當殺人變成習慣: 第十七節

這兩天和敏晴在這冷氣房間內，沒有特別的事可以做，除了食就是睡覺，當然還有做愛！
 
很頹廢的生活嗎？我可不這樣認為，只要想起稍後時間要繼續執行未知的任務，遇到未知的危險，我就想做愛這種娛樂是那麼的幸福。
 
兩日的時間過得很快，我在想馬尾男亦是差不多時候到達，並把我們送回水泥房。
 
「咔察！」如我所料，馬尾男已經推開了冷氣房的大門並走了進來。
 
「點呀，天樂，想繼續執行任務定係返去水泥房？」馬尾男說。
 


「我要執行任務，不過我想知道仲有冇其他任務我可以選擇？」我把敏晴拉到我的身後說。
 
「選擇？當然冇啦，你當自己係咩呀？接落黎既任務你只要完成到，就可以住另一間冷氣房一個星期，仲有獨立泳池既！你唔做就要返去之前間水泥房度，你答我！去定唔去！」
 
「咁我完成左係咪仲會有錢收？」
 
馬尾男目露兇光的看了一下敏晴說：「睇黎你都知道唔小野喎。」，馬尾男接著從衫袋裡拿了一張卡出來給我。
 
我把卡接過來，那張卡看似一塊小型的ＩＰＡＤ，內裡還有不同類型的ＡＰＰＳ可以選擇。
 


「你頸上面既紅色牌係一個開關器，你將塊牌擺近去塊平板電腦到就得架啦！」馬尾男說。
 
我按著馬尾男的指示去做。
 
「嘟！」
 
蘇樂
已完成任務：２
獲得金額：$80,000
結欠: $9,920,000


 
「你而家有八萬蚊，不過你都見到個指示，你要還晒九百幾萬俾我地先走得到，你明白未？」
 
「我唔明，做咩無那那我會欠你地成一千萬？仲有，我唔俾錢你地或者完成唔到任務咁會點？你吹得我漲呀？」
 
看到巨額的欠款讓我有點失控，之前完成了兩個任務，才獲得八萬元，那麼我要完成多少次任務先可以走到？還有敏晴，如果想帶敏晴走，即是說我揹下二千萬元的欠款？
 
「哈哈哈哈！你唔好咁激動住，陣間既任務只要你完成到就有三十萬既獎金，再下一個任務既獎金就會去到一百萬，所以其實都唔係好難。」馬尾男安撫完我之後，接著說：「我諗咁啦，呢個任務你完成左之後，我再慢慢講解一下之後個遊戲玩法係點啦！」
 
遊戲？這班他媽的大陸人居然把整件究當成遊戲？我狠不得把馬尾男打得吐血，可是我知道現階段如果我得罪馬尾男，後果將會十分嚴重。
 
「好！我同你去完成下一個任務，不過可唔可以俾敏晴嚮呢間房度等我？我唔想佢再返去間水泥房度。」我說。
 
「好呀。」馬尾男轉身示意我跟他離開。
 


我走去敏晴的身邊並吻了一下她的臉頰說：「你等我，我好快就返黎，之後我地就至少有七日舒適既生活啦！」
 
「你記住小心呀，唔好有事，至多返去水泥房，但係你唔可以冇左條命架。」敏晴雙眼通紅的說。
 
說完，我便轉身跟著馬尾男離開，預備進行下一個任務。