《我唔想成為一個援交妹》: (9)

…………………………………………………………………………

「唔該，517號房要落一打藍妹啊！要快既！」


跟住我一路行一路跟住neway公仔嘜廁所既指示牌係咁轉再轉，我希望我可以盡量拖延時間，等到光頭佬飲醉到癱癱腰，我先入番去，呃曬佢D錢走。

哈哈，哩鋪我仲唔賺到我識笑，抽左我咁多水啊喇！死鹼濕光頭佬！




啱啱好，前面竟然企住3個金毛頭阻住條路，我可以扮曬野因為要兜路，
遲D先入去應付條大水魚，


「啊風！幫我點首「念念不忘」我地要傾埋條數先入黎！」

「哦，好啊」

我行到果3條金毛頭既前面，冇錯，見到我著住條咁性感黑色小背心行，係狗公通常都會瞟我幾吓，佢地既K房係10號，同我相隔有7間K房既位置，我可以慢慢咁遊花園，




「(口哨聲)～ 靚女，一唔一齊唱K啊！」


仲以為係咩好既貨色，點知又系3個唔入流既金毛古惑仔，全身都係住黑色衫，
懶係型咁擺哂甫士，
拎著部唉瘋好似同所謂既黑社會傾數。
句句都係港式粗口，唔係問侯人家人，就係請人地食屎就自己仆落街，




我好自然咁樣瞟過一眼金毛頭佢地全部，再睇下入面坐係度點歌既金毛仔，

咦！入面K房果果男仔………………

…………米係之前屌過我既

順德校服仔，

「幣！要即刻走人先得」

佢點解又會出現係K房架！
好彩既係佢居然見唔到我企起佢K房既門口。





我大約拖左20分鐘左右先入番去K房應酬條老野，
入到去D酒已經黎哂，我見到枱上面有4技空樽，

點解我每次見番個順德校服仔，成個人都會謝曬皮咁，甚至唔知自己做緊D咩，頭腦一片空白。到底發生咩事，係佢令到我，每次見完佢都好似冇左自己咁，唔通係生理反應！

唔通我同佢前世有仇，佢今世要黎揾我報仇？

定係我......忘記唔到佢，
哩個同我發生過關係既......陌生人......


「靚妹！做咩臉青青咁！快D過黎飲酒呢！」


「嗯～好啊！」



Shirt！他媽的，雖然光頭佬成塊臉都好紅，但係睇得出佢仲末醉，睇黎條水魚比想像中仲難對付，

當我細心留意K房周遭果陣先發現。

原來間K房剩係得我同個光頭佬，

Nike一早已經離奇咁唔見左，
唔通佢地番左屋企，定係已經開緊房。

我諗住起身拎冰桶入面枝藍妹果陣，
光頭佬已經九秒九咁拎起枱上面枝酒俾我，
我冇理由去拒絕，酒都係我點既， 冇理由唔去飲，

我拎住枝已經開左既藍妹啤酒，飲左幾啖雞，



突然之間個頭好暈，唔係禁快醉吖嘛，
我記得我之前係richy劈酒個陣，
我起碼飲夠三打酒先醉，奶西洗日都叫我做

全場之中既「酒聖」。


「靚妹，你見醉la，洗唔洗我送你番屋企啊！」



「冇……我冇…事！剩係有D暈姐…」





我感覺到一股興奮沖入左我身體裡面，
我突然之間覺得洗個人都好high，
身邊既啤酒罐好似全部都飛起哂黎，
我郁下隻腳諗住想走。
點知原來我一直企係原地，冇郁過。

我發覺我開始控制唔到自己既手同腳，
大腦既思考同肢體既動作都失去左連繫，

「放開我啊！放開我啊！你地想點啊！」


我只可以係腦裡面講哩句野，同掙扎，


但係依家我居然好開心咁係佢地面前搖擺身體，不停大笑，而唔係即係沖出去門口大叫救命，

係咩野出左問題！唔通D酒俾人落過野！


………………………………………………………………