令我又愛又恨的女友: Chapter 02

見到佢對D數都開始上手，我都開始溫我既書啦。但正當我開始專心咁溫既時候，我聽到D啪啪聲，一抬高頭就見到個傻妹係度用支筆敲自己個頭，仲敲到有D紅，我即刻用手捉實佢支筆，唔俾佢再敲
女朋友："做咩呀你？"
我："你傻架？唔痛架咩？"
女朋友："咁我諗唔到點計呀嘛，都慣咗咁敲啦，點會痛"
我："唔得呀，諗唔到點計都唔可以咁敲架，會愈敲愈蠢架"
女朋友："知道"
我："邊題唔識呀？攞黎睇下啦"
原來只係一條好簡單既題目，教完佢之後又再溫書啦
好快又到咗一點，佢要番屋企啦
我："陪我食飯啦"

女朋友："唔得呀，我同咗屋企人講今日會番屋企食飯呀"
我："咁我咪要自己一個食？"
女朋友："對唔住呀，下次啦"
於是我就同佢一齊番屋企啦
上到巴士，女朋友就話："我份禮物呢？"
(之前我聖誕節同佢生日都冇送野俾佢，我以為佢冇所謂，點知情人節既時候佢又話要)
我："下次俾你"
女朋友："哼，我嬲呀"
我："唔好咁啦，我吱你架"
女朋友："哼"


於是我伸手將佢攬實再同佢講："嬲完未呀？"
女朋友都攬實我再講："你話呢？"
突然，佢抬頭望住我，話："我想錫呀"
我摸咗摸佢塊面就話："唔得呀，我病呀，你又未好番，下次先鍚啦"
佢露出一個失望既樣，跟住就缩手，想離開我既懷抱，不過我又點會俾佢走呢
我用力咁攬實佢，講："唔好嬲啦，你同我都好番之後我一定錫你，好唔好？"
女朋友淺淺咁笑咗笑，話："好啦，你話架，唔準呃我架"
講完呢句，佢就挨落我個心口度訓教，睇到佢訓教個樣，我真係覺得有呢個咁可愛既女朋友真係好幸福......