[二分之一甜][玄幻甜故]《嗜血者》: 178. 地位

178. 地位

廖遠吉取出一本書卷，書卷封面上寫著《探天卷》三個字。

廖遠吉翻開其中一頁，「差啲唔記得同你講，依個次元同你有莫大關係。」

「依個次元？我印象中，唔係，係亞巴頓記憶中……」

「亞巴頓當然唔會知道，當年佢殞落之後，佢嘅屍首轉折黎到依個次元，佢嘅基因更加感染咗部份人類，令到依個次元出現咗『傳說生物』。」



我瞬間想通，「所以所謂嘅完美基因就係……」

「就係亞巴頓嘅基因，亦即係惡魔基因。」

「因為我係亞巴頓轉世，當我變成吸血鬼之後就可以吸收任何傳說生物嘅基因……」

廖遠吉點頭，蓋上《探天卷》，「當中原理並唔係轉世咁簡單……不過你咁講都唔算係錯，如果你唔係亞巴頓轉世，就算你擁有依啲機遇都無可能成為反祖吸血鬼，更加無可能變成惡魔。」

我低頭沉思，「所謂反祖吸血鬼嘅『祖』就係指惡魔。」



廖遠吉微笑點頭。

「原來係咁……」

廖遠吉補充：「因為亞巴頓嘅屍首依個次元先至會有傳說生物，當然亦都有其他種族靜悄悄咁留低少量後代係度繁衍。」

「你講依啲嘢比我知，係想我利用佢哋？」

「無錯，踏入神階之後最需要嘅就係信仰，亞巴頓嘅信徒大部份已經改變咗信仰，咁樣會對你嘅前路有好大阻力。」



我抱腹大笑，「哈哈，咁又點？你當初一路爬上去，未一樣係無任何『真正嘅信徒』。」

廖遠吉似笑非笑，讓人難以理解他現在的想法。

「方法我已經留咗比你，用唔用由你自己決定。」

「我條路，我自己會決定。」我堅定的說。

廖遠吉含笑道：「既然你已經知道條路點行，我嘅責任亦都完成。我需要收返一方世界戒指，借比下一位魔王暫用。」

「尚夏佐？」

「無錯。」

「明白，咁我哋遲啲再見，或者唔會再見。」



我退出一方世界，手上的指戒亦已經消失，存放在一方世界內的毒針長矛出現在我手上。

「大人。」尤利西斯恭敬的說。

我拿出傳送石，「返香港接埋我嘅奴僕，我哋就返去大陰次元領地。」

「係。」二人道。

「仲有幾多人仍然跟隨我？」

尤利西斯臉有難色的說：「得返我同莫伊拉。」

「咁領地呢？」



「比幾位惡魔瓜分。」

我扔起手上的傳送石再接住，「好，竟然夠膽染指我嘅領地……」

「大人放心，我一定會幫你奪回傾地。」

「嗯。」

三天後，七悅異逸清醒過來。

「係你！？」

七悅異逸戒備著尤利西斯，尤利西斯目無表情，不發一語。

「唔駛驚，佢叫做尤利西斯，係我嘅手下。」



「手下？」

「嗯，係前世嘅我嘅手下。」

「前世？即係乜嘢意思？」

我把部份關於亞巴頓的事告知他，他化了半小時才算弄清現況。

「你跟唔跟我返香港？」我問道。

七悅異逸點頭。

雖然七悅異逸的實力還不夠看，不過能夠好好他背後的阿修羅一族的話，一定能夠幫助我完成霸業。



教廷方面，正所謂不吃白不吃，我隨意安排了一個傀儡當教宗，也許以後會用得上。

兩日後，我們乘坐飛機返回香港。

飛機上，我拿著納米脈衝機械人的瓶子，在教廷戰之中，始終沒有使用它們的機會。還是把它帶回去，送給淑盈等人防身吧，要是它效果好的話，一定要叫張生量產它們，讓奴僕們一人一瓶。

香港，西貢臨時基地。

「老公！」

「丹青！」

兩個懷著我孩兒的女人向我跑來，她們不理會腹中塊肉，嚇得我馬上跑到她們身旁抱住她們。

「粗身大細就唔好跑！」我激動的說。

Angel用想哭的樣子說：「對唔住……」

「老公，我哋只係太掛住你……」淑盈的淚水在眼眶中晃動。

「對唔住啊，我唔係鬧你哋嫁，唔好喊啦你哋兩個……」我不知所措。

她們二人對望，哈哈大笑道：「玩下你渣。」

莫伊拉帶著濃厚殺意說：「你哋兩個係乜嘢人？做乜對大人不敬？」

我把二人護在身後，怒道：「莫伊拉！佢哋兩個係我嘅女人，你唔可以用咁嘅態度同佢哋講嘢！」

「女人？大人你係話……」

「無錯，佢哋係我嘅愛人，而且已經懷有我嘅BB，唔止佢哋，我仲有好多奴僕住係依度。」

「知道。」莫伊拉低頭說。

我帶著兩位新手下和七悅異逸，進去基地深處。

我先把奴僕介紹給莫伊拉二人，以免他們弄出甚麼亂子，也好讓奴僕們的地位能夠定下來。

我對著莫伊拉說：「你知道佢哋對我黎講係好重要。」

莫伊拉的淚水在眼睛上閃動，「咁我呢？」

我把她拉進我懷中緊緊抱住，我不能夠否認我對她的愛意，也許這是源自亞巴頓的記憶、亞巴頓的感覺，不過我現在確確實實是喜歡她、愛上她。

「你對我黎講都好重要。」

「咁地位呢？我大定係佢哋大？」莫伊拉拉著我的手問道。

「先後有序，你當然係最細。」

「我最細？」

「你有異議？」我語氣中帶著威壓之意。

「無……」

我輕撫她的秀髮，「好，非常好。」

「尤利西斯。」

尤利西斯走到我身前，微躬道：「係。」

「我想問你，如果我依家用傳送石去大陰次元，會有乜嘢事發生？」

「我相信其他惡魔會黎阻止你返黎，應該會好快就會發生一場大戰。」

「好，咁我哋勝算有幾高？」

尤利西斯站直身子，「我哋戰力雖然唔夠其他惡魔強大，但係大人身為『色慾』掌控者，會有大氣運加身，必定能夠逢凶化吉。」

「逢凶化吉……即係勝算唔高？」

「應該會嬴，不過一定會有危險。」

我點頭道：「咁我明白，我同你哋兩個先去大陰次元。七悅異逸，你留係度幫我睇住佢哋。」

七悅異逸說：「無問題。」

「我要一齊去！」淑盈說。

Angel也高聲說：「我都要去。」

「你哋兩個粗身大細，去到只會令到我更加危險，好好地留係度幫我生返幾個肥肥白白嘅BB。」

淑盈說：「只不過，」

「唔駛多講，你哋要留係度。」

「係……」

我、尤利西斯和莫伊拉三人站在一起，圍成一個圓圈。

「我要發動傳送石啦，你哋準備好未？」

「準備好。」二人齊聲道。

我跟背後的奴僕說：「我先去開路，完成之後再返黎帶你哋去。」

「老公你要小心。」淑盈說。

Angel說：「有乜事記住返黎先，就算我哋唔去嗰度，留係依度都可以好好生活嫁。」

「我知道。」

我把心之力輸入傳送石之中，傳送石發出強烈藍光，我感覺到眼前的影像開始變得模糊，空氣就像蛋殼般剝落，然後重組，當所有的異像都消失後，我就出現在一片荒蕪的土地上。

「依度就係大陰次元？」

一望無際的泥黃土地，根本沒有任何生物反應。

尤利西斯說：「無錯。」