小學收尾果年，我係學校同人打左場大交: 第五節 - 天鷹戰士

續上回，因為我地估校長唔係學校，所以決定暫時收隊
而復仇心極重既施同學繼續去校長室搵校長
正當我同橡膠超人踏出學校門口之際
見到差唔多成層二樓既窗爆晒
肯定有料到，緊係返轉頭睇下(食下花下都好丫)
真係好似打機咁，校長係個校長室入面飲緊紅酒
係到等人「叉撚住」佢。

校長：「終於有人搵到黎，仲諗住偷襲我，睇下係邊個先......咦！乜係八神同學你呀？病左就唔好返學啦，有需要既我可以幫你退學架～」
有睇第一節既朋友就知一叫施同學做八神就會好嬲




即使已經進入獸化暴走既佢，聽完呢番之後就只會更加狂暴化
依家既施同學，隻手除左好似打左成十幾廿年丁咁大隻之外
仲好似路飛二檔咁，紅得黎又有股氣(但可惜我果邊個路飛未學二檔)
不過校長作為Boss既實力緊係遠勝過佢啦
所以佢不惜整爛間學校都要用多次係一輝果到抄落既必殺技......
鳳翼天翔！學校依家變廢墟都唔怕啦，反正已經成為左魔界既據點
就係咁，二樓又黎多次大爆炸
好彩唔影響我地兩個花生友
但係雄雄烈火之中，仍然可以見到施同學既身影
都唔知係佢仲有理智定一世負碌




佢既力量竟然係黎自身邊既烈炎
依家既施同學有住隕石一樣既衝擊力
一野撞埋去校長到，可惜校長年事已高
根本黎唔切反應作出招架
比隻野獸咁狠狠一撞，由二樓前樓梯飛到後樓梯再爆埋牆碌落街
加埋都凌空飛左十幾米，仲嘔埋血添

校長做得Boss唔係咁廢掛？
果然無估錯到，校長真係會變身，動真格
由光頭撒亞人變身為撒旦化身




戰鬥力真係爆晒錶，我諗施同學真係出埋呢次場就可以收工
不過講體型仲係施同學大隻啲
校長變完身之後，一野整粒暗黑元氣彈比施同學嘆下
果個元氣彈真係唔簡單，打中左施同學之餘仲搞到成個足球場爛左
唔知係個暗黑元氣彈既顏色問定施同學黑暗化左
皮膚顏色由紅色變成慢慢變成紫色
唔通佢會好似初號機咁暴走？
如我所料，佢真係好似初號機咁，吼叫左一聲：「我真名叫施天英！係被選中既天鷹戰士！」
然後一野衝埋去校長果到
乜野防禦網都比佢果個拳頭打爆左
仲打左佢幾十拳，不過當然係快速拳
直到校長爆出一股股烈風先可以將佢彈開
其實天鷹戰士咪即係新世紀福音戰士，不過可能佢唔係香港人，所以先咁叫自己啦
但到底呢部初號機同果個撒旦化身打邊個會羸呢？





待續。