我參加了籃毛毛演奏會: 中毒、變身、方法
從畫面黎睇，畫面係經過合成，但係點解要咁樣做，真係不得而知啦。
如果係要避免同我地接觸，實在太奇怪啦，因為我地已經見過大嬸。
除非，仲有其他人...係啦係啦，一定係我頭先係演奏廳見到其餘果兩個人。
究竟哩一個係咩既遊戲呢？
”You get into blue hair hair place, you must become a part of blue hair hair.
算啦，我都係講返中文...既然你地踩得我地藍毛毛既場，就有必要變成藍毛毛佢地既一份子。”
我見氣氛咁凝重，我同大叔講，
”咁即係話大嬸係份母？”
大叔唔理我繼該聽該段內容。
”你地其中一位被送黎既時候，已經被我地係你身上做咗少少手腳，
如果唔想變藍毛毛佢地既一份子，就要從食物之中尋找解藥。記住，你剩低既時間唔多。”
點解會有人諗到咁殘酷既遊戲...你要我食鼻屎都冇咁難，但係食哩啲野就真係...
我要求大叔幫我，
”大叔，可唔可以幫我一齊搵。”
”佢地只不過係虛張聲勢，你唔會係比佢地嚇親呀？
佢地等我地冇哂逃走既動力既時候，就會無端端衝入黎捉我地，而我地就冇心機反抗。”
”大叔果然係大叔，睇野睇得咁透徹。”
經過咁耐既追追逐逐，我都未去過廁所，講起上黎真係有少少急急地。
以前成日睇TVB，啲人比人捉走之後困係一間屋到，而班人質居然可以唔洗柯屎柯尿，實在太荒謬啦。
我同大叔講
”我要柯一柯尿，大叔可唔可以擰轉面。”
”我都忍咗好耐。”
於是，我同大叔行到其中一邊牆到柯尿，順便商討逃走大計。
我地柯完之後打咗下尿震，大叔對我講
”啱啱你柯啲尿好黃吓。”
”唔係咁變態呀，望住我柯尿...”
”區區百力枝，豪無觀賞價值。”
我拉一拉褲鍊，講返正題
”大叔，你諗到點逃走未？”
”其實有一個好古老既方法...”
”講黎聽下。”
”就係我扮唔舒服，之後要叫出面啲毛毛黎幫忙，如果佢地入黎，你就負責扑暈佢地。”
”真係好電視劇情feel”
”橋唔怕舊，最梗要受。”
”話時話你點知出面有毛毛係度？”
”正常既話都會有人係出面把守。當年我係波斯灣戰爭比人捉咗，我都曾經用過哩招...不過，今次我地走出哩度先算。”
”大叔，如果今次我地走得出哩一度，不如我寫一個關於我地今次發生既故事。”
大叔冇回應我，只係默默咁行返去凳到坐，
”大叔，你點睇？”
”上網睇。”
”唔係問你個故事點睇，係問你點睇佢地幾時經過門口。”
大叔將耳仔靠近房門，細細聲講左句，
”就係而家！”
大叔做咗個”ok”既手勢，示意我要大叫啦，
”有冇人黎呀，大叔佢暈咗呀！”
果然不出大叔所料，真係有人入緊黎。
我隨手拎起枝棍，預備佢一入黎就狠狠咁扑暈佢！
話時話邊到黎既一碌棍...死啦，冇諗個哩樣問題。我環顧四周，睇吓有乜野可以拎。
結果比我係短時間之耐從舊傢私中發現到十大武器之首既摺凳！
我立刻衝上前去拎起佢，再跟住以一秒一既速度返回大門旁既位置，只要佢一開門就係佢既死期！
”喀拉”係門鎖被打門既聲，我舉高摺凳，準備一野打落去。
佢伸出頭黎，窺探我地房中既情況，”媽～咪～”，毛毛發出聲音，就係哩個時候啦!
點解我隻手咁痛既？我望一望我隻手掌，原來被摺凳夾住咗。
而毛毛見到我咁樣，就諗住上前黎捉住我。
我一個後跳，再黎過三百六十度轉身摺凳攻擊。而毛毛立即踎低，摺凳擦過佢頭頂果幾條毛，
而身處係佢身後既大叔被我哩一下打到訓係地到。
毛毛同我以緩慢既步伐兜圈對峙。哩一刻簡直抖一啖氣都比佢有機可乘。
唔得啦，自己一個同佢打堅持得唔係幾耐，我叫大叔
”喂，唔好訓啦大叔，過黎幫手！”
我望一望大叔訓低既位置，走音咁叫左聲
”人呢？”
大叔絕對唔會係啲咁既人！佢無理由拋棄我既...但係點解佢要留低我一個人係度？
唔通我只係一個工具？說時遲，那時快，毛毛佢衝緊過黎！
我不斷咁向後退，但係一切都好似就黎要完結啦...
而哩一個時候，有人推開房門，係大叔呀！佢搵返佢個背囊，大叔快步咁趕上黎，並且想從背囊中搵返枝手槍出黎。
佢貌似成功從背囊中搵到啦，正在掏出手黎。更驚訝既事發生了...
”仆街，邊個擺隻香蕉落我背囊到！”大叔氣憤咁話。
我已經退後及至牆壁，毛毛都同我距離五步左右，唔通一切已成定局？
我心跳得好快，連耳朵都可以聽到心跳發出既”噗通”聲。
大叔從遠處伸出手努力咁追趕過黎。冇錯，大叔都未放棄我，我都唔可以放棄！
我雙腳一蹬，成個人都好似羅意庭凌空飛身輕鬆入樽咁跳起身，哩一個彈跳力已經超出常人所擁有既力量。
我成個人都跨個毛毛既上空，順便做咗一個旋轉動作，而佢都被我哩一吓優美而華麗既動作嚇到目定口呆。
正係我著地果一吓，毛毛佢一個轉身，右手就捉住我既衫尾。
唔通我會衰收尾？
毛毛伸出利爪，向我條頸攻埋黎。
”鏗！”毛毛立即暈低，企係佢背後既大叔正拎住士巴拿，士巴拿上有毛毛既血跡。
經過剛才發生既事，已經嚇到我軟都腳埋，我隨即坐咗係地下到，同時回想啱啱發生既野，都忍唔住講咗句，
”真係嚇撚死...”
我望一望大叔既反應，發覺佢用個好訝異既目光望住我，佢終於開口同我講，
”細路...點解你啲手毛腳毛長咗咁多...”
聽大叔咁講，我先發覺真係長咗好多，大概每條5cm到，而最嚴重既地方應該係隔甩底...
大叔對我講，
”睇黎啱啱高海寧講既野可能真係真...”
”冇理由係真既，點會有啲咁荒謬既事！”
大叔行埋去毛毛既身邊，準備再次給予毛毛致命既一撃。
正當佢揮下去既時候，我好自然捉住大叔既手臂。佢問我
”點解你要阻止我？”
係喎...點解我要阻止佢？望見訓係到既毛毛，諗返起毛毛同我講佢係”人”哩一件事...
我同大叔講，
”因為你咁樣做會變成殺人兇手。”
”咩殺人兇手？佢地係怪物黎！係佢地捉走我個仔。”
”但係佢地係人黎！”
大叔被我哩一番話攪到有些少猶豫，佢話
”任何阻住我救返我個仔既人，我都會豪不猶豫咁殺佢”
”即使你知道佢地係人？”
”有人會做一啲只有禽獸做既行為，世界上好多人都唔想哩一班人生存下去，所以冇人動手我就會動手！”
”假如你個仔同我都會變成你所講既禽獸呢？”
大叔又要吸一啖煙冷靜一下頭腦，佢回答我，
”仲洗問？我會將你地兩個變返做人。”
聽到大叔既哩一番話，真係有少少覺得感慨，因為仲有人關心我...我同大叔講
”出發啦我地，去搵德仔之後搵埋我班朋友！”
正當我步出門口之際，大叔叫我
”細路，你唔諗住搵解藥出黎？”
”搵！當然搵啦，邊個話我唔搵，睇野啦！”
我行到去啲餸面前，莫名奇妙有種反胃既感覺，要從中搵解藥出黎實在有啲困難...
我望一望身上面啲毛，愈黎愈長，時間應該唔得返好多啦，我要盡快咁搵啦。
我一手拎住清蒸媽咪麵，之後將佢地擺入口中，而大叔見到我咁既樣，佢話
”食乜春野，直接搵咪得囉。”
”係喎，自膠。”
究竟解藥係咩既樣呢？通常我地食果啲藥就係一粒粒膠囊果種，如果要搵好似膠囊既餸，
應該就只有茄汁焗媽咪麵同西洋菜蕃茄南北杏媽咪麵湯。
茄汁焗媽咪麵食譜：
茄汁焗豆一罐
媽咪麵一包
蕃茄醬半茶匙
西芹兩條
西洋菜蕃茄南北杏媽咪麵湯食譜：
番茄三個
西洋菜？條
南北杏？粒
媽咪麵一包
水？公升
鹽一茶匙
家樂牌黃淑儀一個
最大既可能性應該就係焗豆同南北杏，不過要將佢地從食物中分開實在係有少少難度...
不過我咁醒點會難得到我，我同大叔講
”大叔我有一個方法可以一試。”
”其實個方法好簡單，只要將茄汁焗媽咪麵倒入湯之中，如果係真正既解藥應該會浮得起。
假如果一粒解藥真係膠囊，咁入面應該有空氣，有空氣就會浮係水面到，我係唔係好醒？”
”咁如果唔係膠囊係糖衣裝呢？”
”．．．．．．”
比大叔咁樣講一講又好似係真...不過時間唔多啦，啲鳩毛都開始生上肚到，所謂事急馬行田，我唔理啦！
我留意水面上既動靜，開始有幾粒浮上面，之後就有十幾粒，再之後有廿幾粒，愈黎愈多！
幾經一番辛苦，終於從湯打撈哂上黎，有豆同南北杏，而時間無多，我一次食哂所有算啦。
大叔問我
”你而家覺得點？”
”邊有咁快見效...”
”你知唔知南北杏止咳平喘、潤腸通便？”
”唔係呀...又通便...”
我坐係地下到休息一陣，見到毛毛既頭仲流緊血，之後我諗住址爛自己件衫幫佢包紮。
但係址極都唔爛...算啦，我問大叔
”大叔，有冇野可以幫毛毛包紮，止完佢啲血我地就走人。”
”你咁做可能係放虎歸山。”
大叔從背囊中拎咗塊膠布出黎。雖然好細塊，但係頂住先啦...咁都可以等我良心過意得去...
我同大叔將毛毛留係房到，而我地就步出門口，開始視察周圍既環境。