無啦啦有兩條女同左我一齊住: 9

9.
我望住麗娜既背影
令我諗返起,呢幾年,佢同都真係冇搵過對方
智詩用手批我踭:「喂行得未呀?去信和啦!」

「吓?你地女仔之家去乜信和呀」落親去信和買game或者cd,個男女比例都係9:1
智詩拍左我個頭一下:「你真係有性別歧視架喎,阿白你有冇所謂呀?」
阿白:「冇所謂啦,你地兩個頭先都陪左我咁耐睇衫,我陪下你地都好應該姐」

我地三個首先上左信和睇game




行既時候硬係有d周圍唔聚財,d男性既目光投射哂落我度
大佬,朋友姐,駛唔駛咁樣仇視我呀
以前一直好想可以拖住女,接受其他人既葡萄眼光
呢刻我終於受到(雖然冇拖手),不過可能我做得太耐毒撚,呢種感覺又有d唔習慣

「嘩屌你老味!」智詩指住d game「戰國無雙4出左啦!」
我有d吃驚:「唔係掛,fifa又岩,無雙你都岩?」
「你理得我姐,今集仲要有真田信之tim呀,好似幾正咁」
智詩已經拎定個銀包,準備比錢





但係佢係咁搵,又淨係拎出左2百幾蚊
阿白問:「智詩你冇錢呀?」
智詩細細聲講:「係呀..尋晚八達通增左值,出黎果陣又唔記得帶多少少」明顯唔想俾我聽到
我笑住講:「唔夠錢呀?」
智詩睥住我

我拎出銀包,俾左三百蚊佢
智詩:「你做乜鳩呀?」
「咪當借俾你囉,不過呢隻無雙4,你要俾左我玩先」
智詩諗左陣,拎起呢三百蚊:「多,多謝你囉」之後就去左俾錢





阿白靜靜雞同我講:「我都話架啦,同智詩熟左就唔會好似岩岩識咁串架啦」
我點左下頭,睇黎阿白仲唔知前日我同智詩去reu既事


就係咁,之後我地就返左屋企,食埋飯
夜晚十二點,聽日要返九點半
我又一個響花園飲可樂

唉
點解連麗娜都返左黎架?
點解佢返黎唔即刻搵我?
點解佢響英國讀書都唔send個whatsapp俾我?
今日佢見到阿白同智詩果陣,會點諗?
佢會唔會以為佢地其中一個係我女朋友?




佢仲會唔會搵我?

智詩同阿白走出黎,不過得智詩拎住啤酒
我即刻fingfing手:「嗱,我聽日返九半,我唔飲酒架」
智詩:「我俾自己飲咋on9..」

智詩飲左幾啖:「喂..」
「做咩呀?」
「今日..多謝你俾錢我買隻無雙4...」
「借架咋,你估我真係會送俾你呀?要送都送俾阿白啦」
「你...仲諗緊今日果個叫麗娜既女仔呀?」
屌你,讀心神探咩...
我唔理佢,繼續飲可樂
「屌你!即係係啦!.....咪住先,佢唔係就係你上次搭巴士講果條女下話?」
我點左下頭




「on9仔,今次佢返黎係好機會黎架!快d狗衝啦..今日我留意到佢d眼神呀,佢真係當我同阿白係情敵咁」
「你..你9up姐下話」
「女人直覺最準架啦,佢一定對你仲有意思」

而我亦留意到,呢刻既阿白,唔見哂平時既笑容,亦冇出聲


「喂,你講真架?」話哂隔左咁多年,我唔係好信佢仲鐘意我
「屌,你咪唔好信囉...睇佢果樣都幾靚女丫,應該都係做大學女神果d架啦」智詩仲肉緊過我
「你諗下,佢係讀cu呀大佬,d書院咁多野玩,又ocamp又千人宴,大撻地咁,你唔出手就大把型棍子出手啦」

我諗深一層,屌佢,又好似係喎
麗娜同我一樣住荃灣,要住hall真係話都冇咁易
依家9月頭,雖然d大ocamp都完哂,但係仲有d on99細o,soc果d ocamp玩
麗娜都算樣貌標致,一定俾d組仔,獸父mark撚哂





「你仲諗咩姐,呢d chance唔係成日有架!阿白,你話係咪呀?」
只見阿白好似心不在焉咁:「吓..係....係.呀」
我問:「阿白..你做咩呀?唔舒服呀?」
「冇..冇野呀,我..我.有d攰姐,我訓先..啦」之後就行返入屋
智詩輕輕一句:「唉....」
「你講咩話?」
「冇.冇野呀!講返你啦,佢話佢返去會whatsapp你嘛,咁佢有冇搵你丫?」
屌係喎,同呢兩條女生活左一個禮拜,手機同電腦都用少左
我check一check,仆街真係有

麗娜:「hi阿池,搵左好耐先搵返你電話呀」
「下個星期不如搵日食飯呀?」

「喂掂硬啦你,快d覆佢」唔知幾時智詩已經睇緊我手機




「喂你做乜睇我手機d野呀」
「是但啦,佢咁約你食飯即係想同你...嘿嘿」
「屌係真唔係呀」
智詩已經搶去我手上的手機,覆左:「我ok呀,日日都得」
「屌你呀,做乜撚呀?!」我最憎人搞我d手機銀包果d,好似侵犯我私隱咁
「比你既話,打果幾粒字,打到天光都未打得出啦」

我雖然嬲,但係智詩又真係講得有道理
俾我既話,一定猶豫到聽朝都未覆