第二日
鈴鈴鈴,又放學。
班上同學留低係課室玩,我落去打波。
打打下波,中1-3的同班同學黑妹賴由頂樓課室走落操場搵我,小江同黑妹賴平時都friend底會一齊玩。雖然呢到叫就叫黑妹賴,但其實又唔係黑,幾年中學都未叫過佢做黑妹。
黑妹賴:你係咪鐘意我?(哇,你知我同緊小江一齊,突然咁問我,我真係有種唔知點的感覺,黑妹賴唔係唔好,但好似差少少感覺,講性格純的話,係黑妹賴純D , 外型條件方面兩個差唔多)
(同時我係一早望到小江係頂樓望緊我打波,更係望下上面,小江真係企左係度,唔通係忠誠度測試..)
我:冇
跟住黑妹賴做左個可愛的扁咀表情,但係又感受唔到好大的怒氣。
(其實個一刻係有想過將面放近D黑妹賴耳仔答仔,等小江誤會下,之後再哄番佢。)但因為我廢事佢以為我真係咬耳仔,所以..
打到5點左右上課室搵小江。


小江:你鍾唔鍾意我。
我:(一於唔出聲用行動答你)啜。(我kiss左落佢右面面珠登,佢塊面好紅,好可愛  )
其他同學望到我呢個怕羞仔呢個行動表示嘩然!
我鐘意的其實就係小江個種俾人感到善解人意,隨和感。幾舒服的感覺。

小江:喂,一齊走囉。
我:好。
出到校門,被我奪去女神的袁小田出現係校門。
袁小門旁邊有幾個男仔。呢幾個都係佢d friend, 佢地都係隔離班的,一個同班。明顯來幫袁小田壯膽壯聲勢 



但我冇驚,個個咁瘦,雖然我中4 都唔係大隻,如果打起上來我雖然會蝕底d, 但係有其中兩個我識的,唔熟,但俾我感覺係無膽的。
我唔驚主要原因係我細個係惡劣環境下長大,可謂"膽生毛" , 小學一/二年班,住荃灣木屋區,樓梯位成日有白粉針筒,又多道友出沒。夠膽周圍走,周圍玩,自己一個人認住回頭路,走到幾條街遠睇4驅車,買4驅車龍頭零件。
所以除左真正黑社會,係無咩好怕。
仲要係學校附近,佢都唔敢做d咩。
加上如果小江真係唔受佢,佢都無辦法,佢咁都要郁手的話咪同佢死過囉。 
仲聽過身邊一d說法係話"小江同我一齊為左激走袁小田"
但係我的睇法係一個女仔,如果係要激走個男仔,大把方法, 洗咩用呢種方法。
跟住佢地行過來
小江行過去霸氣地講一句:我警告你,你地唔好搞佢呀!
我心諗 估唔到小江咁霸氣,同其他女仔唔同 


至少個刻我感受到佢係真係愛我多過袁小田 
跟住小江捉住我隻手拖我過馬路,急急腳咁,似乎佢真係怕佢地會對我做d咩
呢d唔通就係女性天生的母性? 
就係咁,我地拖手了。送佢番屋企,正確講,係陪佢番屋企。因為係被佢拖行。
不過都因為咁,第一次同佢手拖手 
之後輕輕kiss一下面就走了。
已有 0 人追稿