我在大學遇到的人: 第六章　表白

你可能會好奇問我：

「你地點一齊架？」

我嘅答案可能會令你好失望。


：「其實我。。。」

　「其實我中意你！



　　你可唔可以做我女朋友？

　　我唔想你比人搶走，

　　我想同你一齊！」

：「。。。

　　我唔想你係line到表白，



　　你可唔可以面對面再問我一次？」

：「好呀，

　　聽日返咗學之後我黎搵你呀。」


如事者，放咗學之後我地食完飯，



同平時一樣，去咗操場散步。


「你仲未答我。。。」

「答你咩呀？」

「你。。。可唔可以做我女朋友呀？」

「嗯。。。」

「咁姐係點呀？」

「你追到我，我咪做你女朋友囉！」



我對腳咁短，

佢緊係追到我啦。


拍拖同未拍拖嘅時候，

其實都係差唔多。

不過就再甜蜜啲囉，

始終大家嘅上一段感情，

都已經係兩年前。



大家都經歷咗空窗期咗一排。


為期兩年嘅戀愛，就係咁，

係兩個都年輕，仲充滿住熱情嘅人身上，

開始咗。


愛情呢樣野，話黎就黎。

真係估佢唔到。

佢出現嘅時間，



唔一定係最理想嘅時候。

你想要佢出現嘅時候，

偏偏佢又唔黎搵你喎。

愛情呢樣野真係仲化學過人類。


戀愛嘅保鮮期係幾耐呀啦？

三個月囉！

計我話，如果係真心中意嘅，



一世都熱戀！