【微甜】點解有五條女同我一齊?: 6-情敵出現？- 「修正版」
「鳴~鳴~鳴~」電話響既聲。
我比whatsapp既通知聲嘈醒，然後慢慢起身拎起電話望。
原來係啊柔同啊情，兩個都係講早晨加個開心樣。
我仲以為尋日既一切一切都係夢，諗住起身訓醒就會無事。
唔緊要啦，或者我要面對事實，就係有兩個係男人都夢未以求既超正女友。
既然係咁，我都係whatsapp度回覆句早晨，等佢地知我起左身。
一個毒撚兼廢青既我每日起身要做既第一件事，就係開著自己既二奶。
對唔住，我要更正，依家係三奶至岩。
大家無估錯，就係我每日都會點佢既電腦。
然後走去梳洗，梳洗完就玩電腦。
而且同埋可以搵下個叫ahman既女仔。
講錯，佢skype個名叫啊雯，而且我唔太中意講英文名，所以直接都係直接叫啊雯算。
點知原來佢無上線，只係見到好得閒既啊強上線，咁無得揀啦，唯有call佢囉。
傾傾下都發現個肚餓餓地，我就落街買左個m記返屋企食，沿路睇到唔少中學生放食飯。
突然我又好懷念中學既日子，果時日日都見既miss同sir，中學女神同我未一齊之前既前度，我好想返學校呀！！
一邊食野一邊同啊強傾閒計，傾傾下都12點幾，就發現係時候要汁野，唔係就遲到，我講過啦，我係要返i大架。
「屌，等陣要返學，食快d先，等陣仲要汁野！」我同啊強講。
大約用左半個鐘左右，搞掂哂所有野，最後就係同啊強講拜拜。
我對住個咪同啊強講:「我返學先，拜拜」
「哦，拜拜。」之後就趕左返學。
返學條路唔遠，半個鐘就到，所以好快就返到i大。
我係學校無結識任何朋友，就係得一個朋友叫啊偉。
因為佢都係retake同科，所以都係班上既小圈子，個個都叫我地師兄。
原本今日係無咩特別，基礎上可以skip左佢，
不過佢係上堂果陣話今日話搵到一份工話比我喎。
「屌你咩，搵我做白老鼠呀，諗住我做到咁上下就介紹你入黎做?」我對住啊偉講。
「朋友嘛，幫幫手啦，做下探子唔好咩？如果係好做既就一齊做。我話哂都搵工比你做喎！」啊偉講。
「你依家好似推我去死，唔死先一齊去咁！」
「係你話想搵工，我先比你做先咋喎。」
屌你，推我去死就直接啲啦，又要搵借口，算，一場朋友幫下你，橫掂都要搵份工，依家份工搵我仲好。
「算啦，唔講呢啲，我去睇下環境，有咩唔對路同你講啦。」我無奈咁講。
「都話我最好既朋友係啊龍架啦。」啊偉搭埋我膊頭。
之後上完堂，就打左去問，佢話唔撚洗面試，原來係酒店抄散。
屌，聽人講好撚辛苦架喎。
之後我就wharsapp左比啊柔啊情佢地知，我將會去試工，可能佢地唔得閒，所以無即時回我。
話咁快我就放學返到屋企，老母係廚房出左黎，企左係度望住我，我都估到佢會有野同我講。
「唔好成日對住部電腦啦，無益架。」老母話鳩我。
我又係做左啲毒撚先做既野，就係返到屋企就開電腦。
「哦，知啦。」我答。
對左老母十幾年，日日都係呢句，其實都幾悶。
「好心你就穩穩定定咁同一個女仔拍拖啦，唔好三心兩意啦。」老母無啦啦做咩講埋啲咁既野呀。
其實我有兩個女友唔好咩？佢地又唔係唔肯，佢地自願架。
「多選擇唔好咩？」於是我就反問老母。
老母就嘆氣咁入左廚房度煮飯，我就繼續開skype搵啊強傾計。
正當call緊啊強之際，見到啊雯上左線，就拉埋佢入黎傾計打機。
大概玩下左一陣，一路玩一路傾，套到少少料。
原來我同啊雯都有好多打機嗜好，好多game都有玩，所以同佢一齊玩都特別開心，特別夾。
大概9點半左右，啊俊上線，因為啊俊平時返工返中午時段，所以約9點左右先上線。
之後當然拉啊俊入聊天群啦。
「哇，乜咁齊人呀?」啊俊講。
「成村人等你呀，快啲啦。」我講。
我地一路打機，一路有講有笑，而且得知啊雯係中四學生。
原來係中學生，唔怪得上午果陣唔上線啦，所以搵佢就要等到夜晚佢放學。
玩左無幾耐，我從耳機入面嘈吵既遊戲聲中聽到電話whatsapp既超微弱聲，我就講：「等我一陣。」
我一拎起個電話就睇到啊柔send左十幾個whatsapp比我......
啊柔:做緊咩呀，啊龍？
啊柔:啊龍，得唔得閒?
啊柔:唔係度?
啊柔:有野搵你呀!!
啊柔:較左靜音?
啊柔:啊龍!!
啊柔:啊龍!!
.
.
.
啊柔:唔洗啦，無野啦，我搵到人幫我。
我心諗大檸樂啦，無覆啊柔信息呀！
大家都知道女人係最口是心非既動物，講得無野就姐係有野。
會唔會嬲爆爆咁求其搵到個樣比我可靠既人就算？
之後因機緣巧合之下，由最初互相認識到成為好朋友，最後做埋情侶......
死啦，我都無敦倫就咁比人搶走左。
我再望下個whatsapp幾點發出，原來半個鐘先發，我就立即行動，唔比人搶走我個啊柔。
我開始驚，我就秒回skype 班朋友。
「唔玩住，唔得閒，搵女友，大撚獲。」我講。
「喂，打到氣肉先走，唔係掛，邊個女友搵你呀，你有兩架喎。」啊強話。
「邊個搵我我都要去架，唔同大細超咩？」我急急腳講。
之後我就電腦都無熄就開門打算出去，
隱約我係門口聽到耳機入面啊雯話:「下，啊龍有兩個女友？」
我心諗我都想知點解可以有兩個女友。
之後我唔理得咁多，就打電話比啊柔聽，但係佢無聽，我就狗衝左落樓下。