於這個Wtsapp群組中輸入名字，他就死路一條: 其之十五
其之十五)
天氣開始潮溼…懷著複雜的心情，我還是到達了這所商業大廈…
離見面時間尚有十多分鐘，我故事不登上電梯，避免「早到」…我也想不到太多話題，亦不想被他們察覺到我早就與阿空及梁一懿見過面。所以最好的時機還是在我到達時，他們已經開始討論。
既然還有時間，我在大廈的四周繞了幾圈。這裡算得上是人煙罕至，偶爾看見有搬運工人經過，卻又是寥寥所數。地理位置的不方便，加上外形塵舊，難怪租賃率如此可憐。說是商廈，但其實工廈比較恰當。
抬頭一望，大部份窗戶都是封死的，可來是未租出的關係吧？除了大公路，旁邊也有一條小徑，不知是通往行山路段抑或些村落，這點我就不去查探了。
「SELINA，阿和你哋到未？其他人齊啦。」陳仔從《選擇者》中發出通知。
是時候了，我回覆一句：「上電梯。」
阿偉提議的單位是8樓A室，這工廈比平常的更為不堪，甚麼防煙門等等甚至已經半毀了，而地上亦有不少積水，已經分不清是潮溼所至還是工程下的附屬品。
8樓A室是用舊式的推壓門設計，而門後，即是期待已久的4個人影。
阿空及梁一懿不需多講，剩餘兩個男生似乎是阿偉與陳仔了。
陳仔是一個矮小的胖子，衣著不講究，眼神散渙。
阿偉則是中等身材，理著一個陸軍裝，感覺上頗為陽光氣息。
他們兩人似乎都是二十八九左右的歲數。
「你好，你就是阿和了嗎？我是阿偉。」他伸出了友誼之手。
「我...我係陳仔...」較胖的也揮揮手。
「Hi，我係阿空」「我係2號，你好。」
看見兩位女性的反應，也知曉她們同樣裝作不認識我。
我自然也釋出演技：「大家好，初次見面，我係阿和。」
眼望四周凌亂，不少水樽就此置於地下，整間辦公室面積不少，卻都是紙碎橫飛，雜物一大堆。難怪阿偉說那地方只是「耍樂用」。
「咁麻煩你拎部電話俾我睇下亡選個Group黎確認身份。」阿偉一邊說一邊走近。
這是我們定下的條件之一，故此我非常合作，亮出這個Group作確定。
「好，請你將手機放喺呢度啦。」阿偉指指遠處近窗邊的一張枱。
這張桌上已平整的擺放了4部電話…看上去大家也統一了做法。
接下來的幾分鐘，阿偉拼命的找尋Selina，但她關了電話…至於樂平，大伙本來就對他不抱期望。
「算啦，都要開始，佢放飛機唔通我哋就唔傾咩？」梁一懿依舊直說直話。
阿偉稍有遲疑，但還是決定先開始議題：「大家好…今日第一次見面..廢話唔多講..反正其實依個星期大家有Keep住聯絡，只係未見過面…經過上次嘅意外，我哋每晚都要提心吊膽…咁落去唔係辦法，而且我覺得大家既然被揀咗入依個群組，有義務亦有權利。」
阿空這時將他打斷：「咩義務咩權利？」
阿偉舉起單手，示意他正要說重點：「我哋照舊搵一堆海外名單，但都要加一堆本土嘅名單。因為海外嘅消息難以捉摸，所以要準備一堆保險名單。例子就係今日我哋係想殺英國嘅James Harry，而我有一個穩陣嘅人選叫陳大文。咁我會先輸入James Harry，之後再輸入陳大文。咁即使James嘅資訊有誤，都有陳大文做替死鬼。而陳大文無死，就代表Jame已死，反之亦然。」
他的說話有道理，這種配置有助避免上次的混亂的情況，令大量死亡名單一次性報廢。
他再說：「所以，我哋每人都需要交出一啲保險嘅死亡名單，依個就係義務。而權利就係，你俾依推名單入面，需要陳述選擇理由嘅比例係50/50。即係你要殺A，需要話俾大家知點解，佢有咩咁抵死。當大家通過之後，你想殺B，就唔需要俾理由，大家無權過問，只要你決定殺佢，我哋就殺佢。」
梁一懿說：「即係無差別殺人？」
阿偉未待她說完：「唔係，只不過每個人都有一啲想殺嘅人，理由可能好無謂，甚至無原因。但我哋入咗依個Group，唔通就一直只係替天行道？做正義使者？我覺得我哋應該有酬勞，而將人處死就係我哋嘅權利。」
陳仔、阿空與我都默不作聲。不是認同，也並非全盤否定，所以一時三刻我們對不上話。
「哦，咁即係我俾個理由殺A之後，下一個就可以殺你，咁到時你就會自己打自己個名上去啦係咪？」這麼辣的說話當然出自我們的梁一懿小姑娘。
眼看阿偉臉色都變了，語氣亦變得沉穩：「咁…我哋當然唔會自相殘殺…」
梁一懿竊笑：「咁殺你家人朋友就得啦係咪咁講先？」
阿偉盡量抑制自己的怒氣：「小朋友，唔好舉啲極端例子就以為自己好醒。」
他的說話雖然經過包裝，聽得很舒服，但其中不合理之處被梁一懿輕鬆道破，我與阿空都猛然清醒起來。
此時我感覺到眼前的阿偉對比起平日手機中的他感覺不太相同，故亦開口說：「喂，雖然照你所講，唔使理由係好方便，但咁無制度嘅嘢遲早會出事。就好似啲高官咁，話問責其實就官官相衛，無責可問，咁咪官逼民返囉！《亡選》要負嘅責任分分鐘大過美國總統，點可以咁無賴？」
阿空加入戰團：「係囉…我仲以為今日大家係傾一個完善嘅系統…點知原來係自己想殺邊個就殺，咁唔使坐埋啦，各自修行咪算囉。」
陳仔愈來愈慌，手腳不住抖震起來，但我不明白他在怕甚麼。
也許阿偉沒想到我們的反應這麼大，表情都繃緊了。
「你哋真係….簡單啲唔好咩？」
「做咩啫你？你好多仇家想殺咩？想利用《亡選》呀？直接啲囉！過到我哋嗰關咪俾你殺！」梁一懿火上加油。以她這種性格，真希望不會被人暗殺…
「過到你哋嗰關？我驚，你哋過唔到今日喎！」阿偉的語氣由沉穩變為激昂。
同時間，阿空看出端倪：「我哋啲電話呀！」
只見一個表情陰森的男子從窗外爬出，一把將我們的手機奪去！
「你做咩呀！」我立時發難！
「死開啦廢柴！」阿偉一腳直蹬我的腹部！我毫無防範下中招，被踢飛出去。
「陳仔！動作快！」阿偉再喊。
「呀呀呀呀呀呀！！！！」陳仔合上眼，將旁邊一塊木材擲向阿空與梁一懿。
此時我想起身，卻發現背部很燙。
「門外有人放火呀！！」我大叫警示。
「唔係有人，係我哋。」只見阿偉領著陳仔從窗口處逃去，最後他猛力把一個玻璃樽擲向我，再把火機點燃。
這玻璃樽內液體明顯不吉祥物，我本能地拾起摺櫈擋格，但液體依然沾上了我的外衣。
辦公室佈滿的紙碎與雜物，配合打火機的點燃，立時變得火光熊熊；門外走廊亦同時被人放火，腹背受敵。
這個阿偉打從一開始就聯同陳仔想殺掉我們，不留活口。
「砰！」眼前冒出幾個火圈，我這才驚覺地下的水樽盛載的都是火水！
辦公室內全都是易燃物，我趕緊爬起身尋覓逃生之路，那時阿空與梁一懿都跑到我的旁邊。
「今次…點算好？」認識阿空以來，這還是她首次露出驚惶的樣子。
轉眼身陷火海之中，我知道時間寶貴，卻一時想不出辦法。加上手機被搶走，不安感圍繞全身。
梁一懿拉一拉我衣角說：「我哋未輸架…一定唔可以死。」
她從懷中取出一部手機。