《我唔想成為一個援交妹》: (20)

………………………………………………………………

「唔洗指意走出去哩間房到！咁仲意玩啊嘛，我就俾你玩！玩啊，玩啊！！！！！」


「你大哂啊！唉啊，我依家好驚啊！」

今日朝早一起伸，就已經俾啊媽反鎖左係房入面，原因好簡單，佢已經知道我賴左野係身，而有九成都係拜miss張所為，我決定要無休止罷上miss張既所有課堂，




「唔係啊喎！你啊媽又黎宵禁你啊！」

「唉啊！你知架喇......我同佢不嬲都係一點就X著。」

奶西偷偷地係番學食lunch個陣打俾我，肥波一邊係電話隔離大吵大罵，爭住要同我哩位灰姑娘講野，


「琴晚送我番屋企果果金毛頭令仔呢，一朝早就企係學校門口等你。」




「下，估唔到你醉到咁都認得佢。」


「我同佢講，你俾啊媽宵禁，叫佢唔好再等la，因為佢已經企左係度3個鐘頭。」


跟住奶西又一野搶左部電話，不停狂呼着，

「程日美，識左個靚仔都唔單聲，唔認得人la。」




跟住又係一段既佢地既對男性既評頭品足，
係咁係我清靜既耳根邊不停咁回響，我就算係間房度，都可以好清楚咁feel到學校依家有幾熱鬧，他媽的，為什麼要將我宵禁起黎，我好想番學校同奶西，肥波佢地，係學校hea住上堂，然後訓飽飽落堂之後，就可以落richy玩成日，哩D先係程日美我既生活，



一打開部三叔機，WhatsApp就係咁響，有成20幾個，有10個係奶西and肥波班友send黎，有10個係啊風send黎，


風：12：00「你係邊？點解今日唔番學！」

12：15「18：00係番上次果果公園等ar！不見不散」

12：30「(心碎)就覆一覆我吧！我需要你。」





………………………………………………………………
奶西：

13：00「睇黎今晚richy你都係黎唔到～」

13：15「聽聞今晚杰仔都黎挽。」

13：18「唔好羨慕哦，果次你同我講你對佢冇feel既。」

13：20「咁我就唔介意執走佢la(心心眼)。」

我笑左一聲之後，「噗」一下彈落張床到，打開左今期既八卦周刊睇，果然消息冇收錯，封面標題果然大大隻字寫住，



「富二代温禮杰喜愛夜浦，捉正密會特首女梁齊听。」

真係唔明點解奶西同肥波明知果果，温禮杰，「杰少」係明副其實既玩家，仲要鍾個頭埋去。

冇計la,我由中一識佢地已經覺得佢地癲癲地，唔理後果，不顧一切咁做自己仲意既我，哩樣亦都係我想做既野，個陣時，我真係好羡慕佢地可以咁自由自在。
………………………………………………………………………