是咁的,相信MSN真係唔少人既回憶黎
由於係用e-mail做帳號,平台又唔算開放
所以無啦啦比人add左一定會問返對方既來歷
不過可惜已經執左,換左做skype......
但我上面都講過啦,用e-mail做帳號呀嘛
係好奇心促使之下,我想搵返以前網友既e-mail
睇下可唔可以搵到佢地既FB,就算係分身都好丫

於是我就Google左唔同既方法
只求登入返msn睇返網友既msn e-mail




那怕係網上版,定係要skype上動手腳
最後比我發現到可以係skype個帳號到做破解黎搵返以前MSN既朋友
但可惜我依家skype個帳號係以前無聊開msn既分身
朋友少到用手指都數得晒,仲要無聊到add埋自己正身
不過算啦,點都有一兩個好少少既朋友比我add左掛

朋友就搵唔到啦,但可怕既事情就發生左......
點解唯獨係我正身會係「線上」狀態呢?
唔通我果個e-mail比人hack左?
我二話不說即刻hi佢,因為我果個AC係msn停止服務之後就無再理過




點知我字都未打完,佢就同我講野......

㊣野一健★﹏☆(我以前MSN個名)說:
請問你係?點解會ON到我分身MSN?

待續。
已有 0 人追稿