原來你一直在我身邊: （32－1）

皓怡替家謙補習完後就回家了，突然她收到Jason的電話

Jason：『皓怡呀，你想唔想去行山呀？』

皓怡：『行山？』

Jason：『係呀，我諗住聽日去行萬宜水庫，你join唔join我？』

皓怡：『um…..都好嘅，不過我未行過山，會唔會好辛苦？』





Jason：『到時攰嘅可以休息陣嘛』

皓怡：『咁.....好啦』

Jason：『約定你架喇，我聽日黎接你，記住要著舒服嘅鞋同衫呀！d水我幫你帶啦』

皓怡：『咁好？好啦』

皓怡和Jason在西貢集合，再一起乘搭的士到西灣亭。





猛烈的太陽讓皓怡感到不安，此時皓怡從她的背包拿出一件法寶，這讓Jason呆了眼...

皓怡：『haha咁就唔怕曬了』

Jason：『ha 我都係第一次見人拎遮行山，做咩唔戴帽呢』

皓怡：『咁我驚曬黑手腳嘛，兩節色好肉酸架』

Jason：『係了係了，我幫你擔遮啦』





皓怡：『唔駛～你已經幫我拎水了，何況都係暫時啫，等陽光無咁曬我就會收埋架啦』

兩人一路行，到了一個分叉口，他們都不知道路向如何而露出一面迷惘的臉

剛好有個阿叔行過，Jason就走去問問阿叔該如何行那一條才可以去到萬宜水庫

阿叔：『啊，你地行上面依條路就啱架喇』

Jason：『好吖，唔該晒你』 皓怡：『唔該晒』

阿叔：『睇住你個女朋友呀，行上去幾辛苦架，不過到最高就會有個涼亭可以抖下』

此時皓怡聽到都臉紅了......

Jason：『haha好嘅，我會架喇，叔叔唔該晒你』





Jason：『好啦，我地行依度啦女朋友！』

皓怡再次臉紅並打了Jason一下：『鬼係你女朋友喎！』

山路的確不容易行，即使有樓梯，要行上那麼多樓梯級確是蠻辛苦的.....

Jason：『點呀，你仲可以嗎？』停在高處回頭望向在下面的皓怡

皓怡不斷喘氣：『我唔得了，可以抖陣嗎？』

Jason走向皓怡身邊並遞給她水....

Jason：『睇下你，你塊面紅晒喇』





皓怡：『無辦法啦，熱血沸騰呀』

Jason：『仲行到嗎？』

皓怡：『ok，我地繼續行啦』

皓怡用力撐起身子，然後Jason遞手扶她起身，然後繼續往上行。

差不多到了高端位置，皓怡再次躺下了，哀求Jason讓她休息休息....

皓怡：『一陣，一陣就ok了！』

Jason：『應該差唔多到果個涼亭了，我地捱埋落去啦』

皓怡一面失落樣子，在原地企了幾秒就再繼續上樓梯.....





皓怡：『我唔明，明明我地係行山，點解要行樓梯呢』

Jason：『整條路比你好行d嘛』

皓怡：『嗚嗚...我好想爬上去，手腳落地應該會好行d』

Jason：『haha想做隻狗呀你？』

皓怡：『哼！』

過了幾分鐘....

Jason：『你睇下！到了仲有幾級！』





皓怡：『係喎！』

此時皓怡立刻費盡僅有的力氣跑上去，到了涼亭她整個身都扒在椅子上

皓怡不斷氣促地說：『終...於...上...到...嚟...了！』

Jason坐在皓怡的身邊，然後拿出tempo為皓怡細心地抹掉她的汗

Jason：『你呀，留晒汗了』

這個突然的行為弄得皓怡感到尷尬和不知所措，但同時她也沒有避開。因為.....皓怡感到一種很親切，很舒服的感覺。