【微甜】點解有五條女同我一齊?: 44-三人變四人 - 「新版」
「但係我地個營最多四個人訓喎。」啊強講。
咁就大獲啦，原本諗住可以帶埋啊柔同啊雯去，點都估唔到會二揀一添。
預期係兩揀一，不如直接兩個都唔帶，咁咪唔洗煩囉？
然後同佢地講話我地成班男人老狗去露下營，女仔就費時去啦。
呢個絕世好Q都比我諗到，我真係醒目呀。
話咁快就到左當日.....
抹汗既我啱啱整完個帳篷，另轉頭有人伸手比野我。
「啊龍！食個蘋果呀。」啊麗講。
你地唔好問我點解啊麗係度，因為我都想知。
事源係咁，我同啊俊啊強原本打算三人行，等緊車之間，有間不名來歷既七人車駛過，就停左係我地面前，一開車門就見到啊麗係度。
「上車啦！你等果班車唔停呢度架。」啊麗講。
「呢個邊個黎？」啊俊問。
「我個朋友呀。」我無奈到只可以笑住答。
「咩朋友？女朋友呀。」啊麗立即搶答。
「哦～」啊俊同啊強異口同聲加同視線咁睇住我答。
「Er....，其實咁既....,唔.....,總之一言難盡。」我自己都唔知點講好，唉！
「明既。」啊強一句話，似乎無再想追問落去。
之後講左兩句計都一個個上車，個問題黎嘞，點解啊麗會知我地會係度，又點會知我地係去露營呢？
我地首先唔好諗佢點知啦，佢咁神通廣大知有幾奇，最大問題係因為無啊柔啊雯係度，啊麗真係咩都做得出。
依家就啊麗就捱住左我，認真，其實佢都唔差，只係個人太雙面，有太多野我係唔知，而且話一齊就一齊，好多未知既野。
啊俊同啊強就係七人車既中間，而我同啊麗就坐最後，呢個間局，更加可以令啊麗可以任意莽為。
啊麗又cool住我隻手，又捱哂個頭埋黎，比著一個正常男人，好難唔會比佢個小鳥依人款吸引到。
可惜就係同佢相處過，夠竟佢係出於本能定其實係使出佢既討好攻勢，對於我呢啲毒撚黎講，其實根本無可能睇得出。
話咁快又到左露營既地方附近，司機話呢度附近揸唔到車，點都要行，所以我地四人行，一人拎啲野上山。
原本啊麗應該有個隨從幫手搬野，但係佢死都叫佢地唔好跟黎，結果咪我搬大部份囉。
「哇！你d野都幾重喎。」我手拎大大個既袋，背咩大大個既背囊，眼望住啊麗一邊苦笑一邊吐出此話。
「真係唔該哂你。」啊麗流露出唔好意思既表情。
「啊龍，洗唔洗幫你呀？」啊俊講。
「最好啦，重死我啦。」
「由條傻仔自己搬啦，佢要威比條女嘛。」啊強講。
有冇咁大整古呀？吹到要威比條女睇囉，我要威有大把方法。
「不如我幫下手啦。」啊麗伸手視意。
「唔洗啦，我仲ok喎。」
那！那！那！我唔係要威，只係唔想要女士去做啲男人野姐，呢個係紳士既表現。
我地快快手就到左目的地，搞左半日，個帳篷都搞掂左，原來整個帳篷可以用左我半條人命。
「啊龍，食個蘋果呀。」啊麗伸手挮左個蘋果比我。
我點頭後就食蘋果，食左一口發現原來辛苦之後既甜，係可以咁好味，食完就搞埋準備入晚既野。
入夜，大家都訓緊教既時候，啊強突然叫我起身，叫我去佢地個帳篷。
大家估得無錯，我同啊麗係同一個帳篷，而我果兩位好兄弟係另一個大既四人帳篷度。
我心諗，搞咩呀？原來係搵我一齊玩卡game。
咁我就梗係同佢地玩啦。
「啊龍！啊龍呀！」正當我同啊強同啊俊玩緊久違既三國殺既時候，竟然有一把熟悉既女仔聲。
無錯啦，呢個係我前女友既聲。
我出帳篷周圍望，除左我同啊麗既帳篷外，就係得啲花花草草。
諗左一陣，可能幻聽。啊強都出黎問我咩事，我答佢無事之後都返入去帳篷。
我回首想，其實呢一刻好唔真實，諗起自己點解會發生啲咁既事，無啦啦又多左啲女朋友，我開始覺得對擁有既野有種不安感，想用力捉緊呢一切。
「啊龍，到你啦，我出殺呀。」啊俊既聲線將我拉回現實。
「Sorry，我有閃。」我攞手上既閃響應返啊俊打出既殺。
再細想，或者前幾日既事，我可以處理得好一啲，至少我唔會傷害到啊情，我唔應該對啊情咁，其實呢件事，最錯果個明明係我，受到傷害既應該係我自己。
突然間我既心情都低落左，玩玩下都唔想玩落去，所以我都唔玩返帳篷訓教算。
返入帳篷後，我見啊麗訓到不醒人事，我都盡量唔出聲慢慢返去訓。
其實我無事先同大家講聲，我地係訓睡袋，呢個睡袋最特別既地方係兩人睡袋，個重點就係呢度。
啊麗係我訓緊既時候，突然黎一個突襲，呢個突襲搞到我好尷尬，原來佢裸睡，仲要攬埋黎。
一個正正係青年既我當然係血氣方剛，所以都有啲野特別硬。
我望一望啊麗，佢個樣睇落唔似扮訓著，但係呢個舉動真係好令人覺得係想色誘我喎。
話口未完，佢好似想再攬實，其實我想走，問題係我一走，佢醒左就唔係咁好，我唔走，我諗我會頂唔順。
訓多一陣，佢直頭訓埋上黎，個大脾位啱啱好係女上男下既姿勢。
我個巨龍直頭頂到行一行，咁既情況我唯有推開佢，之後佢都無再捱過黎我度，終於我都有得休息。
唔知訓左幾耐，突然從帳篷傳出慘叫聲。
「救命呀！野豬呀！」啊俊大叫。
我比啊俊既叫聲嚇醒左，心知不妙，拿拿臨衝左出帳篷。
見到啊俊同啊強避開緊野豬既攻擊，左閃右避，場景混亂。
佢地個帳篷已經穿左一個個既窿，同時我地既營火都比野豬撞到散哂。
我立刻叫啊麗起身，費時佢未訓醒就比野豬撞獲金既。
「咩事？」啊麗比我嗌醒左，迷迷糊糊咁問我。
「出事啦，起身再講，我出去睇情況先。」我轉身幫手。
眼見野豬左撞右撞，我突然醒起帳篷入面有個萬用刀，應該有用。
拎完萬用刀之後，見機行事，發現野豬撞完之後既一個轉身時間，原來會有減速。
啊俊同啊強比呢個場面嚇到，所以根本無諗過自己係需要武器，咁我呢啲英雄係時間出動。
我見野豬一轉身我就衝埋去，黎一個突襲。
好成功咁，我用萬用刀插中左佢側邊肚位，但係換黎既只係佢受左少少損傷，反而動怒左隻野豬。
野豬不停咁撞埋我度，我身上亦無其他武器，只好不斷咁避。
避避下突然出現左幾個著哂西裝既男人，一個手拎捕獸網，另一個手拎擬似電棒既野，兩三下手勢就將野豬制服左。
我當堂企左係度，心諗咁似啲有米人家既千金，受到危險就會有十面埋伏既保鏢出動既劇情咁。
我究竟講咩？啊麗咪就係果個千金囉，係實實在在係我面前上演左一場。
回個神之後，原來啊俊被野豬襲擊完，雙腳流左不少血，但係啱啱睇落又唔覺佢傷左喎。
依家營地又搞到咁，啊俊又傷埋，為免夜長夢多，我地都係將活動腰斬，中段告吹，盡快將啊俊送去醫院好啲。
(呢次更新之後又唔知等幾時先有，但係我會應承你地唔會爛尾)