《我唔想成為一個援交妹》: (12)

…………………………………………………………………


「醒喇！程日美！喂！！」


「唉……我個頭好暈啊…你係乜水…點解係咁嗌我個名…...」


「上面，你張床上面大大個寫住「程日美」三個字。」




根據依家嗅到既藥水味道，我好肯定我自己唔係發緊D白痴夢，而係去左一個好光好光好似天堂既地方。我係係一間醫院一張好大既病床上面，隔離坐住一個好靚仔既金毛仔，唯一唔同既係佢個頭唔係全金色，髮尾既位染左一種好特別既星空顏色，好夢幻，最夢幻既係哩個靚仔係度係咁嗌我既全名，

「依家姑娘同你打針，你乖乖咁起身啦。」

跟住啊風已經好快咁扶起我坐直個身，然後俾位姑娘好大力咁捉住我隻手臂打針，我發現到我既手臂依然紅腫左一片，


「你身體入面D藥效仲未退，加上手部既傷，仲要消毒，至少要留院觀察一個星期。」




「嗯……」

等到姑娘幫我打完針食完藥，我發現我完全對琴日之後發生既事，居然一D記憶都冇，


「係喇......琴日之後到底發生咩事？我點解會係醫院到？」




「哩件事就要係琴日咩你去醫院，落大雨果陣講起…」

我拉住醫院張被冚住我自己成個人，望著個樣好眼訓既啊風，我知道佢陪我係醫院已經成日，佢一路坐係我隔離打哈欠，一路集中精神咁同我解釋清楚，


「有位小姐琴日訓左覺之後，就係咁發開口夢周街大嗌，D龜見到一個金毛頭周街咩住個女仔咪查我地證lo…唉，D龜又黎巡嗱…」

唔係啊風同我講，我都唔知原來已經有兩個差人企係我張床前面，仲叫走左啊風出去等，

「程日美小姐，我依家要同你落口供，所有口供全部會紀錄低，你亦都有權保持誡默。」


「程日美小姐，請問於昨夜2015年既3月7日，你去左邊度，同邊個一齊。」




「你都睇到架la，我米條仔一齊lo，啊sir。」


「點解你要服用禁藥「跳粉丸」，同你身上面既傷痕係點樣得黎。」

我無理由同差人講，我係一個援交妹，
而我係因為要去釣金魚老細，所以就唔小心爭D俾人強姦左搞到昏迷左入左醫院，手上面既傷都係因為係掙扎既過程之中整傷，

「係嗱，啊sir,你唔係已經同我啊媽講左啊嘛！哩單野。」


「如果你唔同警方合作既話，我地幫唔到你ge！小姐」


「我仲識笑，仲識叫，咩你見到我好需要人幫咩，出便咁多冇飯食既人，又唔見你去幫佢！」




應付完差佬一大輪質問之後，我已經可以好肯定啊媽已經知道左我入左醫院，而佢亦都冇黎到探我，就算佢黎到醫院係咁罵我都好，我都希望至少啊媽有黎過，


「喂，你對手……仲流得嚴重過我D血。」

除左係上一次我見過風成身傷既樣，今次係我第二次又見到哩個情況，唔通我每次見到佢，都要係哩種咁核突既場面之下發生，今次係風因為將個酒樽一野扑落光頭佬到，而俾玻璃碎唔小心割傷風隻手，先整到咁，


「好少事姐，我地出得黎行，就預左會隨時俾人劈，一陣間就冇事架la」


啊風跟住落左街買白粥俾我哩條麻煩友食，係忍耐程度黎講，風已經算係忍得到我果種極度港女性格既人，



「風，落街順便幫我買包藍冰啊。」

「哦，洗唔洗幫你買埋姨媽巾。」

「咁又吾洗，要勞煩風大少，點好意思la。」

終於，風落左去樓下買粥，我可以抖下，起碼唔洗諗我應該點樣同佢解釋，K房我差D俾人強姦件事既前因後果，我就係好驚風唔知幾時會突然之間問我，跟住我又唔知點答佢，口疾疾，

部三叔機突然之間狂震左一下，好彩我冇較到鈴聲，如果唔係又俾姑娘屌，其實頭先我同風係講嘢個陣夾雜左D粗口，已經俾個護士屌過我，

我即刻爬左起身，拉起三叔既充電線，睇下邊個揾我，(利申:我隻手仲腫緊。)

望下手機又係顯示住號碼不詳，唔通係………
……………………………………………………………………