一個美好既星期三,啊柔同啊情都唔得閒,所以我可以全日都打機。

當然我唔係只係打機咁簡單,有時一到夜晚無人上skype既時候,我都會打下識飛果啲。

你會問,有兩條女都仲要打丁?

我可以老老柒柒同你地講,如果同第一個搞,另一個唔開心。

如果同另一個搞,另一個又唔開心,瞞住搞我又唔想。



你又會問,3p啦3p啦,問題係巨龍就得一條,點都會出現大細超既情況。

我又於心可忍,望住一個屌第二個,所以上帝創造一個男人得一個巨龍,都係想搞既時候係一對一。

係進退兩難既局面,所以唯有唔搞。

但其實有邊個男人係唔想3p呀,如果唔係邊有咁多3p AV片呀。

講到打丁,係人都知打丁一定要有甜片,



而且出名毒撚既我,都會有啲研究,做得香港人,就一定上this__。

而我最近睇開既甜片都係睇3p,唔係本人嗜好,因為朕係中意睇一對一多啲,

不過真係想同啊情啊柔玩3p,幻想啊柔同啊情係女主角,真係正。

不過FF歸FF,永遠都唔會係事實。

講返轉頭,岩岩skype林收線果陣,啊強問我就黎到情人節,送咩禮物比我個兩個小公主。



唔係啊強講一講,我都唔記得新年之前,又一個全年最麻煩既節日,就係情人節。

因為要比其他人麻煩多一倍呀。

我再問問啊強,可唔可以吐下料,知道上年點過。

「唔好提,搞到一獲粥咁。」啊強就話。

其實我唔明點會搞成咁,之後問問下就問到原來係去左海洋公園。

突然一言驚醒洛克人既我,明白左一啲野。

原本都係一個好提意,但係其實我係唔夠擔玩太過刺激既野,

所以照推論,我係睇住佢地玩,所以佢地就玩到無癮啦,唉!



好!就係上年唔掂,所以今年就要補救返,一定要搞得好好睇睇。

最緊要係禮物,搞好禮物先搞節目。

其實禮物可以好簡單,古語有雲,千里送鵝毛,物輕情意重。

首先根據顏色會決定其他,啊柔中意粉紅,啊情就中意紫色。

之後就係睇下佢地要咩再決定,但係我一啲頭水都無,死啦,完全唔知送咩?

我再望一望個鐘原來都好夜,禮物呢啲野都係聽日先諗...

到左星期四,我如常咁返學放學,係回家途中,我見係whatsapp度啊柔同啊情都無提過情人節,會唔會佢地唔記得呢?



唔會既,女仔點會唔記得呀,玩我咩...可能佢地想比我驚喜我都唔定。

雖然都返到屋企同佢地whatsapp傾計一直都無講情人節啲咩?

但係我依家最大既問題係送咩比佢地好。

其實女仔想要咩就一定要問返女仔,所以我已經有最佳人選,

係whatsapp入面既女仔唔多,得四個。

其實應該係五個,但係佢.......佢只係我發夢幻想出黎,

雖然我唔想呢個事實係真,但係就擺係我眼前,唔到你唔信。

不過呢家只有得四個,就係兩個女友們同啊雯啊麗,要問就唔會問當時人,所以得返兩個。



啊麗咁有錢,要啲野一定奇奇怪怪,所以最佳人選係啊雯。

如果由skype問,一定無咁好,因為一件野都有好多唔同既樣,

咁樣問黎都無用,所以直接約佢出黎就最好不過。

咁我就直接用whatsapp搵佢,單獨同佢講,咁就唔洗比啊強啊俊知我搵救兵幫手,

話洗今次係我約啊雯,比佢地知一定抽我水話瞞女友溝女。

我同啊雯就約好左聽日十一點係旺角等,點解係旺角?

無他既,旺角好似咩都有咁,所以係旺角搵情人節禮物。



其實旺角我只係識朗豪坊同先達,首先先達係買電話野唔岩,所以我只可以去朗豪坊。

「不如去左朗豪坊先啦,好冇?」我講。

「都好既。」

啊雯好似唔係太想去咁,點解呢?

不過朗豪坊只係個開頭,因為我知啊雯一定有其他選擇去幫我,所以我都無做咩功課,睇佢頭。

我地去左朗豪坊,我打算睇下有啲咩衫咩袋之類,可以送比啊柔啊情佢地,所以問下啊雯既意見。

「啊雯,如果買衫買裙買袋果啲點睇?」我指住間賣衫既店。

「平時買唔夠咩,我覺得佢地會認為好普通喎。」

都岩既,平時都會買下衫果啲,的確係普通左啲。

果然無錯,我眼前呢個女仔的確係幫我搵禮物既最佳人選,

如果佢覺得特別既,應該就係可以送比啊情同啊柔既最佳禮物。

「咁你有冇啲特別想要既野?」我問。

「我?點解問我?」啊雯比我呢句嚇左一嚇。

「無,因為你都係女仔,我估所有女仔都會中意同一樣既野。」

呢個推論係數學堂既時候教過,打個比喻啦......

如果一個女仔係有波,而老母係有波,所以老母係女仔,就係咁推論出黎。

啊雯側一側頭就話:「咁呀......你跟我黎呀。」

我就跟住佢行,出左朗豪坊,去左個好多女仔行既地方,

我都唔知係邊度,但係全部都係買女仔野。

啊雯就行左去一間公仔店指住果度。

「我諗佢地中意呢啲掛?」啊雯講。

係喎,可以送公仔,但係啊情同啊柔好似無提過佢地中意啲咩公仔喎。

我望一望啊雯,望到佢係度眼金金咁望住一個公仔,

我諗左一諗,會唔會係中意呢個公仔呢?

我無理到個公仔,直接同啊雯講:「其實佢地都唔細,應該唔會中意公仔,不如你諗下有冇第二樣中意?」

已有 0 人追稿