有咩恐怖得過同自己玩MSN？: 第十三節 - 復仇
續上回，從另一個平行世界而黎既我，竟然有意向以前蝦我果班童黨挑機，但人地大大話話都有廿兜友......
K：「喂～丘仔，你部烈火戰車真係好撚型呀！」
丘仔：「呀！！！我隻左手唔知比咩打穿左！流好多血好撚痛呀屌！！」
K：「你多謝我啦，原本想掉你個頭架，但你死左，咪無得問你可唔可以比架烈火戰車我囉......喂，送比我得唔得呀？真係好型呢......」
丘仔：「我送你老母呀！你賠返隻左手黎！！！你地快啲幫我出頭呀！！！」
K：「我對Auntie無興趣喎......你送比我啦，我真係好想要呀，呢架烈火戰車有我既鮮血係上面，真係令我突然間好興奮呀......」
丘仔：「哇！你條死毒撚都幾撚小器架喎！以前碌你唔死多謝都無句！依家仲要整斷隻左手！！！我要你賠返比我！！！大家一齊上啦！」
K：「你唔單止唔去止血，仲咁有戰意想黎斬我隻手，我真係好開心呀......黎啦，黎啦。」
丘仔：「仆街丫！你條毒撚去死啦！！！」
我好似蓋倫咁乖乖地係草叢入面食花生，但估唔到呢個我係咁勁，身手可以好成咁，幾條友一齊斬埋黎都可以有位避，仲可以郁埋佢地隻手令佢地鬼打鬼......
K：「咦，做乜斬你啲朋友仔呀......原來童黨既友情真係仲薄過一張紙既......」
丘仔：「點解咁架！呀！！！你條死毒撚淨係識閃！！！搞到我錯手殺左我兄弟呀！！！」
K：「咁疊馬又有乜用呢？你地自己人打自己人既......你做咩呀丘仔，唔想送都唔洗嬲到斬死晒自己既朋友架嘛～」
烏龜：「你條死毒撚，串柒柒咁，當我呢個人地大佬死架！？」
哇......呢個大佬打中左另一我塊面，唔知另一個我其實係咪只係識閃黎閃去呢......但另一個我仲笑容滿面，應該真係好勁......
丘仔：「龜哥！執多把刀啦！！！一齊劈死呢個死毒撚！幫我地啲兄弟覆桌呀！」
K：「呢拳打埋黎有少少感覺......嗯！係鮮血既味道，我真係徹底咁認真起黎啦！哈哈哈哈......」
烏龜：「你食屎啦死毒撚！！！」
K：「喂......丘仔，估唔到你作為一個垃圾童黨，都當正自己好似出黎行古惑咁喎，「覆桌」下嘛......就等我獎勵下你同你阿大啦......哼。」
估唔到另一個我出拳又幾快，同埋好鬼大力，一拳一塊面，由頭打到落地，啲血飛到周地都係，唉，都唔知佢一陣點清理現場......
K：「我扯～原來所謂烈火戰車係爛銅爛鐵黎，不過算啦，就踩到佢為止再算啦，呵呵......」
我：「你唔係諗住咁就走阿嘛......呢到好似黑幫開完戰咁啵，我怕一星期後你見我唔到咋。」
K：「放心啦，我依家就順便介紹下其中一個會出戰既隊友你知啦，喂，奧格斯，照舊啦，食乾淨啲......」
奧格斯：「吼呀呀呀！」
我：「哇，幾時黎左個巨人架......同埋食人肉既？！你叫我點搵人同佢打呀，食左個人咪唔洗打......」
K：「佢只係會食屍體，活人佢會打死先食既，你見佢好似狂戰士咁無理性，但佢其實會聽我既命令去行事......好啦，總之佢食完就會自己走，我地一星期後見啦咁。」
嚇得我丫......幾驚佢會食埋我，但估唔到另一個真係踩住果部爛鐵走......但個巨人又真係清得幾乾淨......好似搵水車洗完地咁，仲乾淨過我岩岩黎公園果陣，睇黎我安全，我都係時候返屋企搵隊友......
細龜：「你......唔好走住呀......我岩岩未死......好彩我扮野...再爬下...爬下咁...依家我要幫我阿哥報仇呀！」
我：「哇！！！唔係呀！！死淨一個！仲想走過黎桶我一刀，大獲！」
奧格斯：「Arhaijua！」
哇，好彩呢個巨人察覺到，用呢下咁震撼性既聲音喝停條友......但一拳啪落去令個MK仔變左肉醬，好似勁過頭......但最可怕係插係個MK仔身上既果把刀都可以整扁埋......睇黎出戰同佢打既人真係要簽定生死狀都似啦。
待續。