[哈哈,你係邊個啊,做乜野著到咁?乜而家有人cosplay扮皇帝嫁咩?]
[奴才,豈容你放肆,竟敢如此無禮?]
[哈,你唔止衫似喎,連語氣都似喎!扮得幾稱職啊!]
[扮什麽?朕乃如假包換的皇帝!]
[哈哈哈...哈哈...哈...呢到係邊到?]
四周一望無際,周圍甚至係地下,都係藍色的星空。
[你係...邊個皇帝?]項巨龍見到此情此境,以及眼前呢個奇怪嘅人,不由得產生一堆疑問,到底佢係邊個,呢到又係邊到...
[朕乃明]

[項巨龍?你又訓啊?起身啊!]




[劉慧琳?你做乜叫醒我啊,我問緊啲好重要嘅野嫁!]
[你訓覺問乜野啊?發春夢問你女神可唔可以今晚陪你啊?]
[係啊,係啊 可唔可以今晚陪我啊?]我一路眨眼,一路情深款款咁望住佢
[冇嫁你,番屋企做毒L啦!]
[唉,而家嘅女人真係好殘忍...]
[對住你我駛扮仁慈?]
劉慧琳,有對水汪汪,大大嘅眼,頭髮長長,平陰,臉蛋白裡透紅,五官分佈接近黃金比例,簡單黎講就係女神級,好多人都想溝嫁。佢係我最好嘅朋友,熟到乜都會同對方講,咁點解咁靚又咁熟都唔去馬?就係因為大家太熟,乜衰野都知,你話幾冇癮...

究竟明乜...頂,唔係冇啦啦俾人叫醒都唔駛搞到而家諗到失眠啦 失...失眠?係喎,發夢夢佢出黎咪得囉!哇哈哈,我真係好醒!






[兒夜姨野以夜儀野] 是咁的,為左我一定起左身,所以我用左十分鐘叫喊版黎做鈴聲,不過好似開始麻目,所以我考慮緊cut傻女尾果幾秒黎用

咩話?而家8點?我一路訓到8點?我冇發過夢?

雖說不想起身,但終歸都要醒來。不過我真係唔想起!為左表達呢個不滿嘅情緒,我決定扮walking dead咁行番學校。

[喂,你冇野嘛?]果然,劉慧琳即刻發現我。
[冇野啊...]
[冇野?你呢排都係咁喎,你好快啲從實招來!]為左逼我供,佢竟然出到絕招:將我個頭用力拉到佢心口前。絕嘅唔係佢拉我嘅力度,而係佢拉我去佢果到,令成班男仔都酸到都打獲我...





[得得得,我投降,你放手]見到一個個想殺左我嘅眼神,我都無謂抵抗...
[咁就乖喇,my good boy!]頂你個肺,得寸進尺?...算,好男不與女鬥...

[最近我成日夢到自己做左皇帝...]
講完之後,我即刻留意佢反應。果然,不出所料,佢笑到失控...
[要小心,唔好掂到佢地啲便便,啊哈哈哈哈哈。好好笑咩?我唔講囉]
[得得得,我唔笑,你繼續講]頂你,你仲笑緊喎
[但尋日,我係夢裡面做番自己]
[夢到自己?咩意思?]終於忍到笑了
[姐係話,我見到個皇帝]
[咁你有冇問佢係乜水?]
[有..]
[係邊個?]
[明...]




[明咩?]
[明...明明我已晝夜無間踏進面前路,你叫醒左我啊我唔知道]
[哇...你邊間教會...咁你做緊皇帝果陣做過啲咩?]
[冇啊,我次次都係上早朝,我想搵次見下啲後宮佳麗都唔得...]
[收啦你!咁啲人有冇同你講過啲乜?]
[下,唔係好記得喎,我淨係記得有個人講話咩燕王...]
[燕王?本皇罪孽深重。扣你50分嘅名作]原來羅行一直係到偷聽。羅行,我老死,鍾意睇啲變態野,故人稱變態羅。
[咩扣你50分啊?變態羅?]
[你冇睇電視咩?萬能key做燕王叫徐子山sm佢嘛。哇,咁正你都冇睇?]果然係變態羅....
[有人叫燕王...咁姐係個皇帝一係朱元璋,一係朱允炆?]



[你係朱元璋定朱允炆?]
[放肆!斗膽直接叫朕同父皇之名?]




[咁你即係建文帝?]

[皇上...皇上...]                                              [項巨龍!項巨龍!]
[呢度係?...皇上?...                                        [住口奴才!擾朕清夢!]
點解我又發夢做左皇帝嫁?                           [你up乜啊?起身啊!
我唔係應該只係.                                          Miss ho黎左喇!]
夢見到皇帝咋咩?...]                                      [哇!]
[皇上,你就是皇帝,                                  [頂你,嚇死人咩,無啦
又怎能夢見皇帝...]                                      啦嗌乜啊]
[唔係發夢?冇理由嘅...                                [這裡何處?這些又是什
呀,好痛,真係唔係夢?]                            麽來的?]
[皇上息怒啊..                                            [咪課室囉,呢啲咪燈、
打我這個狗奴才好了, 冷氣囉。               你傻左啊?仲有
不要傷害龍體啊]                                       啊,做乜用書面語黎講
                                                                 啊?]




                                                               [世間竟有超越我明之
                                                              科技?]
                                                              [咩我明啊?明朝滅亡左
                                                              好耐喇喎,馬明就有..
                                                             你係咪溫書溫上腦
                                                              啊?..]

我係皇帝?我番左古代?                            明滅亡已久?我到了未~來?
 
已有 0 人追稿