《招魂》為見死去女友搵師傅招魂,結果改變一生: 後記

後記:

《招魂》終於都連載完了, 依篇算係我第一篇正式在高登出既故

首先一定要多謝各位巴打絲打既支持 , 其實有人睇已經完成目標,小弟已經好開心



另外結局方面, 大家覺得點呢? 還看得下去嗎? 定係已經爛尾左?







至於謎團方面, 其實都已經無咩野謎團, 因為巴打們都已經估得九九十十。


無錯, 其實一句講哂就係: 平行時空


所以我都無諗住開一篇the fact了,不過如果你地有野想問都可以問, 我一定會盡力解答!







又或者用另一角度黎講, 其實我都預左你地會估到, 因為故事中係無直接講過發生咩野事

最初有諗過安排李士景同郭寒解釋發生咩事, 但係故事發展落去其實李士景根本就唔會主動同郭寒解釋(否則就好粵語殘片/膠劇了)

所以我都真係無解釋到, 但亦有信心你地會自己明

不過謎底咁易估都係一種缺憾吧...







依個結局算係open ending, 某程度上亦都算係happy ending(如果你想的話)

其實我自己都好鍾意依個故, 不過有一點係令到我有少少保留既...


就係好似叫人唔好追求真相咁...


李士景最後既忠告, 我想好不責任咁話不代表本作者立場

當然可能係我諗多左, 其實都未必個個都咁諗吧

我諗中性咁睇, 最後選擇既都係自己





就好似Matrix咁

你到底想無知地快樂過活, 定係面對殘酷醜惡既現實?

不過郭寒既故事係比較複雜,

因為如果佢一開始就信, 咁佢只係繼續在喪妻既悲痛下生活;

如果佢堅持求真, 就會係招魂過程中犯禁揭穿李士景既秘密;

兩種極端取向都去唔到而家既結局

至於邊個結局先好, 真係睇你自己點諗。







好喇好似扯得太遠

其實睇故都係想娛樂啫

大家睇完有咩野意見都可以分享下啊

如果覺得唔錯就俾個正評鼓勵下小弟啦!



更新:

由於好多巴打都覺得而家講到唔清唔楚, 所以我會再寫篇外傳出黎交代返成件事既來龍去脈

敬請留意更新