咁近距離接觸一隻怪物,心情真係好難形容。
曾經有人話過海洋公園既熊貓係人扮,
有人話過草泥馬係林祖舜扮,
都有人話過藍毛毛係有人扮,
係哩一刻,雖然好唔真實,但係真係存在,的確再唔係人。

唔知係唔係間房熄哂燈既關係,佢好似睇唔到我同大叔,跟住佢就準備轉身走人。
我抬頭望一望大叔,見佢面色一沉,顯露出一張好難受既面容。
嚇到賴屎聽就聽得多,但係估唔到會發生係我身上...
聽左差唔多三個鐘頭既演唱會,我冇去過廁所,咁我當然忍左好耐啦,




仲要比隻黃毛毛咁樣嚇一嚇,真係好難忍,特別係佢同我相差10cm,
噴氣既時候,我真係忍唔住...
我既肛門括約肌都係果時比佢噴到鬆左,咁之後就有如黃河崩堤咁,
係我腸入面既屎都湧哂出黎。就係咁樣,成間房都充斥住我陣屎味。

既然黃毛毛都行開左,咁大叔就拿拿林縮開,佢問我

”你賴屎呀?”

講完哩一句,我摸一摸我條褲,真係有少少啡啡地,正當我想講




”我真係賴左屎呀...”既時候,
黃毛毛又突然撞開到門,我同大叔都黎唔到反應,就比佢撞開左度門,之後門又撞到我地,
我同大叔都彈飛左。正當我係凌空轉體360度既時候,我問左自己一個問題,
究竟點解佢會返轉頭?半空中的0.0192秒,雙手不受控地擺動,望住我對啡色既手掌,
我知道了,係因為我啲屎臭,令到黃毛毛再次返黎。
”轟”既一聲,我地已經訓左係度。
跟住,黃毛毛露出佢隻獠牙,準備衝向大叔既時候,
大叔回過神之後,望一望黃毛毛,此刻,黃毛毛暫緩了佢既腳步...
我心諗





「大叔唔通識得用霸氣!?」



”爹...爹...爹...爹哋”黃毛毛伸出佢既右手,輕撫住大叔塊面。

爹哋?無理由既,係我印象中,藍毛毛剩係識得叫媽咪,幾時會聽到佢叫過爹哋?
究竟,成件事個劇情發展係點樣,唔得啦,我真係諗到人都顛啦,究竟做乜春野呀?
見到咁既情況,我都唔知點做好,但係眼見黃毛毛不斷摸住大叔,恐防會對大叔不行,我真係有些少恐懼。
但係,我股起勇氣同佢講

”你...你...你大我呀?”

無錯,好熟面口既一句野,我扮秦沛style咁講,仲要睜大隻眼,十足有霸氣。
黃毛毛見到我咁既樣,戚刻縮手,我諗





「嘻嘻,佢驚呀。」

點知佢又失驚無神咁一腳踢埋我到,我又再次飛起了,又再次倒地了。
大叔開始流出男兒淚,

”德仔,你係唔係德仔?”

黃毛毛並無應佢,但係,我見到既情境係...
一隻憂愁的黃毛毛。