.....................................................................

我程日美又被逼去左差局一趟,因為我絕對有把握,D差人絕對唔會搵到料告得我入,事關我扮護士逃走左出去個陣,風已經將醫院既所有閉路電視關哂,

(注意:我事先係絕對唔知風一早已經吹左雞班馬去醫院搗亂。)

跟住我依家當然係好順理成章之下,癱癱然咁坐左係差局度等D差佬去點X樣去審我,冇錯最後,已經得出一個結論,佢地班差佬基本就告我唔入,因為我實在生得一副乖學生模樣。


你知道的,只要我整一個極度無辜驚恐既表情+上載住副眼鏡,我諗90%我會依家輕輕鬆鬆行番出去差局,除非我打扮成一副MK妹既裝束,否則D差人通常冇咩理由去留住我。



「你個程日美啊!到底發生左咩事啊!」

一係差局出到去,就聽到奶西著住件校服企係門口到,睇得出佢已經挽左部電話好耐,



「D差佬lo,頂,咁都可以認錯人話係我黎!反正唔關我事!」





「我同肥波都好關心你啊,知唔知,頭先一放學就即刻問miss張你發生左咩事!」


「哦……佢有冇講D咩啊……」

我一臉緊張咁問,因為我實在怕miss張會將我冒充護士果單野同奶西講,你知ge la,中學係永遠永遠唔會有秘密,

「一理通百里傳,醜事傳千里。」




「Miss張話喎,D差佬琴日去學校搵你,但係冇同我講你發生咩事。依家聽你咁講,原來又係D差佬屎忽痕,冇野做。」


望住身材好好既奶西,一副極度關心我既高潮樣,睇黎佢容光奐發左,唔通又識左個有錢仔。

我部啱啱轉左黑色心心手機縠既三叔樣又係咁響,你知道的,三叔機既note4仲大個自己既手掌,要拎佢出黎簡直難過搵1$出黎,你知道的對於大的,粗的東西,我並不感到有興趣,

訊息(1)

上次聚會K房陪坐筆錢已經過左落你戶口到。總共1000$

發送者:不知名電話號碼

望住發緊光既螢光幕,我覺得自己簡直好似一個扯線公仔,只係被逼去完成一單又一單既任務,到底我要完成幾多單交易先可以脫離去做援交妹哩件苦差,一個月,三個月,半年,一年,定係一世?



「諗D咩諗得咁入神啊!拿今晚就係richy個場度等你既la。」

我同奶西一路沿住荃灣警署條馬路行,沿途一路經過大球場,糖水街,就係見唔到風係到等我既身影。

我諗……佢只係係度忙緊其他野,唔得閒黎接我,


(風,我啱啱係差局出左黎la,

你做緊咩!)

發送此訊息中:

…………………………………………………………………