[男籃]一球穿Jump: 第三回 – 使計

過左三個禮拜，我地中三同中四十班入面有九班已經報左班際籃球，只係差犀牛個班未報，而今日就係DEADLINE。
 
高佬「喂阿駿，你估犀牛攪乜鬼，點解咁耐都未報既。」
 
「我尋晚MSN過佢，佢話一來未揾夠人，二來就算有得打都可能第一場就出局，費事樣衰喎。」
 
高佬「咁點得架，打都唔打就認輸。咁我地咪冇得一齊去打學界囉﹗」
 
「咁你都要同犀牛諗下既，如果第一場就俾人炒，好HURT架麻。除非有機會俾佢入決賽啦。不過好微囉。」
 




高佬「都唔係話冇機架。咁好彩佢地第一輪對方A班書虫，書虫對書虫咪有機會贏囉。而第二場又咁岩輪空(五隊晉級第二圈，會有一隊輪空)。之後，又係第三圈又有一隊輪空，咁咪贏一場就直入決賽囉。。。」
 
「係喎高佬，咁都俾你諗到既﹖醒喎，咁點呀，去黃大仙望佢幫犀牛個班抽好籤呀﹖」
 
高佬「喂唔係喎阿駿，我地B GRADE抽籤咪係隔離班阿MACY定LUCY定BETTY抽既，傳到好行條女嗒你糖架喎，不如你以身相許啦。」
 
「屌你呀，為左犀牛去食隻犀牛，死都唔制呀。」講完即刻行開。夜晚我訓唔著，因為我覺得高佬講既野唔係冇道理，而且又唔係要我上床，可能係開口同阿MACY講兩句佢都肯呢。為左幫兄弟，你可以去到幾盡﹖
 
MACY係學生會幹事，樣冇身材冇，舊年被迫同佢PART過係學生會D賣物會度守同一個COUNTER，就俾人唱左成年我食豬排，真係苦過DD。
 




幾經辛苦，我同高佬都嗌到犀牛報名參加班際比賽，先過第一關。
 
高佬「喂兄弟，你諗成點呀﹖食唔落唔好勉強，我地再諗計架者。」
 
「冇辦法架喇，死就死啦，不過我地唔可以俾犀牛知道，你知佢架啦，死要面，知道可能會唔睬我地。」
 
高佬「得喇，其他同學個度我幫你攪掂，篡佢地唔好唱你。不過你要拖呀MACY耐D，等完左學界先，費事佢反轉豬肚我地就死緊。」
 
為左幫兄弟，我攞我初戀黎較飛。我覺得我好有義氣。
 




「喂MACY，今年仲有冇賣物會攪呀﹖」