我諗左一諗,果日之後我就去左啊麗度扮男朋友,再之後就返左屋企,姐係話比啊麗拎左。

我就打比啊麗問佢啲公仔既下落。

「喂,係唔係啊麗呀?」我問。

「做咩咁好搵我既?」啊麗反問。

「上個星期四呢,有無見過我啲公仔呀?」



「哦~有呀,做咩呀?」

「你見過?」我問。

「見過,仲係我度添。」

「係你度?點解會係你度架?」

「因為我見到得意咪攞走佢囉。」



「下?我有用架,比返我得唔得呀?」

「你想要返呀,都得,比隻我啦咁。」

屌你老母呀,你咁樣同搶有咩分別呀?

「咁我要睇睇喎,咁比左隻你,內面仲有幾多隻呀?」

「1~2~3,3隻呀。」



夠三隻就掂哂啦,啊柔啊情啊雯各一隻,又唔洗自己要一隻,岩岩好呀。

「咁好啦,你幾時得閒呀?」

「今晚10點,你樓下等啦......呀唔好,火車站等啦,最近你果個呀。」

「咁好啦,10點見,拜拜。」

收左線之後,我就返屋企打機打到十點。

之後出門口,到左火車站。

見到有架好靚既車,入面有個人,個人原來係啊麗,所以我就行左過去拎個袋公仔,之後講左句唔該。

我打算走,啊麗就拎左兩張一千蚊紙出黎。



「喂,還返比你呀,上次條友唔記得埋單,我之後搵過佢,我叫佢比返錢比你。」啊麗講。

下,洗唔洗咁呀,我當咀左你就還左嫁啦,不過唔通有錢都唔要咩。

我就拎左兩張一千蚊放入銀包。

「唔該哂喎,咁我走先啦,拜拜。」我就另轉頭走。

「喂,啊龍,如果你無野做既,可以過黎幫我手,做酒店呀,我比d高薪d既職位你做呀。」啊麗講。

我就轉一轉身話:「唔洗啦,其實酒店唔岩我做嫁,拜拜。」

之後我就一路走,走到咁上下,見到一個女人飲到貓哂咁劑,我作為男人就當然要睇下咩事啦。



我就行上望望,竟然係靚女miss喎,咩事?做咩醉成咁呀?

miss好似見到我。

「hi,寶堡龍,早晨呀。」miss揮住手咁講。

屌你咩?醉撚到咁,夜媽媽嗌咩早晨呀,仲要響我全朵。

「飲酒呀?做咩搞到自己咁呀?」我問。

「你係度岩啦,陪我再飲過。」miss就一野撲埋黎,我食到佢波餅,點算,唔知點做好。

「你醉到咁,飲咩呀,返屋企啦。」

「好呀,返到屋企再飲,我屋企係果度....」



就係咁,我比miss拉左返佢屋企,連埋我手上啲公仔,一齊到佢屋企。

佢屋企都幾大,應該都有7百8百呎左右,唔算細,相比我間屋就大好多,而且屋企無咩野,最多就係書同dvd光碟之類。

又話有酒?一枝都無就返屋企,唔多對路。

我就放低佢係梳發。

「我走啦miss,告辭啦。」我講。

「唔好走呀,留低陪我呀。」miss就好似發酒癲咁。

唔係呀,通常唔走就好大獲嫁啦,酒能亂性呀。



「唔得啦,真係要走,唔係老母鬧嫁。」

「點解呀?點解呀?你地啲男人就係咁,點解我想有人陪我就個個都走,唔想有人陪我既時候,就賴死都唔走呀?」

miss開始喊,屌呀,又係我錯呀?

我仲好記得小學時期,因為熱血同青春,所以.....屌,唔撚係玩鳩自閉仔呀,我唔係啲咁既人呀。

係玩喊老師姐,因為果時年少無知,所以就成班同學仔玩到個老師喊。

到依家都記得,諗起都有啲後悔,何必將自己既快樂建築係別人既痛苦呢?所以我依家都好尊重老師就係咁解。

我望住miss個喊樣,我就想令到佢笑,或者係因為我想離補返當年小學時期既我搞到老師喊,所以我希望做得我老師既都唔會再喊。

因為係我心目中,老師係好堅強。

「我侵杯水比你冷靜下啦好無。」我講。

佢點一點頭,我就去左廚房,盲中中咁摸索下杯同食水係邊。

隔左一陣,我出到黎,唔見左miss,我放低杯水,望下望miss去左邊。

之後突然有人撲埋黎,我失足,平衡唔到就訓左係個梳發度。

我開眼睇,原來係miss,佢雙腳分開咁坐左係我巨龍出面,我嚇左一嚇。

「你今晚唔好走啦,陪我過夜呀。」

之後miss就咀落黎我個咀到,係濕吻,佢係咁伸舌。

我果時仲呆緊諗緊發生咩事,之後miss就摸我巨龍,巨龍就同miss say hi ,我叮左一聲,終於知咩事。

「唔好咁啦,我唔岩你嫁,我係時候要走啦。」我急急腳咁講。

miss見我想走,就禁低我,意圖唔比我走。

「我今日係你嫁啦。」

我聽完第一樣野唔係啞左,唔係想食miss,亦都唔係想走,係諗起小姓奴既二家姐。

點解?出名囉,無可能無睇過囉,佢入面都有呢句。

第二樣就係阻住miss,如果唔咁做,好易注成大錯,無得返轉頭。

「唔可以咁嫁,我有女朋友嫁啦。」

miss終於停左手,好正常咁坐係個梳發度,我都係好正常坐係個梳發度。

「點解?點解個個男人都貪新忘舊。食完人就唔要人......」miss喊住咁講。

我都唔知點做好啦,我就只可以比紙巾佢,比佢抹眼淚。

之後喊到喊唔出停左,佢就飲左啲水,好似平靜左好多咁。

「啊龍呀,你好好人呀。」

我就嚇左一嚇咁下左一聲:「下?」

「因為正常男人都會美女廚房嫁。」miss講。

你又識美女廚房,唔講依家住,因為係眼前同緊一個好脆弱既女人講野,要諗辦法令佢開心先得。

「咁我都唔想我女朋友唔開心既。」

「其實你偷偷地食都無人知嫁啦。」

「你知嘛。」我講。

miss都笑左一笑。

我就繼續講:「但係我過唔到自己果關。」

「如果佢好似你咁諗就好啦。」

「你又知我點諗?」

「對女朋友好好囉。」

我忽然好似萬箭穿心咁,個心好撚痛,因為我對任何女仔都無好過。

由最初前女友開始,到識左啊雯,我都係一個一個咁傷害。

如果我係一個好男人,咁就唔會搞到咁啦。

我就話:「其實我唔係咁好嫁渣。」

miss就望一望我,諗緊做咩咁講就話「你好似有好多心事咁喎。」

「有咩心事都唔重要,最重要係miss你無事就得啦,咁我走先啦。」我望一望miss。

「啊龍呀,你唔會將岩岩件事爆出去個何?」miss問。

「你岩岩先話我好,依家又唔信我?」我就望住miss講。

「唔係,只係比人知道唔係咁好姐。」

「得啦,我知點做,我走先啦,後日見啦,拜拜。」

miss就用手指彈一彈我額頭。

「放假啦,傻豬。」miss好溫柔咁講。

佢笑左一笑,我覺得好甜,唔知點解。

我望住miss,miss個樣原本由微笑變到面都紅哂既甜笑,我覺得好奇怪。

「係喎,我都唔記得添,咁放完假之見啦,拜拜。」

我開門輝手,就走左。

已有 0 人追稿