《我唔想成為一個援交妹》: (25)

……………………………………………………………

將啊風交俾我既野，成功交俾杰少之後，我估唔到呢個書面語怪獸會，突然之間行過黎我隔離，係我耳仔邊靜雞雞咁講，

「靚妹，你知唔知幫人運送毒品係犯法既。」


「我知！不過我唔驚！」

講完之後，我即刻轉身離開，冇再擰轉頭，


突如其來一個陌生男子既一句說話，整到我好似做緊一D非法野，為左幫啊風將件野交俾佢，我完全失去左理智，心虛一輪就開始思考啊風既目的。

估唔到哩個温禮杰都會有正經番D既一面，到底温禮杰同風有咩關係，風點解會俾差人追，佢又點解要將包白粉交俾我轉交俾温禮杰，唔揾其他人，到底，我係風心入面既位置係D咩，


我真係好想好想知道？

輸入中……

「風，我已經交左包野俾温禮杰。」



「Sorry,上次因為我電話冇電～冇回到訊息。」


闔上電話之後，隔左幾秒，我就已經俾miss張叫左出課室，睇黎因為哩排風實在唔多理我，可能因為上次約會，我甩左底去陪老細睇戲，整到我連miss張堂都冇再俾心機聽書，可能亦都係因為咁，

我啊媽依家已經坐係我對面，同miss張平起平坐，好似控訴我一宗又一宗既罪行，而我亦都冇翻身之地，

「我同你啊媽傾左你既問題！程日美！」




「已經得出一個結論！」miss張同啊媽四目交投，好似已經知道我致命既死穴，miss張既聲線柔和得帶點陰謀，而啊媽即在一旁附和住係哩間課室做主場既miss張，就好似一個已經傷盡腦筋既需要求助既可憐家長，



「以後放學必須即刻番屋企，邊度都唔可以去！」

「唔得，我有出入自由，你管也管不着的。」

「咁，你唔好以為我唔知你晚晚都落！ R. .I. C. H. Y挽啊！呃我話去温書，你個衰女。」

我從來從來都唔俾啊媽知道，我放左學就落club挽，隱藏左一年既秘密，係哩一刻終於得到解放，我唔再需要係啊媽面前扮一個乖乖女，

突然之間，我洗個人都好輕鬆，
終於有一次可以係啊媽面前，大大力甩下書包，放下束得高高既馬尾，然後大聲喊叫，



「我番學好大壓力！真係真係好唔開心！我唔想讀la！」

Miss張同啊媽頓時瞠目結舌，望住我既表情只有傷心同不能言喻既失望，望住啊媽我實在引唔住淚水泛濫，你知道的，我一向都好少喊。

……………………………………………………………………………