我在大學遇到的人: 第一章　相遇

係台灣已經一個星期啦，即係等於離開咗屋企一個星期。

第一次自己一個人係異地生活，室友感覺上都唔錯。

陣間就要出去整電話咭，終於有電話用啦。


「你地行得未呀？」學姐問我同室友。

「我地行得架啦！」我室友Cathy答佢。



相處咗一個星期，同Cathy都唔怕好尷尬。

一路上都有啲計傾，未至於太悶。


「同你地介紹，呢個係阿浩，呢個係子喻。」

因為台灣嘅電話咭要滿２０歳先可以買，所以學姐就叫咗呢兩位同屆黎幫我地買。



「Hi，我係子喻呀。」

「你好，我係Nikki呀。」

「你係香港定澳門黎？」

「我係澳門人黎架。你呢？」

「哦！我係香港人！」



「你讀咩系架？」

「我讀生物醫學工程架。」

「我讀公共事務。」

我地傾咗成個晏晝，傾到食完飯先拾得走。


就係咁，我識咗呢個影響我好深嘅人。

哥時嘅我，以為一切都好美好。

以為我地會一直走落去。