原來你一直在我身邊: （2）

那天星期六，其實是皓怡的生日，儘管她跟William相識不久，她還期望憑著好友的關係William會記得她的生日。在學校餐

廳，皓怡跟William一起共用午餐，皓怡看來沒有什麼胃口，她把匙羹在飯裏玩弄中，心想：可能William唔記得我生日了，咁

又係嘅，識咗唔係好耐，即使知道，唔記得都唔出奇。皓怡看著她的飯，不斷安慰自己，或者可能是到那刻為止，還未有人跟

她說生日快樂，所以心情難免低落。其實，William知道發生什麼事，但即使他看到皓怡沒有心機，他仍沒有對皓怡關心一

下。大概15分鐘後，他們就到自修室溫習功課。皓怡把手機放在桌上，周不時她會看一下Facebook，看一看whatsapp，但可

惜到下午時份，皓怡的朋友還沒有跟她祝賀，同時她又作怪自己在前晚特意把生日日期關掉，因為她想知道究竟有多少人會記

得她的生日，結果.....是沒有。平時皓怡和William會在4時才離開自修室，不過William跟皓怡說他有事做。

William：『皓怡，陣間我要去旺角，今日溫唔到4點鐘』
皓怡失望地說：『好啦，咁你陣間早啲走』

William：『我想你陪我去』
皓怡仍然沒心機地說：『下，哦，咁好啦，等我做埋依題先』





到了2時，他們乘車到旺角了。

皓怡：『係呢，你要去旺角做咩？』

William：『我表妹聽日生日，我想買條手鍊比佢』

皓怡此時有少許不高興地說：『咁你帶我嚟係咪想我幫妳睇下眼？』
William：『嗯』

他們走到一間首飾店，面前有各式各樣不同價錢的手鍊，William就叫皓怡幫他選擇一條。





皓怡：『你表妹幾歲呀？』

William：『同我地同年』

皓怡仔細地看，她看到有一條還不錯，價錢$199，還算合理，就叫William把它買下。

William：『你好似揀得咁求其嘅，如果係你，你會唔會鐘意依條先』

皓怡心裡呷醋了，她覺得William好似好疼愛她的表妹，不過同時又覺得自己的想法好無謂，縱使如此，她仍然覺得William

語氣好像想表達她選擇得不認真。

William看見皓怡的表情就覺得自己好像埋怨皓怡一樣，所以立即跟她說聲不好意思。





William：『um….其實我地仲有時間，你可以慢慢揀』

皓怡強顏歡笑：『唔緊要，我再幫你慢慢睇下』

事實上，當天生日的皓怡要幫一個自己有好感的朋友替他表妹選擇生日禮物時，她心裡怎會好過，不過皓怡並不小器，反而更

認真幫助William挑選手鍊。皓怡在店內走過一圈，走到一個玻璃櫃前她停了下來，她看著一條手鍊看了很久，William見狀就

即刻走到她身邊。

William：『你覺得依條手鍊ok？』

皓怡：『嗯，我覺得依條好靚』

William：『你好鐘意？』





皓怡：『嗯，當然鍾意，依條真係好靚，你表妹同我同年紀，我相信佢都應該會鍾意掛，不過價錢上就.....』

William：『唔該幫我包起依條』

皓怡：『$499喎』

William：『鍾意就得啦』

皓怡：『你又知你表妹會鍾意？』

William：『我信你taste嘛』

皓怡：『你表妹就好啦，有個咁錫佢嘅表哥』





William偷偷地笑

他們到茶餐廳食過下午茶後，William提議到處逛一逛。當走到影貼紙相的地方，William停下來。

William：『賞面同我影貼紙相嗎？』

皓怡：『haha，好呀，乜男仔都會影架咩』

William：『啊，你性別歧視！』

皓怡：『邊有喎』

皓怡教William擺pose後，就開始入錢影了。William每一個pose都弄得皓怡笑到不停，可能男仔少經驗，皓怡覺得William很

有趣。到了加工時間，他們每人各整3張。由於皓怡第一次跟男生影貼紙相，她想好好留作紀念，從而很用心加工每一張圖。

在按確定之前，皓怡想先看看William整成如何。第一張，她覺得還可以，第二張.....皓怡呆了。相片圖下寫著：

皓怡，生日快樂！

皓怡很開心的看著William：『多謝！仲以為你唔記得添』

William：『點會呢』

皓怡：『你係第一個同我講生日快樂』

William：『我有禮物送比你』

William從佢背囊拿出一個禮物盒。

皓怡：『依個....咪係頭先....』

William：『嗯』

皓怡：『你唔係話要送比表妹架咩』

William：『咁我唔知你鐘意咩款嘛，但又想送手鏈比你，所以咪呃你囉』

皓怡：『依條.....好貴』

皓怡心裡責怪自己，如果她知道William是買來送給她，她不會選擇一條那麼貴的。

William：『最緊要你鍾意』

皓怡：『多謝，依條手鍊我真係好鍾意，頭先我見你係買比你表妹，我都有少少唔捨得』

William：『haha，其實我仲有份禮物送比你』

皓怡：『仲有？』

William：『嗯，你再等下啦』

皓怡和William到桌子前坐下，並且剪開貼紙相分成2份。突然，皓怡的手機突然連續響幾下，她發現她的朋友在同一時

whatsapp發放生日快樂的祝賀說話送給她。皓怡覺得很奇怪，就覺得一定是她朋友的鬼主意，之後就連忙向她們說聲謝謝。

這個時候，William開口：『皓怡』

皓怡：『huh？』

William：『你覺得我份人點？』

皓怡：『um...ok呀，讀書好叻，又識氹人開心』

皓怡：『做咩你無端端會咁問嘅？』

William：『其實我....鍾意你，你可唔可以做我女朋友？』

皓怡突然臉上顯得好紅，她心裡卜卜跳得很快，比正在表白的William還要緊張。此時，皓怡的手機whatsapp再次連續響起

她發現她的朋友再次在同一時間寫下........ 

求你答應做William的女朋友

皓怡看著William笑了，William也跟著笑。

William作狀偷望皓怡電話：『唔知你會點答返佢地呢』

皓怡對著手機打字：我 唔 會 唔 答 應 呀！

William再次偷望皓怡電話，不過不成功：『我睇唔到呀，比我睇下你點覆佢地』

皓怡個頭擰向一邊細細聲說：『多謝你第二份禮物呀！』

William鬼馬地說：『講大聲啲啦，聽唔到呀』

皓怡：『多謝呀！』

William：『多謝....咁你係咪好鍾意依份禮物？』

皓怡鬼馬地說：『鍾意.....掛』

William即刻二話不說甜甜的笑著拖住皓怡隻手行。

兩人在商場一路行，一路拖著手。期間William不斷偷望皓怡，而皓怡剛好擰轉面時看到一塊鏡，從而得知William偷望她。由

於大家也是彼此的初戀，皓怡初次感受到被愛的感覺原來是甜甜的。

一路上，William都是輕輕的拖著皓怡，他怕弄出手汗而令到皓怡不舒服，而且他想好好呵護皓怡的手，因為女仔的手總是滑

滑的。

他們到一間雪糕店吃甜品，進食期間皓怡逼問William為何會知道誰是她的朋友，不過William不願意回答。皓怡：『佢地都係

我嘅中學好朋友，點解你會知嘅？你識佢地架？』

William：『點會識呢』

皓怡：『咁點解你同佢地夾到埋嘅』

William：『凡事總有方法嘅，不過唔知點解佢地好似已經知道我係邊個咁嘅

皓怡：『下....um...係咩』

事實上，皓怡常常被她的朋友們逼問下，她才對她們說出她對William有好感一段日子了，加上朋友們追逼皓怡道出William的

fb和相片，難怪一眾朋友們不會不知道William這個人的存在，當然，皓怡並沒有向William解釋為何她的朋友好像知道他是

誰，隨便笑了一笑輕輕帶過。

拖著William的手，皓怡面上帶著燦爛的笑容，同時亦認為自己好幸福。皓怡覺得她過了18年來最開心的一個生日。

William送皓怡回家，兩位小情人在門口前依依不捨，難捨難離...... 他們面對面手拖手，甜甜的看著對方，卻帶著不捨的眼

神。這個情景被正在站在門口的看更看到都忍不住說一句：快啲返屋企視像咪得囉，你地想企到天光咩。無情的看更打破了兩

人的深情對望，他們終於轉過神來。

皓怡：『你返到屋企call我吖』

William：『上到車我即刻whatsapp你』

皓怡：『小心啲啊』

William：『得喇，你快啲返上去啦』

皓怡：『byebye』

正當William還想著給皓怡一個Goodbye kiss，皓怡就連忙轉身離開了。因為皓怡知道她再不離開，就會有衝動帶William回家

了。