有咩恐怖得過同自己玩MSN？: 第四節 - 相助
再續上回，講過去既我變左未來既我......
恨魂說：
又唔洗特登offline既，始終你都係我，岩岩我語氣重左，唔好意思，我都有件事想拜託你。
我說：
得，無問題，但我真係趕篇野先......唔off，OK就即刻叫你。
三十分鐘後......
我說：
你有咩要搵我幫你架？影響我未來既命運？
恨魂說：
咁耐架......好明顯係啦.你聽朝7點帶埋部手機去水塘最入果到，之後果到會有個銀色頭髮既人，你到時話比你個PAD帳佢就得架啦。
我說：
唉，算啦，大不了我咪重玩，不過都唔知點解關個PAD帳事......
恨魂說：
總之你一定要去，因為我依家處境其實好危險.
之後果個聯絡人既狀態就轉左做離線......我都馬上休息。
不過佢都無指明要我一個人去，所以我都係拉埋個死黨一齊去以保安全。
話說終於到左水塘深處，我跟住未來既我講既一樣，搵果個銀毛仔。
我：「喂喂，有人叫我比個PAD ac你......」
銀毛：「嗯，你叫星仔走先啦。」
我：「(心諗:佢又知我死黨叫星仔......)你就好似佢咁講走先啦......」
銀毛：「依家跟我黎啦，比ac我只係一早約定既暗號黎，因為我係唔知你3年前乜樣。」
我：「下，乜意思呀？仲有依家好似行緊去防空洞咁，你又係乜水呀？」
銀毛：「我係你兩年後既同黨，至於我地既本名都係互相保密，不過你會叫我做銀狐，至於你個名......由於你個頭既顏色成日轉，又成日甜品當三餐，我地幫你起左個朵叫彩虹糖。」
我：「咁我3年後一定係個肥撚黎......咁你係未來既人，點解又黎左2014年？你咁講即係未來有得穿越時空？」
銀狐：「唔係，我只係因為要著草先誤打誤撞穿越左黎2014年，我地組織加埋我同你一共有7條友，唯獨係得我黎左2014年，其他人就未知，可能真係講笑咁講回到三國。」
我：「睇黎3年後既我又幾危險......話說黎到咁深入，黑蚊蚊，你到底要做乜？」
銀狐：「就係要堀返一樣你先用到既野......」
待續。