無啦啦有兩條女同左我一齊住: 1

1.
是咁的
今日係2014年9月1號,星期一
我叫江天池,今年21歲
身高169,戴眼鏡,剪個馬國明頭

大學year3,讀埋d毒撚n展科咁啦
莫講話出pool,想識條女都難
但係今日,老母既一個決定,改變左我






「阿仔呀,你都廿一歲啦.仲成個裙腳仔咁..你不如自己搬出去住啦」食緊早餐老母咁講,心諗做乜鳩
我一口菠蘿油,反駁老母:「喂,你知唔知依家幾多mk仔成日唔返屋企,你個仔我日日痴屋企飯,你執到啦」
「何況,搬出去唔駛錢呀?租你俾呀家陣」

「你搬去移左民個姑丈間屋度咪得啦」
我姑丈一家一星期前移左民去澳洲,間屋話留低左俾我地當備用

「你話搬就搬呀?」雖然姑丈間屋係就係幾大(新界果d,佢住得地下果一層,不過有花園咁啦)
不過好撚遠,仲要冇私人大廚:我老母,打死都唔制啦





之後我冇理到老母,返學算
其實返乜撚學丫,咪又係返到轉下珠上下高登

今日係今個sem第一堂,人就自然唔係太多啦
而我亦都早左入到去lecture theatre
「喂,毒撚池」聽到個咁親切既名,就知道係我既最好朋友:龍子晉
「子晉,好耐冇見」子晉同我一樣,都只係一個有書讀既廢青

唔同一般毒撚,子晉好落力識女仔,玩soc玩活動,但偏偏都係溝唔到女




「唉點解溝唔到女架」子晉坐響我隔黎,忽然叫春
「比心機讀書,第時你慌冇女咩?」我唯有用呢句老生常談安慰子晉
「屌你呀,出到黎咪又係推住成班仔」


無聊既一日又過去,又係時候番屋企打下fifa
我如常咁搭地鐵返荃灣,再行番去位置青山道既屋企
不過..

屌點解度門開唔到既?
我再check下條鎖匙,冇錯丫,都係開唔到
再睇下自己有冇on99咁去錯樓層,又冇丫,都係20樓E室
我嚇到成頭汗,打俾老母,丫頂佢又通喎
「喂,老母,個鎖做乜鳩呀?開唔到既」
「係呀,今朝換左鎖呀」




「屌你,咁你幾時返黎呀」
「吓,我今日出TRIP喎,起碼三個月先返」
我聽到呢句,成個人既靈魂好似離撚開左咁
「屌,咁我點呀」
「咁你呢幾個月咪去姑丈度住囉,你D衫呀鞋呀PS4呀我放哂入個篋度,俾左樓下實q啦」
我諗番今朝老母講果堆野,唔撚係掛
「喂,屌你,咁你即係玩鳩我,逼我冇得番屋企姐」
老母突然一片苦心咁:「阿仔,你都唔細啦,係時候學識獨立啦.呢幾個月你咪當去下camp囉.何況你仲有兩個..」
我已經慶過火屎,打斷老母句野:「唉屌,你鐘意啦」即刻cut線

唉屌,新一年新一個sem就玩d咁既野,唔撚係掛
屋企附近又冇開鎖佬,即係逼我去姑丈度姐

我落番去搵個實q拎番自己d野,仆街佢真係夠薑成個篋裝哂我d野
仲要我成個on9仔咁行去荃灣西搭閪鐵,真係慘過返印度





以後返學都要返成粒鐘,唉

姑丈住元朗,仲要係山區地方,即係去到朗屏仲要轉巴士果種
好彩我黎過幾次,都仲記得要搭咩車,去邊個站

過左差唔多一個鐘,先由荃灣黎到元朗山區
一落車,就見到2條女,又係拎住篋

其中一個幾矮下,米五多少少啦,著件白色tee,牛仔褲,白色con屎
長頭髮,眼袋勁大,重點係,幾大波下

另一個高d,大約米六,著橫間背心,藍色短褲,reebok鞋
又係長頭髮,幾白淨,不過冇咁大波





白淨女先開聲:「喂,智詩呀,點解打唔到俾個包租婆既」
大波妹答:「我點知喎,今朝上網見到話有平租村屋,咁緊係打死都黎睇下先啦」
「會唔會又好似上次咁有變態色魔架?」
「邊驚得咁多丫,唔通你想返去果間垃圾hall咩...唉,最衰果次得罪左hall莊班臭閪,如果唔係都唔駛咁頻撲周圍搵屋」呢個叫智詩既大波妹都幾爛口下

呢個時候又係我展現風度既時候:「請問2位小姐,你地要去邊呢?」收起平時堆粗口,其實我講野都好文雅

「關你撚事呀?」大波妹彈出呢句,實在令我意料不及
「我留意左你好耐架啦,你由我地講野開始已經企左響度,想扮好人呃我地2個靚女?食屎啦你」

「算啦智詩,可能人地真係好心幫我地呢」白淨女幫手打完場
真係估唔到,個大波妹都幾撚惡下

行開巴士站既時候,仲聽到個大波妹話:「阿白,你唔可以咁易信人架,上次你差d俾d line騙徒呃你買左幾千蚊支付寶啦....」





唔係掛,咁on9既呃人手法都中招?
唉算,唔理佢地,去左姑丈度先

行左幾分鐘,終於見到姑丈間屋個大門
我拎出頭先放左響篋度既鎖匙,準備入去
唉,終於有得打fifa

響我準備開門既時候,有同一條鎖匙又係隊埋去度門口
我向右望一望
「屌你,又係你呢個變態佬?」
竟然係頭先巴士站見到果2條女?!