無啦啦有兩條女同左我一齊住: 23
23
哨聲一響,比賽馬上開始
ust engine排出433既陣式,似乎想打雙翼齊飛
一開賽左右翼就不斷攻擊
好彩左右閘既梁仔同肥鼠都暫且頂得住,但對方既雙翼走位靈活,恐怕一走甩就大撚獲
Xavier截到對方傳送,「阿池!」一下長傳,準確咁交到我腳下
我面對對方既中場,輕鬆一下推右走左就過左佢
「嘿,你好似有d料喎,黎鬥過啦!」眼前既,正是wilson
佢有1米8,體型同xavier差唔多,不過佢好撚快,已經重心夠低,似乎唔易扭過
我唯有先傳比中場jimmy,再示意黎個one two,爆過wilson!
jimmy亦識做,即刻黎個吊傳
正當個波準備落到我腳下時,wilson一個完美飛剷,成功將個波清出界
「你係幾快既...不過,對住我,你注定冇運行呀」
屌,駛唔駛咁串
界外球後,皮球再次落到我腳下
呢個wilson完全同之前鬥過波既散仔完全唔同,佢d防守技術簡直係另一個水平黎
可以逼到我唔可以輕鬆扭過佢
睇黎我呢場注定比佢鎖死
其後既幾次掂波,都係比wilson逼到我回後,根本好難創造到攻勢
右邊既阿智同肥鼠都打得中規中矩,偶有佳作
Jacky:「唔好氣餒呀,阿池,比賽岩岩開始姐..我地仲有機會既」
屌你,就係你條契弟見對方右閘咁勁先放我上枱,你老味
好彩,對方既三箭頭都響前面on99咁,搵唔到食,何況有Xavier響度清波搶點
至少仲可以keep住0比0
比個wilson守到我扯扯地
「點呀,好嬲呀,打爆我丫」
25分鐘
我地既門將阿達開出龍門球
今場踢攻中既Johnson成功頂到
「Johnson!呢度!」我已經跑入左中既位置準備爆過wilson同中堅之間既位置
Johnson一下快傳,我就用番我最常用亦係最on9既一招,快放
「?仔,想爆過我!?」Wilson不斷逼,企圖想逼到我仆街
幸好我夠矮,重心低,當我爆速既時候就冇咁易比佢逼甩
不知不覺我已經爆到入禁區邊,wilson同我仲有半個身位
對方既右中堅亦準備前來夾擊
「阿池!」係Jacky
我左腳一傳,Jacky一控
正當Jacky已經拉弓,準備射門時
對方另一個中堅,一下鬥心飛剷,就將Jacky剷低
球證哨聲一響,12碼!!!
「屌你老母!剷乜撚野呀」「屌你老母!!」「咪撚插水啦屌你老母!」
四周屌起四起,球證迅速比一班仿似BB仔既我地圍住,並舉起一張黃牌
「屌,得黃牌!!!???」「紅牌啦屌!!!」
我過去扶起Jacky:「喂,Jacky,有冇事呀?」
Jacky慢慢起番身:「冇事..仲踢到,做得好丫阿池,頭先總算過到果個wilson」
wilson走到我後面:「?仔,今次比你過到,下次唔會咁好彩架啦」
「哼..」
12碼,毫無疑問,由Jacky射
Jacky將皮球放響12碼點,助跑幾步,拉弓勁射右上死角
龍門完全捉錯路,1:0!
Jacky興奮到即刻剷草慶祝,點知一個失平衝,成個仆低,我地當堂笑到仆街
台上poly既一方歡呼得更大聲,鼓聲咁快
「阿池,繼續加油呀!!!」我搵左幾秒,終於搵到阿白同智詩
我掛住望佢地,Xavier走黎:「快d啦阿池,開波啦」
其餘既十分鐘,大家都係拉扯住
我又爆唔到wilson,對方既三箭頭亦冇啖好食
就係咁,上半場完,我地暫時1:0領先
臨入更衣室前:「?仔,估唔到你有d料到喎,不過下半場冇咁好彩架啦」
入到更衣室,大家都已經好hyper,好似贏左咁
Jacky拍拍手:「喂,場波未完架,何況我地只係靠一球12碼先領先,下半場一定要守得好,最好入多球」
「阿池,你下半場多d入中間,我會同你換位」
「吓...你係中鋒喎」
「就係想咁,你入中間既話就可以多d搞亂wilson既位置..何況頭先博12碼果下就係靠你過到wilson架咋」
下半場開始
Jacky多左響左路活動,而我見到亦多左入中路同Johnson以及右翼阿智打配合
Wilson開始唔知mark邊個好,有d失位
左閘梁仔都好醒目,多左上前助攻
但係我地依然拉唔開紀錄
緊係啦,我入左中間,我得169,點頂波呀on9 Jacky
響其後一次進攻入面
我響左邊直奔,想落底斬波
Wilson一個箭步,推到我成個仆街
Wilson搶到皮球後再出去前場
「REF!!!!!!!!」我大聲叫,期望球證睇到,但係可惜香港D球證同英超同一級數
「傻仔,我唔會比同一人爆贏我,twice」
屌你咁撚串,一陣一定要你出醜
時間黎到65分鐘,依舊1:0
我響禁區左邊45度角位,面對住wilson
「我唔會再比你過到架啦柒頭皮!」
「睇下點!」
我右腳外背橫推一下,wilson成個人亦向左上一步,想響呢度逼近我
不過,佢萬萬估唔到...下一秒發生既事
我響瞬間再用腳內側,將波拉番去左邊
wilson隨即失去重心,成個人就如佩奧爾一樣,成為老江湖
呢招就係當年細哨既成名絕技,Elastico,中文係叫乜撚野牛尾巴過人,柒撚到
呢招係果陣a grade既隊長教我,再加上自己瘋狂咁練先學到既實用過人招式
當然我比細哨既慢好多啦,不過已經夠令wilson成個訓低
睇到呢度,全場既人都尖叫
隊友都嚇到呆左1秒,wilson更加好似成個人停撚左咁
我落到底線,正想傳個地波比Jacky接應
但係對方既中堅已經察覺,並包好位
不過,正當腳落到去佢腳下,佢準備清波時,竟然一下怪腳踢左入龍,龍門完全冇反應
2:0!
Jakcy,阿智等人都湧哂過黎摟住我:「叻仔呀,阿池!!!」
「阿池頭先果下好撚勁呀!!」
我冇理會隊友,我走到仲響地下既wilson面前
舉起2隻手指恥笑
我自己都覺得,踢緊波既我同平時真係好撚大分別
「屌你老母!」wilson即刻起身,扯住我件衫
「屌你唔好亂黎呀!」「屌你!」「屌你老母呀!」
最後,球證分別比左兩張黃牌我同wilson
諗諗下,我都幾撚on9,自己示請張黃牌
剩低時間不多,但係我同wilson已經踢到好重火藥味
「牛尾巴丫拿,剷到你斷腳呀!」wilson已經痴撚左線,係咁落腳剷,好彩我仲避得到
最後大家都冇打開記錄,2:0完場
Wilson亦都係典型香港仔,個勢唔響自己度就即刻冇聲出,dup哂頭咁入番更衣室
柒頭,過黎打我囉,頭先咁撚茅
入番更衣室,Xavier同Jacky走黎拍拍我:「掂呀阿池,今場man of match啦」
「唔好咁講..大家都有盡力既」
Johnson同阿智走黎問:「阿池你頭先果招好撚勁喎!我地個個響場上面睇到o哂嘴,看台d囡囡睇到出水tim呀」
「都..唔係好勁姐,果陣a grade個隊長教我先識呢招Elastico」
「吓你踢過a grade架?」「踢..踢過下咁囉」
「屌..早知上年engine cup搵你啦!」
沖埋涼,換好衫,就同大家道別
Xavier:「阿池你唔睇波嗱,一陣cu pharmacy對lu bba喎」
「唔..啦,我返去訓陣教先」
一出到更衣室通道,就見到阿白同智詩兩個響度睇緊電話,仲睇得好入神
我:「阿白,智詩,我行得啦」
「丫..阿池沖完身啦」
「咦你地睇緊咩呀?」
「係你頭先比賽d highlight呀,智詩錄架,頭先仲話你好型呀..」
智詩拍左阿白一下:「喂!」
我睇睇果部電話,播緊既係頭先fake到wilson仆街既elastico
智詩望望我:「呢下elastico係..係幾型既」
我笑一笑:「喂,我贏波喎,阿白智詩你地兩個請我食餐218五個0都得掛」
「好丫..好耐冇食kfc啦」
「喂,都話左你唔可以食肥野咯!」
「咁我可以食咩呀?」
「食譚仔算數啦,又平又大碗」
「譚仔好難食喎..」
「咦,係阿池呀?原來頭先響場上面果個真係你黎架..你頭先打得好好呀,估唔到你仲識當年果招elastico呀 」
把聲咁撚熟既?
我擰轉頭,係麗娜,而且佢身邊仲有個身穿印有CU Pharmacy字體既波衫,留個c朗頭,高約1米75既靚仔
「.阿...白同智詩呀呵?原來你地都有黎睇波呀?」