佢一手扯住我件衫,將我帶到台上既大嬸面前,
而黃毛毛深感同藍毛毛實力上既差距,並無隨意出手。

大嬸走到黎我面前,指住訓係地上既飛虎隊講

”係唔係你設個局黎等我地入紅館?”

”你講咩野設局?”

”仲扮傻?如果唔係你通知差佬,佢地又點知設路障,仲將我地逼到黎紅館,之後仲搵人攻過黎?




如果我冇估錯班差佬已經包圍哂成個場館!”

”喂,一定係我講嫁?”

”唔係你仲有邊個?你係接觸最多毛毛既人,唔係你教班差佬用強力膠水倒係地下,咁仲有邊個?”

原來啲警察就係用哩一招,令到毛毛佢地啲體毛痴住地下,所以毛毛先動彈不得。
講返啲警察點解黎到先,佢地唔係為左追捕呀仁既極速傳說先黎既咩?
點解變左好似預早設局將佢地逼到黎?





大嬸坐係台邊好似傻左咁講,

”只不過差少少,差少少我就成功...
但係而家我花盡心機打理既哩一間公司就係因為你攪到一敗塗地...”

”如果你唔係捉走人變到藍毛毛咁,點會攪成咁?
假如你專心攪好媽咪麵,繼續比回憶我地,今日你又會係咩境況?”

”境況...捉人變藍毛毛...你認為我一個女人點解要做咁多野”
我只不過係一個普普通通既女人...我點解要做咁多野?




你估我唔想同其他女人一樣睇下劇,行下街,化下妝,煮下餸,做下家務咁?
全因就係果一個男人無端端一走了之,將間公司同個仔乜都交比我,之後就跟另外一個女人走!

你應該都有聽到呀仁講,佢幫一個瀕臨死亡既細路,果一個就係藍毛毛。
果一年醫生同我講佢活唔得好耐,而且公司啲資產又被果個賤男人帶走哂,
得我一個女人,我真係就崩潰...
而係果時呀仁就同我講有方法醫好我個仔,身位母親既我當然馬上答應。

冇錯,病確實係醫好,但係我個仔就好似變成另一個人,甚至唔係人...
佢有一日番完學同我講,
「媽咪...想...想...死...」
哩一句說話係出自一個六歲既小朋友口中講出黎,果一刻我攬住佢,兩母子就一路喊。

有次個傻仔聽到老師講藍色比人舒適既感覺,之後將自己油到自己變藍色。
佢認為只要自己變到冇咁可怕,就會多啲人關心佢,唔洗再咁孤獨...




見到我個仔咁樣,果時我發左一個誓,就係唔要比佢自己一個人!

之後,我就問其他公司借少少錢,制作一種新產品,
果一種產品既公仔就係基於我個仔既樣,無錯,就係藍毛毛。
我要等我個仔行出街唔係要比人鄙視,而係大家都要愛慕佢。

結果,我哩一種產品銷量唔錯,仲幫公司賺好多錢。
我搵返呀仁番黎幫我實現一個計劃,就係要捉更多人番黎變做毛毛!
之後我地拍左一個廣告,以演奏會之名吸引更多人黎,
而拍廣告果一批人就係第一批毛毛既朋友。”