我參加了籃毛毛演奏會: 期待已久的門票

藍毛毛演奏會可能只係個都市傳說，但係究竟係唔係真係存在，有紛紜眾說既講法。
高登間唔中會有人問“究竟藍毛毛演奏會幾時先開得成？”
當中多數人都未親眼見過，去過，感受過而亂答。
但係，總會有少數人真係去過，而我就係其中一份子。

媽咪麵有幾出名唔洗多講，十個人有十個人都食過，廣告都有得睇“突特得 得特特 突特得特突”。
我由細細個開始就好鍾意食媽咪麵，有時我仲會瘋狂到模仿個電視廣告係到邊搖果包麵，
之後仲要跳埋果隻舞，扭埋屎忽，十分興奮。
我細細個都好憧憬住我可以去藍毛毛演奏會，但係有食個媽咪麵既人都知佢果張演奏會票係幾咁難抽中，
16歲果一年，我就放棄左食媽咪麵，原因有兩個，




第一：果年我食媽咪麵食到喉嚨出血，醫生叫我唔好再食，再食既話恐怕華陀在世都醫唔到我；
第二：我真係好灰，食左咁多包媽咪麵都未中個一次獎，你知唔知我係幾咁氣餒，幾咁挫敗，
就好似成日追－屌admin屎忽－走數咁樣，追極都追唔到，你明唔明我感受？


但係我18歲果年，有好多人係網上不斷話自己抽中左獎，連我同班有幾個同學都話抽中左，
當初我都唔信，以為係高登惡搞post，我同佢地講
“你地以為可以呃到我咩？我先唔會做真心膠。”
點知佢地真係拎左張籃毛毛演奏會票出黎，我當堂嚇左一跳，成張書檯比我果下衝擊撞到飛起左，
我個班主任都比我咁大既反應嚇親，





“你做乜事咁激動？”

“對唔住，我比櫃筒入面既野嚇親。”

“咁你櫃筒入面有咩野？”

“錦鯉係魚，冇櫃筒用。”

佢當堂R哂頭，之後叫我出去罰企。




小息既時候，我拿拿林衝去小食部買左包麵，真係好緊張，
真係緊張過係屋企睇thisav怕無端端比呀爸呀媽衝入黎，要同佢講”無野做”。
我手都震埋拆開個袋，但係乜都無
我慌慌張張咁問班同學

”點解會咁？”

”你買左童星點心麵...”

”係喎，自膠，唔該要包媽咪麵”

今次真係有啦...

”很高興能邀請你出席期待而久的藍毛毛演奏會，演奏會將會在5月30日，7時正
，香港體育館內舉行，進入會場需出示此門票。”





我既夢想終於能夠實現啦，是真的，不是高登膠post，不是愚人節，
我返回班房，問有邊個人抽中左獎，有4個人舉高手，

”陳強、允行、揚惠、呀怡”

呀怡！？我女神都中獎，哈，真係天助我也。我忍唔住笑左一下。
但係諗深一層，門票既然係抽獎，咁座位一定係亂咁分，我叫左聲

”我頂...”

呀怡問我

”你頂咩野？”





”我想講我頂位，有邊個都係演奏會山頂位？”

呀怡：”我坐幾前吓，D15”

陳強：”我都係前面 ，D80”

揚惠：”我都係山頂位喎，K13”

我既座位係L15，同揚惠最接近，但係我估唔到原來同揚惠最接近，
揚惠．．．揚惠哩個名真係好好聽，中間加個秀字就會變楊秀惠，
但係點解佢個樣同楊秀惠差咁遠，我唔想，我真係唔想同佢咁接近，
但係唔想都要去，話哂藍毛毛演奏會我夢想左咁多年，咁算啦，

”我地到時會場門口見啦”