聽完佢以[你如果同我一齊,我即刻飛左佢]呢句之後。
到我答覆
我心魔 出現:你都唔係唔鍾意佢,你如果唔係有意思,你會唔會本能電佢,留意人?
天使唔夠時間出現我就給出答覆。
我:好(天使 你上天堂退休啦,人間冇你的事 
電話傳來歡呼聲

再之後就係成班女仔嘈完之後 我:[咁聽日再講啦]

之後番學日子到。番學日子好快過,放學。兩個人企係課室外的走廊。


你眼望我眼之後,我問:你鍾意我d咩?
佢:你信唔信一見鍾情?
我:唔 信 
佢有少少失落樣

女生話自己一見鍾情一個男生,就同女生問男生鍾意對方d咩一樣。
無論男生定男人,通常有幾個答案,但總離不開表面野,交行貨。
例如d 咩會同女生答你一見鍾情差唔多?就係:你好可愛/性格好/好識照顧人 等等
而我當時點諗?
由於我身邊朋友知道我同佢一齊之後,身邊同學朋友變哂8公,點8法?就係一個接一個輪診般,[佢同你一齊貪你夠cool 咋] [佢玩你咋] [佢之前都有幾個男朋友,只係冇一個係好似你咁cool咋] [佢見你咁cool, 想試下你係咁真係咁cool, 將冰山斬開咋]


一兩個咁講,我會認為係講笑,但幾個一齊咁講,你唔受影響的話,一係你係弱智,一係你聾的。
中4 懵懂的我,受到影響。
我心諗:佢係咪悶得濟搵我做玩具?(我咁諗的確係我衰,到現時我都覺係自己衰,與人無尤。)
拍拖定溝女都唔應該先入為主。

講完之後,因為我地課室位處學校最高層,上面就係天台。但天台係鎖左,好似係俾校監定校乜住定放雜物我都唔記得。
雖然鎖左,但樓梯係旋轉樓梯。所以樓梯有轉角位冇人睇到。最重要係個個位岩岩好高過哂其他的附近建築物,仲露天,想一想已經扯行!佢叫我上上面傾計,我都知佢想點。
已有 0 人追稿