬆人, 做乜要留底呢? 唔好話比我聽, 佢想等我呀! 嗱, 我又開始懷疑佢係M小姐嘅undercover.....
越等就越唔對路! 自我感覺非常之差, 唔單只心悴不靈, 手心出汗, 直頭諗唔到嘢, 腦袋空白一片! 點算好呢? 都係唔好屈喺office度嗱, 留喺度都無補於事, 倒不如打的去M小姐屋企, 搏佢一舖仲好啦! 好, 坐言起行, 快快趣落下面打的先.....
"老細, 走嗱?"
Oh, 行過先記得Tammy仲喺度.....
"Hmm, 係呀! 妳都返歸啦, bye!"
越急就越冇lift, E個係一個定律! 我腦入面再次浮起之前lift入面發生嘅事..... 都係Amy條八婆! 冇佢出現就乜事都冇, 識得咁耐, 真係一D面都唔比? 越諗就越興!
不經不覺, 電梯到達大堂.....
我都未行出lift, 就比一個女人撞理身! 無錯, 係一個女人! 仲要係一個我認識嘅女人! 就因為佢身上散發出嘅香水, 一股我熟悉嘅香水味.....
仆街, 佢咪係Amy!
好明顯, 條八婆唔記得帶嘢, 走番轉頭啦.....
Well, 正所謂仇人見面份外眼紅, 我即刻啤撚實佢! 睇條八婆有乜反應?
起初果幾秒, Amy確係有少少慄, 但係始終佢識得我耐, 睇死我做唔出D乜..... 定個神之後, 見我淨係識得怒啤, 開始又寸咀.....
"呵呵呵! 有人發脾氣喎!"
"做乜唔出聲姐? 比人飛咗冇地方去, 返公司咁慘呀?"
"哈, 打電話氹番人囉!"
電梯再次上升..... 各位, up to E個moment, 我都冇出過半句, 由得佢狗噏..... 因為我一直思考緊, 應該點先可以KO條死八婆!
"喂, 做乜唔出聲呀? 我仲以為你想食咗我添?"
我慢慢收番部手機, 細細聲同佢講.....
"Amy, 妳做乜講咁多嘢? 究竟妳係玩我定玩佢先? 妳想點先?"
"唓!"
Amy一個唓字, 講到毫不在乎, 我就好肯定佢受軟唔受硬果隻, 開始中招了.....
"妳講! 妳憎我定憎佢?"
Amy諗咗一諗.....
"傻仔, 你咪咁天真啦, 究竟你知唔知道自己做乜先?"
"咁... 妳係咪鐘意我?"
Amy聽完之後, 望左望右! 想答又唔答, 欲言又止, 一句中佢要害! 就係E個時候, lift門打開, 因為到咗Amy果層! 條八婆竟然想走! 我立即截番住佢, 佢完全冇諗過我會咁做, 簡直好似比我點咗穴咁! lift門除即關上, 我立即拖住佢隻手!
"今晚唔講清楚, 妳咪想走!"
"你做乜呀? 你痴咗線呀?"
扯火嘅我, 冇答佢不特止, 仲好大胆咁將佢拉埋我身邊! 就喺E個時侯, lift門再次打開..... 外面企咗四個人!
IT嘅肥仔Ken, Tammy, 食蕉哥哥同埋Ben sir!
當我同Amy望出去, 見到佢哋嘅時候, Ben sir嚇呆咗, Tammy就O晒咀, 肥仔Ken仲跌埋部手機落地添! 食蕉哥哥直頭扮見唔到, 走番入去!
坦白講, 我都唔知點解會咁衝動, 講不特止, 仲出埋手..... 始終, Amy即係Amy, 又點會比自己出丑吖? 佢診我呆咗呆嘅時候, 一手推開我, 跟住好有大家姐風範咁, 反客為主, 捉住我手臂, 然後大大聲講.....
"我就去你office講清講楚!"
真係好戲劇性, 仲好似好有默契咁, 我同Amy當出面班友透明, 直行直過, 入去office!
我個金魚缸office.....
已經差唔多三分鐘..... 喺E三分鐘之內, 我一直企咗喺我張椅嘅後面, Amy就一直坐喺我對面, 抱住佢個Chanel..... 正所謂敵不動, 我不動, 大家都明白嘅, 全力攻擊對手, 只會暴露自己嘅弱點, 因為, 我哋太明白對方.....
如果我真係要食Amy, 十九幾年前已經趙咗啦, 駛等到E家? 相對地, 佢要搞我, 其實又駛乜等到今時今日吖? 好明顯係為咗啖氣! 一個白痴嘅傳說..... 全公司嘅人一直以為我係Gay嘛! 打從Amy唔過電, 深圳秘書小姐冇下文, 之後, 一直又冇女朋友, 我又鐘意同埋班攣嘅一齊social, 公司D人咪好自然諗到我係ally囉!
Amy以為我攣都仲好, 起碼易落台, 點知到咗今日, 竟然殺出個M小姐! 雖然事隔咗咁多年, 但係E個人死要面嘛, 出面個個到開始知道我同M小姐拍拖, 而佢聽聽埋埋, 又點哽得落吖?
終於..... 都係Amy抵唔住頸!
"你喺公司做D咁嘅嘢, 我可以complaint你!"
"Complaint? Complaint我D乜? 捉住妳隻手? 咁, 不如報警啦?"
Amy瞄咗一瞄我, 又再攬住自己嘅手袋, 竟然收口冇駁嘴!
"妳話M小姐, 就等如以前妳話深圳秘書小姐! 如果妳係話我, 我仲會舒服D!"
Amy聽完我講E句, 刻意逃避我嘅視線, 遠眺窗外, 細細聲講咗以下嘅說話.....
"以前嘅, 就由得佢... 今日你為個咁嘅女人... 你... 究竟你知唔知你做緊D乜?"
Amy一直盯住我, 兩隻眼紅撚晒..... 小! 我最怕就係女人喊, 咪撚喺我office度喊吖, 出面仲有Tammy喺度㗎!
"Well, 我情願你係Gay我會好過D...
By the way, 我同你都有頭有面, 仲要喺度做, 可唔可以當冇事發生過?"
嗱, 似乎我win咗喎, 我都話啦, 條死八婆係要兇佢先至知驚! 之不過, 我都係衰心軟, 竟然講咗D唔應該講嘅嘢.....
"唉, 其實我唔係想整喊妳... 大家都識咗咁多年, 我又點會唔明你份人吖, 但係, 我忍得唔代表其他人忍得... 妳明唔明?"
Amy, 一邊聽我講, 一邊用紙巾小心翼翼咁索乾D眼淚! 超! 女人, what a 女人.....
跟住, 我仲做咗D更加唔應該做嘅嘢! 我捉住Amy隻右手, 一隻帶滿好多Tiffany bracelets嘅右手, 然後同佢講.....
"Ok, 今晚乜嘢都冇發生過!"
OMG! 溝女咩? 做乜E個時候講埋D咁嘅嘢!
之後, 我仲陪佢離開我個office.....
玻璃門一打開, Tammy就即刻轉身望咗一望我哋.....
"老細, 走嗱?"
"Oops, 你都走啦, 夜喇!"
Amy竟然插咀喎!
"Nice weekend!"
E句簡單嘅說話, 我聽得好舒服, 姑勿論真心定假意, 做人有禮貌係好緊要, 由其是對你嘅下屬! Amy同M小姐都係一樣要改.....
落到去Amy嘅office.....
反正我都係等M小姐, 咪送埋Amy落去佢office囉..... 原來佢忘記咗帶門匙..... 臨走嘅時候, 比我昅到佢外婆有張合照, 我口痕講咗句.....
"都好耐冇見妳婆婆, 佢身體點呀?"
"She passed away almost two years!"
慘! Amy跟住喊到收唔到聲, 扒咗喺書枱度! 點算好, 我仲諗住快快收皮, 然後就走去揾M小姐添!
話時話, 我從來冇整喊過女人, 即使當年同深圳秘書小姐say goodbye, 佢頂多眼紅紅想喊想喊咁款! Amy應該係第一個! 對於一個冇feel嘅女人, 喺你面前喊, 真係唔想搞咁多嘢, 多一事不如少一事! 但係, 又唔可以無動於衷㗎? 萬一佢喊到失控又或者一直喊到天光, 我咪好撚大镬? 都係安慰吓佢幾句, 然後乘機鬆人..... 我正想行埋D先至開口, Amy突然抬起頭!
"Give me a few minutes, and don't let anyone in please..."
之後, 佢真係好快就冷靜咗落嚟, 跟住仲開始補妝..... E個moment我又開始..... Deja Vu..... 唔係, 應該係親身經歷過..... yes, 當年當日, 我接Amy出院前嘅情形! 我一直望住Amy, 直到佢化好個靚妝.....
由我哋離開office開始, 大家都冇出過聲, 即使喺lift入面! 步出大堂之後, 佢向左走, 我向右走, 我知道大家係刻意嘅, 要見, 始終會相見.... 茫然咁向前走, 都唔知過咗幾多條街, 穿過幾多座大厦, 神推鬼擁咁上咗架叮叮! 坐低咗之後, 我開始思索Amy嘅每句說話, 但係..... 最唔明嘅一句.....
"傻仔, 你咪咁天真啦, 究竟你知唔知道自己做乜先?"
佢噏撚D乜呀, 完全唔撚明! 忽然, 我諗起Kitty, Compliance嘅大秘, 好似以前講過類似嘅說話.....
E個時候, 我諗到D好撚屎忽嘅嘢! 真係好屎忽!
會唔會M小姐係人妖?
五呎八吋高, 身裁瘦削, 飛機場..... 但係樣貌同聲線百分百女人喎! 人妖我見過啦, 個個遠睇就呃到人啫, 冇可能! 況且, 我仲攬攬錫錫佢咁多次, 冇撚理由唔知㗎! 加上, 我路線咁正確, 冇左傾或者右傾喎, 實分得出嘅! 都係咪自己嚇自己啦.....
倒數開始 - 非常突然!
手機響! 係WhatsApp!
非常突然, 係M小姐ping我! 嘩, 我即時開心到.....
"r u hungry?"
"yes, im starving..."
"lol"
仲笑得落? 唉, 大小姐, 咪玩啦!
"where r u now ?"
"at home"
"oops"
"u ?"
"still hanging around on street..."
我望實部手機, 等咗成分鐘都唔見佢覆, 確實有D心急..... 小那星! 妳又搞邊科呀? 結果.....
"wanna catch up ?"
嘩, 好嘢! 終於肯見我..... 回心轉意啦..... 都咪話我認屎認屁, 一早就睇死佢會揾番我啦..... 咦, 好唔好玩番佢轉頭呢? 話比佢知我冇撚晒mood, 今晚唔想再見面, 然之後走去M小姐屋企, surprise番佢! Hmm, 都係咪搞咁多嘢喇, 尤其是今晚發生咁多不愉快事件, 都係留番下次先至玩, 費事玩出個大頭佛啦!
bing一聲又第二個message...
"r u still there?"
弊! 唸得太多嘢, 唔記得咗時間嘅重要性, 冇回覆添! 好在我一直都係睇緊preview, M小姐唔知我係唔係真係睇咗, 好彩啫, 即刻回!
"sure, i can't wait 2 b with u!"
"lol"
"can u come over?"
"sure, btw, where?"
"meet u under my flat?"
"OK"
":P"
立即落叮叮, 跟手截的士過海, 仲同司機大佬講, 十萬火急, 盡快! 果然, 有運即係有運, 又遇著個車手, 話咁快就到! 最估唔到嘅, 竟然係M小姐一早落咗嚟等我! Oops, 佢無換過衫, 咁, 即係話, 佢一直有諗住今晚再搵我囉! 算啦, 成件事大家都係受害人, 都冇話邊個着與唔着嘅.....
M小姐上車之前, 我已經訂好枱, 同一地方!
"等咗好耐呀?"
"冇, 你都好快喇!"
"訂番同一地方, ok嘛?"
"食乜都冇所謂啦!"
講完, 繑住我隻手, 俟落我身, 小鳥依人咁, 我即時得番半條命, 之前M小姐發嘅脾氣, 煙消雲散囉! 仲有, 我E家先至發覺佢換咗對高踭鞋, my god, 正到冇朋友! 佢仲用隻腳hi吓hi吓我, 另外果半條命比埋佢都得喇!
"頭先一直係街度?"
"哦, 去咗尋仇之嘛!"
M小姐聽完, 即刻大笑, 仲一手拍落我膊頭, 我當然乘機攬實佢! 明嘅, M小姐咁醒目, 我估佢明我講乜, 而且..... 我估佢仲知道之前發生過乜! 咁, 我係咪有理由相信Tammy係二五呢? Anyway, 唔好越諗越遠, 我要好好珍惜目前, 把握今晚E個機會!
的士出老尖, 真係話咁快就到, 我同M小姐兩個好似私奔咁, 直奔上isquare! Anyway, 一入lift, 我差D比M小姐嚇親! 佢可能見冇人, 突然咀咗我一嘢! 究竟E一嘢係咪compensate番我呢? 定係出自佢真心?
27樓, 食韓國嘢.....
"你肚餓嘛?"
"肚餓到直頭想食咗妳!"
"好吖! 就今晚!"
Woo, what a hint! 老實講, 我發夢就發得多! 起碼到E一秒為止, 可以同佢發生進一步嘅關係, 只係發夢先可以, 以後就唔知! 結果, 成餐飯, M小姐不停比hints我, 枱底又不停有小動作, 根本就搞到我慶烚恰!
今餐佢話佢要埋單, well, not a problem, 但係..... 記憶中, 每次晚飯由佢埋單, 之後實有境! 希望今次中大獎啦!
飯後落番去isquare商場, 拖住M小姐, 雖然大家冇講嘢, 但係一切盡在不言中, 真係無限想象, 無限風光..... 好唔好開口講呢? 單刀直入, 定婉轉D好呢? E個moment係要開口講嘢, 都dead air咗咁耐, 思前想後, 我終於開口.....
"跟住我哋做乜?"
小! 乜我咁撚柒㗎, 諗咗咁耐, 仲要噏句咁嘅嘢? 真係死咗去好過! Well, M小姐聽完之後, 反應係點呢? 首先, 佢可能要花D時間去諗清楚我嘅含意, 比唔切反應我..... 跟住佢做咗一個小動作, 輕輕力咁咬唇, 然後停咗係度, 望實我!
仆街, 唔係又發作嘛? 點知, M小姐同我講咗E句!
"我想你陪我!"
我聽到佢講E句說話, 個心離咗一離, 兼且立即心跳加速! 今晚, 我肯定明佢背後嘅意思, 冇理由佢會亂咁嗡嘅..... 不過, 我都係買過保險好D..... 我輕輕用力攬實M小姐, 喺佢耳邊講.....
"不如去我屋企啦?"
"Hmm... 我唔想喎..."
"咁, 番去妳屋企又得!"
M小姐拍一拍我個patpat, 然後面貼住面講.....
"唔係!"
"哦, 不如去酒店!"
"Hmm... 你想去酒店?"
Bingo! 咁嘅對答, 仲唔係今晚可以搞嘢! 真係想立即通知晒我所有親朋戚友, 叔伯兄弟, 一齊分享我E一刻嘅喜悅! 同一時間, 又係delta t之內, 考慮到去乜嘢酒店, 冇理由時鐘, 香港有乜酒店又平又靚呢? 死啦, E家團購都嚟唔切㗎! 突然, 有個鬼主意!
"Hey, 不如我哋過澳門吖?"
M小姐戚一戚條眉, 竟然點頭!
嘩, 又再bingo! 終於守得雲開見月明囉! 又係delta T之內, 滿腦子淫念..... 究竟M小姐嘅生理反應如何呢? 上次單嘢都未過數, 今次一定連本帶利收番先! 咁, 要買幾多盒condom好呢? Oops, 我好似set咗個target係中出喎? 話時話, 好唔好試吓食偉哥呢?
越諗越離譜! 咪諗咁多, 做正經事先, 揾酒店!
第一時間whatsapp陳伯同林公子, 簡單一句:
"江湖救急, 過大海開房, 可否安排?"
唔夠一分鐘, 陳伯send咗個電話號碼, 林公子已經幫我打咗去! 兩分鐘後, 林公子問我全名, 再過兩分鐘.....
"氹仔, 落船去大倉, 有指示!"
"感激不盡!"
"講呢D? 記得賽後報告!"
"一定一定"
陳伯加咗句.....
"應該係高妹, 對嗎?"
"Yes"
"好自為知! 盡興吧!"
"多謝大哥"
㩒完個send之後, 轉頭望番M小姐, 原來佢一直睇住我入WhatsApp, 唔知有冇昅到D內容呢? 佢比咗個問號表情我, 我咪打番個ok手勢比佢囉! M小姐比番個好優雅嘅微笑, 然後伸出佢隻手.....
的來的往, 話咁快就到碼頭, 話咁快就買到飛, 最正嘅就係船等人, 時間fit到漏, 手拖手, 又再次好似私奔咁, 一支箭上船, 爽到飛起! 心情更加正到無輪! 由其是開船果一殺那..... M小姐輕輕咀咗我一啖, 然後細細聲講, 話要訓一陣..... 當時, 全程我隻眼都冇離開過M小姐, 個感覺有D如幻似真, 雖然好實在但又有少少虛無縹緲..... 總之我E家嘅心情真係患得患失, 又好撚怕臨尾撻Q!
一出碼頭, 估唔到咁夜都仲係人山人海, 可能少嚟馬交, 有少少大鄉里..... 正想望清楚大巴停車場喺邊個方向, M小姐拍一拍我.....
"Hey, 你個大名呀!"
原來有位哥哥仔揸住個牌, 上面用英文寫住我個大名, 仲要加埋公司名添! 咁都比林公子過一戙, 我番去先至同佢計! M小姐笑笑口話, 全個澳門D人, 都知道我今晚到大倉啦! 我反而話應該加埋佢個名上去, 咁E世都冇人會娶佢!
好明顯, M小姐E家嘅心情係極靚, 衰D講句, 姣到出晒汁! 因為, 佢聽完我咁講, 立即車埋嚟, 仲好激好主動果隻! E一刻, 我知道我趙硬佢!
就係咁, 我哋跟住哥哥仔上咗架專車.....
True Romance - Citizen!
Oh my love
what are we doing here
This little heart
Racing through the gates
Lighting up my cigarettes and counting out the change in our pockets
Tell me love
Will we ever know ourselves?
True romance
True romance
Oh my love
Keep your eyes on the road
I am asleep to the lights up ahead
What kind of minds are these that the gods and the television gave us
Hold me love until we disappear again
Here we are
True romance
Here we are
True romance
倒數開始 - 脈搏奔流
今次喺我第一次嚟大倉, 我相信M小姐都係!當辦完checkin手續, 轉身望M小姐果一刻, 我由佢嘅眼神feel到佢嘅緊張, 應該係好撚緊張添! 雖然我身經百戰, 但對住一個良家婦女, 亦都搞到我有少少緊張, 個心仲有D僕僕跳! 對於一個雞蟲嚟講, 我有E種感覺係好唔正常, 不過我冇去再諗點解, 事實上, 諗嚟都嘥氣, 倒不如去take care我眼前E位M小姐.....
一手拖住佢隻手, 我並冇準備搭lift, 望一望周圍, 然後同佢講咗句.....
"不如過去lounge飲杯嘢先囉?"
M小姐再次展示招牌式嘅笑容, 佢應該明白我嘅用意!
我同佢坐喺bar枱對望, 好有果種出嚟浦溝靚女嘅感覺! 今晚, 直到E一刻, 我先至領會到M小姐嘅裸妝技巧, 完美嘅修飾, 唔單止突出佢嘅大眼睛同瓜子面, 仲神奇咁掩飾歲月嘅痕跡! 佢真係好鬼似姚嘉妮同梁詠琪嘅混合體! 柔和嘅Longue music響起..... 我好enjoy咁嘅氣氛, 令我諗番起果次同佢去Arts Center..... M小姐一而再, 再而三咁用佢隻腳..... 而E一刻, 望住M小姐優雅嘅座姿, 再次展露出佢一對瘦長嘅美腿, 真係有種未飲先醉嘅感覺! 喺昏暗嘅燈光底下, 我發覺自己已經分唔清邊一隻酒杯係我, 又或者邊一隻屬於佢! 因為, M小姐又再重施故技.....
真係估佢唔到! M小姐竟然會咁aggressive, 我當然唔會客氣啦, 左手按喺佢大腿上.....
She give me a seductive wink! OMG!
可能身處異地, 冇晒束縛顧忌, 我略為再靠近M小姐, 好大胆咁源住佢大腿内側潛入..... 直到指尖碰到..... 其實, 我做到咁, 係唔係好過火呢? 之但係, M小姐非但冇反感, 一口清晒杯酒, 跟住講.....
"Shall we go?"
坦白講, 大家只不過需要酒精去push自己啫!
升降機內
我拖住M小姐, 感覺到佢隻手又軟又暖, 暖到有D慶! 瘦長嘅手指甚至乎有輕微嘅顫抖! M小姐一直低頭依靠住我..... 密封嘅空間入面, 雖然只有我同佢, 但係大家都好靜, 冇講過一句說話, 四隻眼只係盯住果display, 數字不停咁跳動..... 喺短短嘅時間之內, 我腦海不停咁回憶咗好多類似E一刻嘅影像..... 深圳富宛, 上海香格里拉, 北京中國大飯店, 曼谷香格里拉, 馬尼拉New World, 雅加達Grand Hyatt..... 總之, 我嘅心情從未如此興奮緊張, 太攞命!
房門打開
夢寐以求嘅地方, 終於到達! 我深呼吸咗一口氣, 唔係因為眼前嘅商務式套房, 更加唔係我有醉意, 而係我要進入作戰狀態!
房門關上
M小姐嘅手袋跌落地氈上.....
我己經唔太清楚自己早一秒之前噏咗D乜! 亦唔清楚M小姐答咗D乜! 只係感覺E一刻, 我同M小姐已經熔為一體, 起碼佢口中有我, 我口中亦有佢.....
人類應該係最容易失平衡嘅一種動物, 由其是打茄輪打到忘形果一刻! 唔知大家有心定係無意, 又會咁啱跌正落張床上面! 緊接嘅時刻, 除咗車來車去, 摷來摷去之外, M小姐唔知幾時己經狼到除咗我件jacket! 我仲以為男上女下, 有晒制空權啦, 點知比佢反客為主, 發我圍!
問題嚟嗱! M小姐有意識有組織咁去解除我身上面嘅障礙, 外套, 領呔, 裇衫, 皮帶, 直至去到西褲拉鍊..... 但我都只係一味摷佢身! 我嘅問題係..... 我根本從未試過同女人除衫! 以往同得我上床嘅, 都係professional, 個個都九秒九自己除清, 掉番轉幫我就有份! Damn it, what should I do now? 我唔可以令到M小姐覺得我E方面係無知, 而佢今晚係著住件one piece裙, 拉鍊或者鈕扣一定喺背脊..... 唔通我要叫佢起身, 又或者嚟個鯉魚番身, 180轉體, 變做女上男下咩? 老實講, 叫雞就冇E種麻煩嘢, 我叫條女彈起身就彈起身, 擘開對肶就擘開對肶, 駛撚諗咁多嘢咩?
咦, 靈機一觸! M小姐條裙係超短果隻! 之前食過番尋味, 再伸入去, 一手用力將佢條底除到膝頭! M小姐估唔到我有此一着, 竟然high到咬咗我耳珠一吓!
由E一秒鐘開始, 一切已經返唔到轉頭, 一切己經成為定局..... 如冇意外, 應該可以長駒直進!
就喺我正想除埋我條boxer果一刻, M小姐即時爆咗句.....
"Hold on!"
唔係呀嘛? 妳咪喺E個moment先至轉呔呀! 我真係強妳都有份! Oops, 定或者係..... 死火, 係喎, 冇套喺手添! 大0樂! 唯有望住M小姐.....
佢吞吞吐吐講咗句.....
"你... 可唔可以... 熄燈先呢?"
"梗係得啦!"
我立即彈起身, 好似閃電俠咁快, 除咗bathroom之外, 將所有燈熄晒!
回頭一望, 高踭鞋掉咗喺床邊, M小姐條one piece就喺床尾冚住我件jacket! 一個好經典嘅畫面..... 女主角除淨胸圍底褲..... 用床單遮掩上身..... 一直用好誘惑嘅眼神望望住我! 佢仲不經意咁咬吓下唇! M小姐已經唔係我一直認識嘅M小姐, 性慾早已經佔領佢嘅思想, 將一切拋開.....
我慢慢行近床尾, M小姐將佢果條黑色小內褲fing出嚟! Woo, 不得了, 我立即棟L了!
太急, 真係好心急, 只係花咗唔夠一分鐘嘅前奏...... M小姐不禁啍咗一聲嘅同時, 我已經入咗!
Stay awhile - The Bells
Into my room he creeps
Without making a sound
Into my dreams he peeps
With his hair all long and hanging down
How he makes me quiver
How he makes me smile
With all this love I have to give him
I guess I'm gonna stay with him awhile
She brushes the curls from my eyes
She drops her robe on the floor
And she reaches for the light on the bureau
And the darkness is her pillow once more
How she makes me quiver
How she makes me smile
With all this love I have to give her
I guess I'm gonna stay with her awhile
花灑水聲響起.....
汗水由胸口慢慢流向兩邊, 浴室折射出微弱嘅燈光..... 隨住陣陣嘅水聲, 我回味緊之前每一個細節, 滿足, 但當然講唔上perfect, 始終M小姐嘅技巧比較生疏, 又或者我同佢係第一次啦, 似乎保守咗D!
之但係, 我己經覺得非常之滿意, 甚至乎有種沾沾自喜嘅感覺, 因為, 我己經達標嗱! 同時, 我相信M小姐真係要花一D時間清潔!
半個鐘頭, 應該超過半個鐘有多! 雖然己經聽唔到水聲, M小姐仍然未出嚟, 搞乜鬼呢? 我一支公冇理由一直攤喺床度啫? 我又唔敢開電視睇新聞, 費事M小姐出到嚟見到, 好似唔多專重, 做完就算數咁! 所以, 都係多一事不如少一事, 無聊極都等M小姐出嚟先算, 著番條孖煙通先......
再過多幾分鐘, 大小姐終於出嚟! 佢著咗件浴袍, 粒聲唔出, 行埋我身邊, 好埋, 非常之埋! 同我講咗句.....
"你冇用condom!"
"Hmm..."
望住落咗妝嘅M小姐, 驚嘅唔係佢嘅盧山真面目, 相反, 我仲覺得佢完全冇化妝嘅樣幾ok喎! 而係驚佢又發作, 以為我特登唔上套, 告我老強咪大镬? 越諗越驚, 喉嚨感覺有D乾, 甚至有少少面紅! 千其千其千其咪喺家陣發作呀, 大小姐我保妳大呀!
M小姐一直盯住我, 好似睇我有乜解釋..... 幣啦, 點講好呢? 唔通話乜妳唔係支持環保咩? 定係照直講, 我想中你個出好耐㗎嗱!
"Hmm... 我... 冇時間準備... 下... 下次先..."
M小姐聽完我嘅回答, 竟然露出滿意嘅笑容, 然後細細聲講.....
"你留晒汗嗱, 快D入去沖涼啦, hurry!"
嘩, 嚇死人咩! Anyway, 我仲唔嗱嗱淋沖番個靚涼? 入到去bathroom, 呆咗! 除咗shower basin仲有少少水漬之外, 其他地方簡直光潔如新! 唔怪之得搞咁耐啦..... 由此亦可知, M小姐絕對係一個有潔癖嘅人, 起碼, 一定要乾淨! 咁, 我同佢..... 頭先嘅不安全性行為..... 即係, 我有理由相信M小姐己經當正我係佢嘅老公, 並唔似逢場作興果隻啦! 諗到E度, 我並冇偷笑, 反而覺得髮尾有少少涼, 仲有一種無型嘅責任上咗身! 唉, 望向洗手盆上面嘅鏡, 我望番自己, 究竟係我食佢, 定M小姐得米呢? 即刻諗番陳伯之前講果句..... "好自為之!"
沖完個靚涼, 成個人精神晒! 唔再諗D無謂嘢, 嗱嗱聲學M小姐搞番個地方乾乾淨淨! Well, 出面似乎好靜喎, 唔知佢做乜呢? 腰纏浴巾, 挺胸收腹, 開門見人!
不出所料, M小姐並冇開電視, 仲著住件浴袍, 坐咗喺床上面玩手機, 玩乜就唔知嗱! 因為佢一見我出番嚟, 就立即收埋部機..... 我瞄咗一瞄四周, 佢將我哋所有嘅衫褲收埋! Barbar同底橫摺好放喺椅上面! 咁..... 即係話..... 佢入面仲係真空啦, 咁..... 即係話..... 佢打算..... 諗到E度, 頂, 我又有反應!
可能棟L得太犀利, 好礙眼! M小姐直頭指住我嚟笑, 仲扮手勢叫我咪行過去! 我當然啋佢都傻啦, 仲唔飛禽大咬咩, 叫咗佢一聲.....
"Sweetheart!"
跟手撲埋去, 立即控制場面, M小姐再次成為我嘅獵物! 分零鐘嘅激吻過後, 突然大家都靜咗落嚟! 妳眼望我眼, 大家都冇出聲, 享受大戰來臨前嘅一刻平靜同浪漫! 睇見M小姐雙眼半開半合, 好sweet嘅笑容, 尤其是佢都有番咁上下年紀啦, 仲可以笑到十八廿二咁, 的確難得!
似乎有咗上一輪嘅經驗, 我同佢都好有默契, 話咁快就解除束縛! 人就係好特別嘅動物, 有D嘢唔駛教都會識, 識咗就好快上手! 兩小時之內, M小姐判若兩人.....
脈搏奔流 - 陳百強
雨傘請你放下
你去了會令我失眠
雨點清脆降下
細雨似夢裡的箭
與你站於窗前
深深吻一遍
抱著柔情在我襟前
與你愛一千遍一萬遍
聽你心瓣在跳動
聽你脈搏奔流
迷迷看你雙眼在渴望
似盼我會為你解放
細雨下於窗前
似那愛的箭
抱著纏綿在我襟前
與你愛多千遍萬遍
與你夢中癡纏
將那愛的箭
帶著柔情射向心田
與你愛多千遍萬遍
突然之間..... 感覺到..... 四周充滿柔和嘅陽光.....
我慢慢張開雙眼, 瞄一瞄身邊, OK喎, 我冇發夢, 仲訓緊喺酒店房入面! 摸一摸下面, 仲係冇著底橫! 再用手掃一掃身邊, 空空如也! M小姐呢? 立即彈咗起身, 望一望間房, barbar底褲同高踭鞋仲喺度, 虛驚一場!
瞄一瞄手錶, 已經下午一點幾.....
浴室門虛掩..... 我衝咗入去! M小姐上緊妝..... 我竟然爆咗句.....
"Sorry!"
M小姐好淡定咁望住塊鏡, 我見到佢微笑.....
"你sorry乜嘢?"
"Hmm..."
我由後面攬住M小姐..... 大家望住前面..... M小姐略為挺胸收腹, 而我已經好唔客氣咁施展交叉擒拿手, 鬚根仲狠狠喺M小姐頸後面摩擦.....
"Oh..."
M小姐不禁叫咗一聲! Well, 尋晚佢已經成晚Oh咗好多次嗱!
"Hmm... sorry!"
"你傻咗咩? 一起身就係咁sorry!"
我諗我真係傻撚咗, 個腦實晒, 唔知諗緊D乜! 喺E一分鐘, 我只係想同佢講句sorry!
M小姐雖然有少少疑惑, 但又笑笑口同我講.....
"乖啦, 你出去先, 我好快就搞掂!"
明顯, M小姐唔想再同我繼續癲, 示意叫我出返去.....
我大字形咁攤喺張床上面, 合上眼..... 一切都係真實, 過去24小時發生嘅所有嘢, 都係堅嘅, 我即係冇發夢啦! M小姐實實在在喺E間房入面, 並冇離開, 又冇發作, 咁, 我咪係佢嘅..... ok, 既然大家都已經深入了解咗對方兩次, 佢應該已經鼓起咗最大嘅勇氣, 做咗個決定, 都咁大個人, 冇得搞錯嘅, E一點, 可以肯定! 所以, 我好應該開始用另一種態度去對待M小姐, anyway, 都係時候唔再做一個雞蟲咯!
感覺到有人行埋嚟, 輕輕咁咀咗我一啖! 擘大眼見到M小姐個大closeup, 仲feel到佢連浴袍都唔著, 全身赤裸咁趴喺我身上面!
"Honey! I have extend one more night, ok?"
"Sure, you so sweet!"
相擁一陣, 我就立即梳洗..... 之後嘅時間, 我同M小姐計劃做番個自由行遊客, 真係估唔到, 我同M小姐嘅第一次旅行, 竟然係咁嘅情況底下發生! Anyway, 我覺得應該行遠D, 離開氹仔.....
唔知係咪大家都仲好有睡意, 定係叫做事後憂鬱症呢? 我同佢喺shuttle入面, 除咗攬到實拖到實之外, 大家都冇出過一粒聲, 唔想開口破壞氣氛? 大家仲沉醉喺交歡嘅滋味? 我兩樣都唔係, 其實真係仲有D尷尬, 尤其係諗起我係佢同事, 唉..... 我竟然上咗一個公司嘅同事!
Shuttle過shuttle, 喺新濠附近求其食個tea, 因為想留肚今晚食個好D嘅dinner, 中間時間咪拍吓拖, 入吓賭場運吓吉, 似乎我同佢都唔係有賭運嘅人, 去到邊輸到邊, 雖然有限錢, 但我發覺M小姐都幾好勝, 而且硬頸又唔信邪! 所以話, 打麻雀甚至賭枱上面, 真係好易流露真本性!
未食晚飯前, 大家都提到內衣褲嘅問題, 所以去咗八百伴買番D日用品! 至於dinner方面, 雖然有少少急, 未必係最合適嘅餐廳, 但我同佢都享受咗一個浪漫嘅晚餐, 仲有live band㖭! 飯後, 我打算冇咁快返酒店, 免得好似趕住打炮咁肉酸, 之不過M小姐話腳仔痛, 我先至醒起, 佢成日著住對高踭鞋, 真係行到生水Por!
酒店房內.....
各自沖過涼, 一齊著住浴袍坐喺床上面睇明珠台! 當然, 新屎坑三日香, 我冇理由E個moment唔抽水㗎? 但又唔想做得咁核突, 唯有由佢對長腿埋手! 坦白講, 雖然對腳夠長啫, 但冇理由摸成晚啩? 留意到M小姐, 除咗我錫佢, 又或者搞到佢嘅重要部位, 佢會分心望吓我之外, 一直都好撚聚精會神咁睇電視! 所以..... 我係有少少擔心以後嘅日子, 唔通我晚晚就係咁同佢做Pearl Watcher? 追美劇扮ABC? 或者睇住佢幾粒鐘做公司嘢? 又或者等佢同美國開完conference call之後扑嘢? 真係有少少不安..... Anyway, 現實E一刻, 其實都唔係想像中咁衰嘅..... 每到commercial break嘅時間一到, M小姐就回魂, 起碼搞佢都有反應! 終於等到佢睇完program, M小姐就好醒目, 二話不說, 就車埋嚟我度.....
一路車一路諗, 算啦, 難得自己條女有對真正42吋, 走肥又保養得好, 夠台型仲有性格, 最緊要我感覺上大家合襯嘛! 所以E個moment唔想諗得太negative, 一於珍惜我同M小姐E個機會, 盡興吧!
轉個身, 我又一次攞咗個制空權!
正想開拖.....
"Turn off the light please..."
瞓醒己經..... 周日床上.....
今次輪到我醒先! M小姐自從完事之後, 一直趴喺我身上面瞓, 雖然佢都有番咁上下高, 但我一D都唔覺得佢重, 只不過有某D部位, 感覺有少少骨摻摻..... 望過手錶, 只不過七點過D, 但我己經冇乜睡意, 非常之清醒! 反而M小姐似乎仍然熟睡中..... 我好小心咁提起左手, 輕掃M小姐嘅長髮, 佢略為郁動吓, 令都大家都舒服一D, 佢應該係醒醒哋, 只不過冇開眼啫.....
一直望住佢, 諗番以前好多嘢..... 開武林大會, 第一次食飯, 第一次發作, 第一次睇戲, 第一次拖手, 第一次發我脾氣, 第一次接吻....., 第一次.....
我竟然喺E一刻感覺有D唏噓, 好奇怪, 赤裸裸嘅M小姐已經擁在懷抱, 直頭手到拿來啦! 點解呢?
老實講, 我真係發夢都估唔到, 我同M小姐一係就唔做, 一做就成個weekend, 諗番都有D誇張囉! 問題係, E種關係開始咗, 下一步應該要點呢? 狂歡過後, 永遠都係空虛, 甚至乎有種抑鬱嘅感覺! 我唔知亦唔想去諗M小姐, 希望佢冇我E種感覺, 係就大撚镬!
周日床上 - 盧巧音
合上眼睛
身體變得軟弱
傍靠你身旁
訴說我每個希望
讓這記憶
永遠留在心房
懷念昨晚 被愛感覺
在那遠方
星光變得更亮
沒過去將來
你我永遠笑得快樂
合上眼睛
繼續尋覓天堂
懷念昨晚 被愛感覺